newssting
BITING NEWS :
*నేడు సిద్ధిపేట జిల్లాలో కలెక్టర్లతో సీఎం కేసీఆర్‌ క్షేత్ర పర్యటన*నేడు ఢిల్లీకి దేవేందర్‌గౌడ్‌*గుంటూరు ప్రాంతంలో చంద్రబాబు పర్యటన*నేడు సనత్‌నగర్‌లో కేంద్ర మంత్రి సంతోష్‌ గంగ్వార్‌ పర్యటన *కర్ణాటక బీజేపీ నూతన అధ్యక్షుడిగా నళినీకుమార్ కటీల్*హైకోర్టు నిర్ణయాన్ని సవాల్ చేస్తూ సుప్రీంలో చిదంబరం పిటిషన్

రాహుల్ మెడకి చుట్టుకున్న వివాదం

01-05-201901-05-2019 08:56:51 IST
Updated On 02-07-2019 17:38:47 ISTUpdated On 02-07-20192019-05-01T03:26:51.840Z01-05-2019 2019-05-01T03:26:48.066Z - 2019-07-02T12:08:47.574Z - 02-07-2019

రాహుల్ మెడకి చుట్టుకున్న వివాదం
facebooktwitterGooglewhatsappwhatsappGoogle
125 సంవ‌త్స‌రాల చ‌రిత్ర ఉన్న కాంగ్రెస్ పార్టీ జాతీయ అధ్య‌క్షుడికి, తాను ఈ దేశంలోనే పుట్టాన‌ని చెప్పుకోవాల్సిన ప‌రిస్థితి రావ‌డం చిన్నాచిత‌కా విష‌యం కాదు. ఆయ‌న్ని ప‌ట్టుకుని మీరు భార‌తీయుడేనా, భార‌త పౌర‌స‌త్వం ఒక్క‌టే ఉందా అంటూ కేంద్ర హోం శాఖ రాహుల్ గాంధీని ప్ర‌శ్నించ‌డం వెనుక చాలా అనుమానాలు ఉన్నాయి. 

ఎందుకంటే రాహుల్ గాంధీకి బ్రిట‌న్ పౌర‌స‌త్వం ఉందంటూ బీజేపీ ఎంపీ సుబ్రహ్మణ్యం స్వామి కేంద్ర హోం శాఖ‌కు ఫిర్యాదు చేశారు. బ్రిట‌న్ లోని ప‌లు కంపెనీల‌కు రాహుల్ గాంధీ డైరెక్ట‌రుగా ఉన్నార‌ని త‌న ఫిర్యాదులో స్వామి పేర్కొన్నారు. అంతేకాదు, రాహుల్ గాంధీకి నాలుగు పాస్ పోర్టులు ఉన్నాయ‌నీ, అందులో ఒక దానిమీద రౌల్ విన్సీ పేరుతో, క్రిస్టియ‌న్ పౌరుడిగా ఉంద‌ని కూడా స్వామి ఆరోపిస్తున్నసంగతి తెలిసిందే.

2003లో బ్రిట‌న్ లోని బ్యాకోప్స్ లిమిటెడ్ పేరుతో 51 సౌత్ గేట్ స్ట్రీట్, వాంచెస్ట‌ర్, హ్యాంప్ షైర్ ఎస్.వో 23, 9ఈహెచ్ అడ్ర‌స్ పేరుతో ఉన్న ఈ కంపెనీకి రాహుల్ గాంధీ డైరెక్ట‌ర్ అండ్ సెక్ర‌ట‌రీగా ఉన్న‌ట్లు కూడా త‌న కంప్ల‌యింటులో సుబ్ర‌హ్మణ్యం స్వామి రాసుకొచ్చారు. ఈ ఫిర్యాదు మీద స్పందించిన కేంద్ర హోం శాఖ 15 రోజుల్లోగా వివ‌ర‌ణ ఇవ్వాలంటూ రాహుల్ గాంధీకి నోటీసులు జారీ చేసింది. 

ఓవైపు ఎన్నిక‌ల జ‌రుగుతున్న త‌రుణంలో రాహుల్ గాంధీకి ఈ విధంగా నోటీసులు రావ‌డం, తాను భార‌తీయుడినే  అంటూ రుజువు చేసుకోవాల్సి రావ‌డం ఆయ‌న‌కే కాదు, కాంగ్రెస్ పార్టీకి కూడా ఇబ్బందికరమే. రాహుల్ గాంధీ మీద ఇలాంటి ఆరోప‌ణ‌లు ఇప్పుడు కాదు గ‌తంలో కూడా వ‌చ్చాయి. ఆయ‌న‌కు ఇటాలియ‌న్ పౌర‌స‌త్వం ఉందంటూ గ‌తంలో స్వామి ఆరోపించారు. 

ఇట‌లీ చ‌ట్టాల ప్ర‌కారం ఆ దేశానికి చెందిన మ‌హిళ‌, ప్ర‌పంచంలోని ఏ దేశ‌స్తుడిని వివాహం చేసుకున్నా, ఆమెకు పుట్టే మ‌గ సంతానానికి ఇటాలియ‌న్ పౌర‌సత్వం స్వ‌త‌హాగా వ‌స్తుందట‌. అయితే ఆ పౌర‌సత్వాన్ని ఉంచుకోవాలో, ర‌ద్దు చేసుకోవాలో నిర్ణ‌యించుకోవాల్సింది మాత్రం స‌ద‌రు వ్య‌క్తి మాత్ర‌మే. దీనిపై కూడా రాహుల్ గాంధీ నుంచి ఎలాంటి క్లారిటీ లేదు. 

మ‌రో విష‌యం ఏంటంటే త‌న సోద‌రుడు భార‌త‌దేశంలోనే పుట్టి పెరిగాడంటూ ప్రియాంక వాద్రా చెప్ప‌డం కూడా చాలా కామెడీగా ఉంది. ఎందుకంటే, రాహుల్ గాంధీ భార‌త‌దేశంలోనే పుట్టారు. అందులో ఎలాంటి అనుమానం లేదు. కానీ ఈ పౌర‌సత్వాల గొడ‌వే జ‌నానికి అంతు చిక్క‌డం లేదు. దీనిపై ప్రియాంక గాంధీ క్లారిటీ ఇస్తే జ‌నం ఆమెను మెచ్చుకుంటారు. అంతేకానీ, ఏదో మాట్లాడితే కుద‌ర‌దు. 

Image result for deepika and akshay

ఎందుకంటే, దాదాపు 11 మంది  ప్రముఖ బాలీవుడ్ స్టార్ల‌కు భార‌త పౌర‌స‌త్వం లేదు. వారిలో చాలా మంది ఈ దేశంలో పుట్టిన వారే. మ‌రికొందరు భార‌త పౌరుల‌కు పుట్టి విదేశాల్లో పెరిగిన వారే. బాలీవుడ్ ముద్దుగుమ్మ, డైరెక్ట‌ర్ మ‌హేష్ భ‌ట్ కుమార్తె ఆలియాభ‌ట్ బ్రిట‌న్ పౌరురాలు. ఆమెకు భార‌త పౌర‌సత్వం లేదు. ఎందుకంటే ఆమె త‌ల్లి సోని రాజ్దాన్ ఆ దేశానికి చెందిన మ‌హిళ‌. ఇక డైన‌మిక్ హీరో అక్ష‌య్ కుమార్ ప‌రిస్థితి కూడా ఇంతే. 

పంజాబ్‌లోని అమ్రుత్ స‌ర్‌లో పుట్టిన‌ అక్ష‌య్ కుమార్, త‌న భార‌త పౌర‌స‌త్వాన్ని వ‌దులుకుని కెన‌డాలో స్థిర‌ప‌డ్డారు. దీంతో ఆయ‌న‌కు కెన‌డియ‌న్ పౌర‌సత్వం ల‌భించింది. ఇప్పుడు భార‌త పౌర‌సత్వం కోసం మళ్లీ ప్ర‌య‌త్నిస్తున్నారు. అలాగే అందాల భామ క‌త్రీనా కైఫ్‌కి బ్రిట‌న్ పౌర‌సత్వం ఉంది. ఇక ప్ర‌కాష్ ప‌దుకొనె కుమార్తె, దీపికా ప‌దుకొనె కూడా ఇదే కోవ‌లోకి వ‌స్తారు. డెన్మార్క్ దేశంలో పుట్టి, బెంగ‌ళూరులో పెరిగిన దీపికా, అధికారికంగా భార‌తీయురాలు కాదు. ఆమెకు డెన్మార్క్ పౌర‌సత్వం ఉండ‌ట‌మే ఇందుకు కార‌ణం. 

Image result for alia bhatt and katrina kaif

ఇవ‌న్నీ చూస్తే అర్థం అవుతోంది ఒక్క‌టే. ఇక్క‌డ పుట్టామా, పెరిగామా అన్న‌ది పాయింట్ కాదు, ఈ దేశ పౌర‌స‌త్వం ఉందా, లేదా. ఒక‌వేళ ఈ దేశ పౌర‌సత్వంతో పాటు మ‌‌రో దేశంలో కూడా పౌర‌సత్వం ఉందా అన్న‌ది తేలాలి. ఎందుకంటే భార‌త రాజ్యాంగం ప్ర‌కారం ద్వంద్వ పౌర‌సత్వం ఉన్నవారు ఎన్నిక‌ల్లో పోటీకే కాదు, ప్ర‌భుత్వ ఉద్యోగాల‌కు కూడా అన‌ర్హులు. అందుకే త‌న‌పై వ‌చ్చిన ఆరోప‌ణ‌ల మీద త‌ప్పించుకునే ధోర‌ణి ప్ర‌ద‌ర్శించ‌కుండా, అంద‌రికీ అర్థం అయ్యాలా నిజానిజాలు ఏంటో చెప్పాల్సిన అవ‌స‌రం రాహుల్ గాంధీకి ఎంతైనా ఉంది.


Newssting Desk


 newssting@rightfolio.in
      040 23600300

newsting
Daily Updates
facebooktwitterGooglewhatsappwhatsappGoogle