మాజీ రాష్ట్రపతి ప్రణబ్ ముఖర్జీ ఆరోగ్యం విషమం

13-08-202013-08-2020 13:15:09 IST
Updated On 13-08-2020 13:44:13 ISTUpdated On 13-08-20202020-08-13T07:45:09.007Z13-08-2020 2020-08-13T07:45:00.685Z - 2020-08-13T08:14:13.271Z - 13-08-2020

మాజీ రాష్ట్రపతి ప్రణబ్ ముఖర్జీ అనారోగ్యంతో చికిత్స పొందుతున్నారు.ఢిల్లీలోని ఆర్మీకి చెందిన రిసెర్చ్ అండ్ రిఫరల్ ఆస్పత్రిలో చికిత్స పొందుతున్న ప్రణబ్ ముఖర్జీ ఆరోగ్యంపై ప్రణబ్ ముఖర్జీ తనయుడు అభిజీత్ ముఖర్జీ ట్విటర్ ద్వారా స్పందించారు. బుధవారం ఓ ప్రకటన విడుదల చేశారు. తన తండ్రి ఆరోగ్యం ప్రస్తుతానికి హీమోడైనమికల్లీ స్టేబుల్‌గా వున్నారని చెప్పారు.

ప్రస్తుతం ఆయన కోమాలో వున్నారని ఆర్మీ ఆస్పత్రి అధికారులు తెలిపారు. ఆరోగ్యపరిస్థితిలో ఎలాంటి మార్పులేదని, చికిత్స కొనసాగుతోందన్నారు.తనతండ్రి ఆరోగ్యంపై వస్తున్న వార్తలు అబద్ధమని ప్రణబ్ కూతురు శర్మిష్ట ముఖర్జీ తెలిపారు. ఆస్పత్రినుంచి ఎలాంటి సమాచారం వస్తుందోనని తాను ఎదురుచూస్తున్నానన్నారు. 

ప్రణబ్ ముఖర్జీ ఆరోగ్య ప‌రిస్థితిపై ర‌క‌ర‌కాల వార్త‌లు సోష‌ల్ మీడియాలో హ‌ల్ చ‌ల్ చేస్తున్నాయి. ప్రణబ్ ముఖర్జీ ఆరోగ్యం ప‌రిస్థితి విష‌మంగా ఉన్న‌ట్టు ఆయ‌న చికిత్స పొందుతున్న ఆర్మీ ఆస్ప‌త్రి వ‌ర్గాలు ఇప్ప‌టికే హెల్త్ బులెటిన్ విడుద‌ల చేశారు. రక్త ప్రసరణ సవ్యంగానే సాగుతోంది.. వెంటిలేటర్‌పై చికిత్స అందిస్తున్నామని తెలిపారు.

ప్రణబ్‌ ఆరోగ్య పరిస్థితిని నిపుణుల బృందం నిశితంగా పర్యవేక్షిస్తోంది, ఇక‌, మెదడులో రక్తం గడ్డ కట్టడంతో ఈనెల 10న ప్రణబ్‌కు శస్త్రచికిత్స కూడా జ‌రిగింది. ప్ర‌ణ‌బ్ ఆరోగ్యం స్థిరంగా ఉన్నట్లు కొడుకు వెల్లడించారు. త్వరలో కోలుకుంటారని విశ్వాసం వ్యక్తం చేశారు. ఆయన కోసం మీ ప్రార్థనలకు కొనసాగించండి అంటూ త‌న ట్వీట్‌లో పేర్కొన్నారు.