రివ్యూ పిటిషన్ల డిస్మిస్.. అయోధ్యపై సుప్రీం కీలక నిర్ణయం

12-12-201912-12-2019 18:32:42 IST
2019-12-12T13:02:42.780Z12-12-2019 2019-12-12T13:02:41.002Z - - 19-04-2021

చారిత్రాత్మకమయిన అయోధ్య వివాదంపై దాఖలైన పిటిషన్లు అన్నిటిపై సుప్రీంకోర్ట్ కీలక తీర్పు వెల్లడించింది. అయోధ్య తీర్పుపై దాఖలైన 18 పిటిషన్లను కొట్టివేసింది సుప్రీంకోర్టు. నవంబర్ 9న ఇచ్చిన తీర్పే ఫైనల్ అని సుప్రీం కోర్టు స్పష్టం చేసింది. ప్రధాన న్యాయమూర్తి జస్టిస్‌ ఎస్‌ఏ బోబ్డే నేతృత్వంలోని అయిదుగురు న్యాయమూర్తులతో కూడిన సుప్రీం బెంచ్‌ తీర్పు వెల్లడించింది.

అయోధ్యలోని వివాదాస్పద స్థలంలో రామ మందిర నిర్మాణానికి మార్గం సుగమం చేస్తూ గత నెలలో సుప్రీం కోర్టు చారిత్రక తీర్పును వెల్లడించింది. స్థలం రామమందిరానిదేనని, మసీదు నిర్మించుకోవడానికి రాష్ట్ర/కేంద్ర ప్రభుత్వాలు అయోధ్యలో 5ఎకరాల స్థలం కేటాయించాలని తీర్పు వెల్లడించింది. సుప్రీం తీర్పును సవాల్‌ చేస్తూ ముస్లిం పర్సనల్‌ లా బోర్డు, నిర్మోహి అఖారా సైతం రివ్యూ పిటిషన్లు దాఖలు చేశాయి.

తొలుత తాము సుప్రీం తీర్పుపై రివ్యూకి వెళ్లడం లేదన్న ముస్లిం పర్సనల్ లా బోర్డు తర్వాత రివ్యూకే మొగ్గుచూపింది. అయోధ్య తీర్పును సవాల్‌ చేస్తూ 40 మంది సామాజిక కార్యకర్తలు సైతం రివ్యూ పిటిషన్‌ను దాఖలు చేశారు.

మరోవైపు అయోధ్యలో ముస్లింలకు మసీదు నిర్మాణం కోసం ఐదు ఎకరాలు కేటాయించాలని సుప్రీం కోర్టు దాఖలు చేసిన ఉ‍త్తర్వులను సవాల్‌ చేస్తూ హిందూ మహాసభ పిటిషన్‌ దాఖలు చేసింది. అన్ని పిటిషన్లను సుప్రీంకోర్టు కొట్టివేయడం కీలక పరిణామంగా చెప్పుకోవచ్చు.