‘మహా’ సంక్షోభానికి గడ్కరీయే సొల్యూషనా?

07-11-201907-11-2019 09:36:49 IST
Updated On 07-11-2019 09:36:41 ISTUpdated On 07-11-20192019-11-07T04:06:49.373Z07-11-2019 2019-11-07T04:04:56.675Z - 2019-11-07T04:06:41.559Z - 07-11-2019

మహారాష్ట్రలో తదుపరి సీఎం ఎవరు?

శరద్ పవార్ ప్రకటనతో ఆశలు గల్లంతేనా? 

నితిన్ గడ్కరీని సీఎంని చేస్తారా?

శివసేనను ఒప్పించడం ఈజీనా? 

మహా ప్రతిష్టంభనకు త్వరలో ముగింపు లభిస్తుందా?

అంటే అవుననే అంటున్నారు రాజకీయ విశ్లేషకులు. మహారాష్ట్రలో గత పక్షం రోజులకు పైగా నెలకొన్న రాజకీయ సంక్షోభాన్ని తొలగించేందుకు ఆర్ఎస్ఎస్ మధ్యే మార్గాన్ని సూచించినట్టు తెలుస్తోంది. తాజా  పరిస్థితుల్లో కేంద్ర మంత్రి వర్గంలో ఉన్న నితిన్ గడ్కరీని ముంబైకి రప్పించాలరి,  ముఖ్య మంత్రిగా ఆయనకు బాధ్యతలు అప్పగించడమే సమస్య పరిష్కారానికి మార్గమని ఆర్ఎస్ఎస్ భావిస్తున్నట్టు  రాజకీయ వర్గాలలో ప్రచారం జరుగుతోంది.

శివసేన వ్యవస్థాపకుడు బాల్ ఠాక్రే జీవించి ఉన్నప్పడు నితిన్ గడ్కరీకి మంచి అనుబంధం ఉంది. రాజకీయ వ్యవహారాలకు సంబంధించి గడ్కరీతో బాల్ థాకరే చర్చించేవారని బీజేపీ నేతలు చెబుతున్నారు. భాల్ థాకరే తోనూ, పార్టీతోనూ గడ్కరీ సన్నిహిత సంబంధాలు కలిగి ఉన్నారు.

బాల్ థాకరే, అటల్ బిహారీ వాజ్ పేయితో నితిన్ గడ్కరీ (ఫైల్ ఫోటో)

కాబట్టి తమ ప్రతిపాదనకు శివసేన ప్రస్తుత నాయకత్వం కూడా అంగీకరించడం ఖాయమని సంఘ్ వర్గాలు అంటున్నాయి. గడ్కరీని సీఎంను చేస్తే శివసేన 50–50 ఫార్ములాపై పట్టు వీడవచ్చని బీజేపీ అంచనా వేస్తున్నారు. గతంలో సంకీర్ణ ప్రభుత్వంలో సమస్యలను గడ్కరీయే పరిష్కరించేవారు.

ఇప్పటికే ఫడ్నవీస్ ను బీజేఎల్పీ నేతగా ఎన్నుకున్నారు. ఈ పరిణామాల నేపధ్యంలో బీజేపీ అధిష్ఠానం ఎలా స్పందిస్తుందో అంతా ఆసక్తిగా గమనిస్తున్నారు. శనివారంతో మహారాష్ట్ర అసెంబ్లీ కాల పరిమితి ముగియనుంది. దీంతో రెండురోజుల్లో ఈ ప్రతిష్టంభనకు ఫుల్ స్టాప్ పడుతుందని అంతా భావిస్తున్నారు. 

కూటమి పాతదే అయినా నేత మాత్రం మారతారని, శివసేన-బీజేపీ మళ్ళీ కలిసి కూర్చుంటాయంటున్నారు. ఈనేపథ్యంలో గవర్నర్‌తో బీజేపీ నేతల భేటీ ప్రాధాన్యత సంతరించుకుంది. ప్రతిపక్షంలో కూర్చుంటామని ఇప్పటికే కాంగ్రెస్‌– ఎన్సీపీ ప్రకటించడంతో బీజేపీ-శివసేన ప్రభుత్వం ఏర్పాటు ప్రయత్నాలు ముమ్మరం చేస్తున్నాయి.

మంగళవారం రాత్రి ముఖ్యమంత్రి ఫడ్నవీస్‌ ఆరెస్సెస్‌ చీఫ్‌ మోహన్‌ భగవత్‌తో భేటీ అయిన సంగతి తెలిసిందే. గవర్నరు భగత్‌సింగ్‌ కోషియారిని కలిసే బీజేపీ నేతల్లో ఫడ్నవీస్‌ లేకపోవడం విశేషం.