newssting
Radio
BITING NEWS :
విశాఖ జిల్లా అనకాపల్లి ముత్రాసు కాలనీలో విషాదం. అనారోగ్యంతో భార్య చనిపోవడంతో మనస్తాపం చెంది.. ఇద్దరు పిల్లలతో కలిసి ఆత్మహత్య చేసుకున్న తండ్రి. * కడప జిల్లా ముద్దనూరు మండలం కొత్తపల్లిలో రోడ్డు ప్రమాదం. క్యాంపర్ వాహనాన్ని ఢీ కొట్టిన లారీ, ఇద్దరు మృతి. మృతులు తొండూరు మండలం మల్యాల వాసులుగా గుర్తింపు. * తెలంగాణలో భారీగా పెరిగిన కరోనా కేసులు. కొత్తగా 684 పాజిటివ్ కేసులు నమోదు, ముగ్గురు మృతి. * భద్రాచలం చెక్ పోస్ట్ వద్ద పోలీసుల తనిఖీల్లో పట్టుబడిన గంజాయి. రూ. 30 లక్షలు విలువైన రెండు క్వింటాళ్ల గంజాయి స్వాధీనం. రెండు కార్లు సీజ్, ముగ్గురు అరెస్ట్. * గుంటూరు జిల్లా తాడేపల్లి పరిసర ప్రాంతాల్లో విస్తరిస్తున్న డ్రగ్ కల్చర్. యూనివర్శిటీలు, కాలేజీలు టార్గెట్ గా డ్రగ్స్ అమ్మకాలు చేపట్టిన మాఫియా. గంజాయితో పాటు సింథటిక్ డ్రగ్స్ విక్రయాలు. ఎండీఎంఏ ట్యాబ్లెట్స్ ను పట్టుకున్న ఎస్ఈబీ అధికారులు. * ఈస్ట్ ఢిల్లీ రెడీమేడ్ వస్త్ర కారాగారంలో భారీ అగ్నిప్రమాదం. మంటలార్పుతున్న 15 ఫైరింజన్లు.

రాహుల్ గాంధీకి ఓటమి భయం పట్టుకుందా?

05-05-201905-05-2019 08:38:07 IST
Updated On 02-07-2019 11:22:43 ISTUpdated On 02-07-20192019-05-05T03:08:07.621Z05-05-2019 2019-05-05T03:08:02.589Z - 2019-07-02T05:52:43.179Z - 02-07-2019

రాహుల్ గాంధీకి ఓటమి భయం పట్టుకుందా?
facebooktwitterGooglewhatsappwhatsappGoogle
అమేథీలో ఓట‌మి భ‌యంతోనే కాంగ్రెస్ పార్టీ జాతీయ అధ్య‌క్షుడు రాహుల్ గాంధీ కేర‌ళ‌లోని వ‌య‌నాడ్ సీటు నుంచి కూడా పోటీ చేస్తున్నారన్న బీజేపీ ప్ర‌చారంపై యూపీలో భిన్న‌స్వ‌రాలు వినిపిస్తున్నాయ‌ట‌. ముఖ్యంగా అమేథీ కాంగ్రెస్ నేత‌లు రాహుల్ నిర్ణ‌యంపై తీవ్ర అసంతృప్తి వ్య‌క్తం చేస్తున్నార‌ట‌. ఎందుకంటే ఈ ఎన్నిక‌ల్లో కేంద్ర మంత్రి స్మృతీ ఇరానీ నుంచి తీవ్ర పోటీ ఎదుర్కొంటున్నారు రాహుల్ గాంధీ. 

కేర‌ళలోని కాంగ్రెస్ పార్టీ కార్య‌క‌ర్త‌ల కోరికతోనే వ‌య‌నాడ్ సీటు నుంచి రాహుల్ పోటీ చేస్తున్నార‌ని ప్రియాంక వాద్రా చెబుతున్నా, అటు అమేథీ కాంగ్రెస్ కార్య‌క‌ర్త‌లు, ఇటు సాధార‌ణ ఓటర్లు ప‌ట్టించుకోవ‌డం లేద‌ని తెలుస్తోంది. అంతేకాదు, ప్ర‌తి స‌భ‌లో రాహుల్ గాంధీ గెలిచి తీరుతారంటూ ప్రియాంక వాద్రా ప‌దేప‌దే చెప్ప‌డం కూడా బీజేపీకి అస్త్రంగా మారింద‌ట‌. 

2009 ఎన్నిక‌ల్లో అమేథీ నుంచి మూడు ల‌క్ష‌ల పైచిలుకు ఓట్ల‌తో గెలిచిన రాహుల్ గాంధీ, 2014 ఎన్నిక‌ల్లో ల‌క్ష పైచిలుకు ఓట్ల‌తోనే గెలిచారు. అంటే, ఇరానీ అప్పుడే గ‌ట్టి పోటీ ఇచ్చారు. అంటే ఈ ఎన్నిక‌ల్లో రాహుల్, ఇరానీ మ‌ధ్య ఓట్ల వ్య‌త్యాసం చాలా త‌క్కువగా ఉంటుంద‌నీ, మార్జిన్ ఓట్ల‌తో అయినా రాహుల్ గాంధీ గెలుస్తార‌నీ కాంగ్రెస్ నేత‌లు, సానుభూతి ప‌రులు చెబుతున్నారు. 

ఎందుకంటే మోడీ మీద కొన్న వ‌ర్గాల ప్ర‌జ‌ల్లో అసంతృప్తి ఉన్నా, 2014 నుంచీ అమేథీ నియోజ‌క‌వ‌ర్గంలో స్మృతీ ఇరానీ ప‌లు అభివృద్ది కార్య‌క్ర‌మాలు చేప‌ట్టార‌నీ, నియోజ‌క‌వ‌ర్గంలోని అన్ని గ్రామాల ప్ర‌జ‌ల‌తో స‌న్నిహిత సంబంధాలు ఏర్పాటు చేసుకున్నార‌ని చెబుతున్నారు. అందుకే అమేథీ సీటు గాంధీ కుటుంబానికి చెందిందే అయినా, ఈ ఎన్నిక‌ల్లో స్మృతీ ఇరానీ మీద గెల‌వ‌డం రాహుల్ గాంధీకి క‌ష్ట‌మ‌ని అంటున్నారు. 

ఇక స్థానిక స‌మ‌స్య‌ల మీద కూడా జ‌నం అక్క‌సు వెళ్ల‌క‌క్కుతున్నారు. ప‌దేళ్లుగా అమేథీలో ట్రాఫిక్ స‌మ‌స్య, డ్రైనేజ్ సిస్టం ఏమాత్రం మెరుగు ప‌డ‌లేద‌నీ, ఉన్న‌త విద్య‌, మెరుగైన వైద్యం కోసం పొరుగు ప్రాంతాల‌కు వెళ్లాల్సి వ‌స్తోంద‌ని ఆరోపిస్తున్నారు. రాహుల్ గాంధీ యూపీఏ పాల‌న‌లో ఇవ‌న్నీ చేస్తే బాగుండేద‌నీ, మోడీ హ‌యాంలో అమేథీ ప‌రిస్థితులు కొంచెం మెరుగు అయ్యాయ‌నీ అంటున్నారు. 

ఇక కొత్త‌గా ఓటు హ‌క్కు పొందిన యువ ఓట‌ర్లు మోడీ వైపే మొగ్గు చూపుతున్నార‌ట‌. రైతులు కూడా స్మృతీ ఇరానీ వైపే ఉన్నారట. అంతేకాదు, తాము అధికారంలోకి వ‌స్తే పేద‌ల‌కు ఏటా 72వేల రూపాయ‌లు ఇస్తామ‌న్న రాహుల్ గాంధీ హామీని చాలా మంది కొట్టిపారేస్తున్న‌రట‌. ఎందుకంటే ప‌దేళ్ల యూపీఏ ప్ర‌భుత్వం హ‌యాంలో రాహుల్ గాంధీ ఎందుకు ఈ ప‌ని చేయ‌లేద‌ని చాలా మంది ప్ర‌శ్నిస్తున్నారు. మొత్తానికి ఈ ఎన్నిక‌ల్లో అమేథీ పార్ల‌మెంట్ సీటు దేశ వ్యాప్తంగా హాట్ టాపిక్ అయింది.

 సీఎం జగన్ ను లేఖలతో టార్గెట్ చేసిన అచ్చెన్న, సోము వీర్రాజు

సీఎం జగన్ ను లేఖలతో టార్గెట్ చేసిన అచ్చెన్న, సోము వీర్రాజు

   8 hours ago


ఖాళీ అవుతున్న హైదరాబాద్.. పాపం వలస కూలీలు..!

ఖాళీ అవుతున్న హైదరాబాద్.. పాపం వలస కూలీలు..!

   11 hours ago


నిరాహార దీక్ష‌ల‌పై షర్మిల‌క్క‌య్య నిర్ణ‌యం

నిరాహార దీక్ష‌ల‌పై షర్మిల‌క్క‌య్య నిర్ణ‌యం

   14 hours ago


మ‌న గుంటూరులోనే.. జాగ్ర‌త్త ప‌డ‌దామా వ‌ద్దా.. అంతా మ‌నిష్టం

మ‌న గుంటూరులోనే.. జాగ్ర‌త్త ప‌డ‌దామా వ‌ద్దా.. అంతా మ‌నిష్టం

   14 hours ago


ఏంద‌య్యా కేసీఆరూ.. ఏం సీఎం వి సామే

ఏంద‌య్యా కేసీఆరూ.. ఏం సీఎం వి సామే

   15 hours ago


ఫ్రీ టీకాపై కేంద్రం చేతులెత్తేసింది.. మ‌రి రాష్ట్రాల మాటేంటి

ఫ్రీ టీకాపై కేంద్రం చేతులెత్తేసింది.. మ‌రి రాష్ట్రాల మాటేంటి

   13 hours ago


ఏపీకి కోవిషిల్డ్ వచ్చేసింది..

ఏపీకి కోవిషిల్డ్ వచ్చేసింది..

   21-04-2021


తెలంగాణలో మున్సిపల్ ఎన్నికలకు ఎటువంటి ఇబ్బందులు లేవట..!

తెలంగాణలో మున్సిపల్ ఎన్నికలకు ఎటువంటి ఇబ్బందులు లేవట..!

   21-04-2021


కాంగ్రెస్ కి ఇంకా ఆశ‌లు ఉన్న‌ట్లున్న‌య్

కాంగ్రెస్ కి ఇంకా ఆశ‌లు ఉన్న‌ట్లున్న‌య్

   21-04-2021


తిరుప‌తి రిగ్గింగ్.. కోర్టు ఏం చెబుతుంది.. రీ పోలింగ్ త‌ప్ప‌దా

తిరుప‌తి రిగ్గింగ్.. కోర్టు ఏం చెబుతుంది.. రీ పోలింగ్ త‌ప్ప‌దా

   21-04-2021


ఇంకా


      040 23600300

newsting
Daily Updates
facebooktwitterGooglewhatsappwhatsappGoogle