newssting
Radio
BITING NEWS :
కర్ణాటక ముఖ్యమంత్రి మార్పుపై సస్పెన్స్‌కు తెరపడింది. బీఎస్‌ యడియూరప్ప సోమవారం ముఖ్యమంత్రి పదవికి రాజీనామా చేశారు. ఈ సాయంత్రం గవర్నర్‌ను కలిసి రాజీనామాను సమర్పించనున్నారు. రాజీనామాపై ఆయన స్పందిస్తూ.. ‘‘ రాజకీయ జీవితంలో ఎన్నో అగ్నిపరీక్షలు ఎదుర్కొన్నా. కర్ణాటక అభివృద్ధి కోసం చాలా చేశా. 75 ఏళ్లు దాటినా నాకు రెండేళ్ల పాటు అవకాశం ఇచ్చారు. అధిష్టానం నిర్ణయాన్ని గౌరవిస్తా’’ అని అన్నారు. * ఆంధ్ర ప్రదేశ్ వ్యాప్తంగా కరోనా వైరస్‌ వ్యాక్సినేషన్ ప్రత్యేక డ్రైవ్‌లో భాగంగా సోమవారం 2,128 కోవిడ్‌ టీకా కేంద్రాల్లో వ్యాక్సినేషన్‌ అందిస్తున్నారు. ఇప్పటివరకు రాష్ట్ర వ్యాప్తంగా 15 లక్షల కోవిడ్‌ వ్యాక్సిన్‌లు అందుబాటులో ఉన్నట్లు అధికారులు తెలిపారు. * చరిత్రలోనే మొట్టమొదటిసారి మన తెలుగు సంపద అయిన తెలంగాణ రాష్ట్రానికి చెందిన రామప్ప ఆలయానికి ఐక్యరాజ్య సమితి విద్య, విజ్ఞాన (పరిశోధన), సాంస్కృతిక సంస్థ (యునెస్కో) ప్రపంచ వారసత్వ సంపదగా గుర్తించింది. రామప్పకు ప్రపంచ వారసత్వ హోదా కోసం 2015లోనే ప్రయత్నాలు మొదలయ్యాయి. * టోక్యో ఒలింపిక్స్‌లో జపాన్‌కి చెందిన మోమిజీ నిషియా సంచలనం సృష్టంచింది. ఒలింపిక్స్‌లో గోల్డ్‌ మెడల్‌ సాధించిన రెండో అతి పిన్న వయస్కురాలిగా రికార్డు క్రియాట్‌ చేసింది. టోక్యో ఒలింపిక్స్‌లో కొత్తగా ప్రవేశపెట్టిన స్కేట్‌బోర్డింగ్ లో నిషియా స్వర్ణ పతకం సాధించింది. * ప్రముఖ దర్శకుడు పూరి జగన్నాథ్‌ తనయుడు ఆకాశ్‌ పూరి హీరోగా నటిస్తున్న తాజా చిత్రం ‘చోర్‌ బజార్‌’’. ‘దళం, జార్జ్‌ రెడ్డి’ చిత్రాల ఫేమ్‌ జీవన్‌ రెడ్డి దర్శకత్వం వహిస్తున్నారు. గెహనా సిప్పీ హీరోయిన్‌గా నటిస్తున్నారు.

పథకం ప్రకారమే ఢిల్లీలో అల్లర్లు.. పోలీసు శాఖ దిగ్భ్రాంతి

29-02-202029-02-2020 10:25:38 IST
Updated On 29-02-2020 16:20:41 ISTUpdated On 29-02-20202020-02-29T04:55:38.042Z29-02-2020 2020-02-29T04:55:36.137Z - 2020-02-29T10:50:41.764Z - 29-02-2020

పథకం ప్రకారమే ఢిల్లీలో అల్లర్లు.. పోలీసు శాఖ దిగ్భ్రాంతి
facebooktwitterGooglewhatsappwhatsappGoogle
దేశరాజధాని నగరంలో అల్లర్లలో పాల్గొనడానికి మూకలను తరలించడంలో ప్రదర్శించిన వేగం పోలీసు శాఖను నివ్వెరపరుస్తోంది. మూడురోజులపాటు కొనసాగిన అల్లర్లలో 350 ఖాళీ కాట్రిడ్జ్‌లు పేల్చడం, 500 రౌండ్ల కాల్పులు చేయడం ఎవరికి ఎలా సాధ్యమైందన్నది పోలీసులకే అంతుబట్టడం లేదు. మొత్తం 82 మందికి బుల్లెట్ గాయాలు తగలగా శుక్రవారం రాత్రి వరకు అల్లర్లలో మృతుల సంఖ్య 42కు పెరిగిందని అధికారిక సమాచారం.

ఈ అల్లర్లలో లైసెన్స్ లేని దేశవాళీ పిస్టల్స్ ను భారీగా ఉపయోగించడం సంప్రదాయవిరుద్ధంగా కనిపిస్తోందని పోలీసు శాఖ భావిస్తోంది. సాదారణంగా మతపమైన అల్లర్లు జరిగే సందర్భాల్లో చాలామంది బాధితులు తమపై నిర్బంధ హింస వల్ల కలిగిన మానసిక అఘాతానిక గురై చనిపోతారని, లేక సజీవ దహన చర్యల బారిన పడి మరణిస్తారని, కానీ ఢిల్లీలో తాజా అలర్లలో బాధితులైనవారు ఎక్కువగా బుల్లెట్ల బారిన పడటం షాక్ కలిగిస్తోందని ఢిల్లీ పోలీసు అదికారులు చెబుతున్నారు. 

ఇంటెలిజన్స్ బ్యూరో అధికారిని దారుణంగా హతమార్చిన ఘటనకు కారకుడిగా చెబుతున్న ఆఫ్ నేత తాహిర్ హుస్సేన్ ఇంట్లో ముందుగానే సిద్ధం చేసిన పెట్రోల్ బాంబులు, ఖాళీ సీసాలు, రాళ్లు, ఇటుకలు కనిపించాయని ఫొరెన్సిక్ సైన్స్ ల్యాబరేటరీకి చెందిన సీనియర్ పోలీసు అధికారి పేర్కొన్నారు. 

ప్రధానంగా నగర పోలీసు ఇంటెలిజెన్స్ వైఫల్యమే అల్లర్లకు కారణమని మాజీ పోలీసు అధికారులు చెబుతున్నారు. ఈ సంస్థాగత వైఫల్యానికి ఇంటెలిజెన్స్ బ్యూరో అధికారి విషాదంగా ఘోరమరణం పాలయ్యారని వీరు ఆవేదన చెందుతున్నారు. 

ఉత్తర ప్రదేశ్ మాజీ పోలీసు డైరెక్టర్ జనరల్ ప్రకాష్ సింగ్ మాట్లాడుతూ రాజధానీ నగరంలో 40 పైగా మరణాలకు, దహనకాండకు పోలీసుశాఖ అలసత్వమే ప్రధాన కారణమని ఆరోపించారు. అల్లర్లు జరిగినప్పుడు పట్టించుకోకుండా ఉండటమంటే మీరు గుడ్డివాళ్లయిపోయి ఉండాలి. తొలిరోజు నుంచే పోలీసులు రాత్రంతా శోధించి ఉండాల్సింది. ఇళ్లలో రాళ్లు, ఇటుకలు పోగు చేసిన వారిని నిర్బంధంలోకి తీసుకుని ఉండాలి. కానీ ఢిల్లీ పోలీసులు అది తమ కర్తవ్యం కాదనే రీతిలో ఉండిపోయారు. అని ప్రకాష్ సింగ్ చెప్పారు.

రాజధాని నగరంలోని 90 వేల మంది పోలీసులు ఈశాన్య ఢిల్లీలో చెలరేగిన అల్లర్లను అడ్డుకోలేకపోయింరంటే నమ్మశక్యంగా లేదని మాజీ డీజీపీ ఆశ్యర్యాన్ని వ్యక్తిపరిచారు. అల్లర్లు వంటి తక్షణ ఘటనలతో వ్యవహరించడానికి, వ్యవహరించకపోవడానికి పోలీసులు ప్రభుత్వం నుంచి ఆదేశాలు తీసుకోనవసరం లేదు. చివరకు ఒక సబ్ ఇన్‌స్పెక్టర్ సైతం అలాంటి సందర్బాలకు అనుగుణంగా వ్యవహరించగలరు. అల్లర్ల సమయంలో షారుక్ అనే వ్యక్తి నేరుగా పోలీసులకే పిస్టల్ గురిపెట్టి బెదిరించాడంటే పోలీసులు పట్ల కానీ, చట్టం పట్ల కానీ దుండగులకు భయమనేదే లేకుండా పోయినట్లు అర్థమని చెప్పారు.

కాగా అల్లర్లు తగ్గుముఖం పట్టాక పోలీసుల తేరుకుని 148 కేసులు నమోదు చేసి 600మందిని నిర్బంధంలోకి తీసుకున్నారు. అల్లర్లలో పాల్గొన్నవారు, ప్రభుత్వ, ప్రయివేట్ ఆస్తులను ధ్వసం చేసినవారికి ఉత్తర ప్రదేశ్ నమూనాను అనుకరించి జరిగిన నష్టాలకు ముష్కరులే చెల్లించే విధానాన్ని ఢిల్లీ అల్లర్ల ఘటనకు కూడా వర్తింప చేసి చర్యలు తీసుకోవాలని సీనియర్ అధికారులు చెబుతున్నారు.

 


NewsSting Team


      040 23600300

newsting
Daily Updates
facebooktwitterGooglewhatsappwhatsappGoogle