newssting
Radio
BITING NEWS :
విశాఖ జిల్లా అనకాపల్లి ముత్రాసు కాలనీలో విషాదం. అనారోగ్యంతో భార్య చనిపోవడంతో మనస్తాపం చెంది.. ఇద్దరు పిల్లలతో కలిసి ఆత్మహత్య చేసుకున్న తండ్రి. * కడప జిల్లా ముద్దనూరు మండలం కొత్తపల్లిలో రోడ్డు ప్రమాదం. క్యాంపర్ వాహనాన్ని ఢీ కొట్టిన లారీ, ఇద్దరు మృతి. మృతులు తొండూరు మండలం మల్యాల వాసులుగా గుర్తింపు. * తెలంగాణలో భారీగా పెరిగిన కరోనా కేసులు. కొత్తగా 684 పాజిటివ్ కేసులు నమోదు, ముగ్గురు మృతి. * భద్రాచలం చెక్ పోస్ట్ వద్ద పోలీసుల తనిఖీల్లో పట్టుబడిన గంజాయి. రూ. 30 లక్షలు విలువైన రెండు క్వింటాళ్ల గంజాయి స్వాధీనం. రెండు కార్లు సీజ్, ముగ్గురు అరెస్ట్. * గుంటూరు జిల్లా తాడేపల్లి పరిసర ప్రాంతాల్లో విస్తరిస్తున్న డ్రగ్ కల్చర్. యూనివర్శిటీలు, కాలేజీలు టార్గెట్ గా డ్రగ్స్ అమ్మకాలు చేపట్టిన మాఫియా. గంజాయితో పాటు సింథటిక్ డ్రగ్స్ విక్రయాలు. ఎండీఎంఏ ట్యాబ్లెట్స్ ను పట్టుకున్న ఎస్ఈబీ అధికారులు. * ఈస్ట్ ఢిల్లీ రెడీమేడ్ వస్త్ర కారాగారంలో భారీ అగ్నిప్రమాదం. మంటలార్పుతున్న 15 ఫైరింజన్లు.

తెలుగు రాష్ట్రాల‌పై కాంగ్రెస్ పార్టీకి మ‌రీ ఇంత‌ చిన్న‌చూపా..?

13-09-202013-09-2020 10:42:47 IST
2020-09-13T05:12:47.819Z13-09-2020 2020-09-13T05:12:44.294Z - - 15-04-2021

తెలుగు రాష్ట్రాల‌పై కాంగ్రెస్ పార్టీకి మ‌రీ ఇంత‌ చిన్న‌చూపా..?
facebooktwitterGooglewhatsappwhatsappGoogle
నాయ‌క‌త్వ సంక్షోభంతో కొట్టుమిట్టాడుతున్న కాంగ్రెస్ పార్టీలో ప్ర‌క్షాళ‌న మొద‌లైంది. కాంగ్రెస్ వ‌ర్కింగ్ క‌మిటీని కొత్త‌గా నియ‌మించింది. వివిధ రాష్ట్రాల‌కు కొత్త‌గా ఏఐసీసీ ఇంఛార్జ్‌ల‌ను వేసింది. ప‌లువురు వృద్ధ నేత‌ల‌ను ఇంటికి పంపించారు. యువ నేత‌ల‌కు ప్రాధాన్యం ఇచ్చారు. నాయ‌క‌త్వ‌లోపంపై సోనియా గాంధీకి లేఖ రాసిన 23 మంది పార్టీ సీనియ‌ర్ల‌కు చెక్ పెట్టారు. ఇలా ర‌క‌ర‌కాల ఈక్వేష‌న్ల‌తో సోనియా గాంధీ కొత్త నియామ‌కాలు చేప‌ట్టారు. అయితే, ఈ నియామ‌కాల్లో తెలుగు రాష్ట్రాల కు చెందిన నాయ‌కుల‌కు ఏ మాత్రం ప్రాధాన్య‌త ఇవ్వ‌లేదు.

కాంగ్రెస్ పార్టీ బ‌లంగా ఉండే రాష్ట్రాల్లో ఉమ్మ‌డి ఆంధ్ర‌ప్ర‌దేశ్ ఒక‌టిగా ఉండేది. గ్రామ‌గ్రామాన కాంగ్రెస్‌కు క్యాడ‌ర్ ఉండేది. యూపీఏ ప్ర‌భుత్వం రెండుసార్లు అధికారంలోకి రావ‌డానికి ఉమ్మ‌డి ఏపీ నుంచి గెలిచిన ఎంపీలు ప్ర‌ధాన కార‌ణం. జాతీయ స్థాయిలోని కాంగ్రెస్‌లో తెలుగు నేత‌ల‌కు మంచి స్థానం ఉండేది. కేంద్ర మంత్రులుగా కూడా తెలుగువారికి ఎక్కువ‌గా అవ‌కాశం వ‌చ్చేది. ప‌లువురు తెలుగు నేత‌లు అఖిల భార‌త కాంగ్రెస్ క‌మిటీ అధ్యక్షులుగా కూడా ప‌ని చేశారు. ఒక‌ప్పుడు తెలుగు వారికి ఇంత ప్రాధాన్య‌త ఇచ్చిన కాంగ్రెస్‌లో ఇప్పుడు చిన్న చూపు మొద‌లైందా అనే విశ్లేష‌ణ‌లు వ‌స్తున్నాయి. తాజాగా కాంగ్రెస్ పార్టీ చేప‌ట్టిన నియామ‌కాల్లో తెలుగువారికి చోటు లేక‌పోవ‌డ‌మే ఇందుకు కార‌ణం.

కీల‌కమైన కాంగ్రెస్ వ‌ర్కింగ్ క‌మిటీని 22 మంది స‌భ్యుల‌తో నియ‌మించారు. వీరిలో మ‌న్మోహ‌న్ సింగ్‌, రాహుల్ గాంధీ, ప్రియాంక గాంధీ వంటి కీల‌క నేత‌లు ఉన్నారు. ఇంత‌క‌ముందు సీడ‌బ్లూసీలో వెంక‌ట‌స్వామి వంటి తెలుగు నేత‌లు ఒక్క‌రైనా ఉండేవారు. కానీ, గ‌త‌సారి, ఇప్పుడు ఒక్క‌రంటే ఒక్క తెలుగు నేత‌కు కూడా వ‌ర్కింగ్ క‌మిటీలో అవ‌కాశం క‌ల్పించ‌లేదు. మ‌రో 26 మంది శాశ్వ‌త ఆహ్వానితుల‌ను సైతం నియ‌మించారు. ఇందులో దిగ్విజ‌య్ సింగ్‌, అధిర్ రంజ‌న్ చౌద‌రి, జైరాం ర‌మేష్ వంటి నేత‌లు ఉన్నారు.

ఇందులోనూ ఆంధ్ర‌ప్ర‌దేశ్‌, తెలంగాణ‌కు చెందిన ఒక్క నేత‌కు ఛాన్స్ ఇవ్వ‌లేదు. సీడ‌బ్లూసీ ప్ర‌త్యేక ఆహ్వానితులుగా మ‌రో తొమ్మిది మందిని నియ‌మించారు. ఇందులో మాత్రం తెలంగాణ నుంచి ఒక‌రికి, ఆంధ్ర‌ప్రదేశ్ నుంచి ఒక‌రికి ఛాన్స్ ఇచ్చారు. తెలంగాణ నుంచి ఏఐటీయూసీ జాతీయ అధ్య‌క్షుడిగా ఉన్న జి.సంజీవ‌రెడ్డికి, ఏపీ నుంచి తిరుప‌తి మాజీ ఎంపీ చింతా మోహ‌న్‌కు అవ‌కాశం ఇచ్చారు. సంజీవ‌రెడ్డి ప్ర‌స్తుతం రాష్ట్ర రాజ‌కీయాల్లో క్రియాశీల‌కంగా లేరు.

వివిధ రాష్ట్రాల‌కు కాంగ్రెస్ పార్టీ వ్య‌వ‌హారాల ఇంఛార్జిలుగా 9 మంది ఏఐసీసీ ప్ర‌ధాన కార్య‌ద‌ర్శుల‌ను నియ‌మించారు. 17 మంది కార్య‌ద‌ర్శుల‌ను ప‌లు రాష్ట్రాల‌కు ఇంఛార్జిలుగా వేశారు. వీరిలోనూ ఒక్క‌రంటే ఒక్క‌రు కూడా తెలుగు రాష్ట్రాల‌కు చెందిన నాయ‌కులు లేరు. అంటే తెలుగు నేత ఒక్క‌రు కూడా ఇత‌ర రాష్ట్రాల కాంగ్రెస్ ఇంఛార్జిగా ఉండ‌రు. ఈ నియామ‌కాలు చూస్తే తెలుగు రాష్ట్రాల‌కు పార్టీ ప‌ద‌వుల్లో చిన్న‌చూపు చూసింద‌నేది స్ప‌ష్ట‌మ‌వుతోంది. రాష్ట్ర విభ‌జ‌న త‌ర్వాత ఆంధ్ర‌ప్ర‌దేశ్‌లో కాంగ్రెస్ పార్టీ పూర్తిగా నామ‌మాత్రంగా త‌యారైంది.

అయినా కూడా కేవీపీ రామ‌చంద్ర‌రావు, సుబ్బిరామిరెడ్డి, ప‌ల్లంరాజు, సాయిప్ర‌తాప్‌ వంటి సీనియ‌ర్ నేత‌లు ఇంకా కాంగ్రెస్ పార్టీనే న‌మ్ముకొని ఉంటున్నారు. వీరికి ఎవ‌రికి జాతీయ కాంగ్రెస్‌లో చోటిచ్చే ప్ర‌య‌త్నం చేయ‌లేదు పార్టీ అధిష్ఠానం. రాష్ట్ర విభ‌జ‌న త‌ర్వాత కూడా తెలంగాణ‌లో కాంగ్రెస్ పార్టీ కొంత బ‌లంగానే ఉంది. అనేక మంది నాయ‌కులు ఉన్నారు. ముగ్గురు ఎంపీలు విజ‌యం సాధించారు. రాష్ట్రంలో అధికారం చేప‌ట్టాల‌ని కాంగ్రెస్ పార్టీ త‌హ‌త‌హ‌లాడుతోంది. కానీ, పార్టీ ప‌ద‌వుల్లో అయితే తెలంగాణ‌ను నిర్ల‌క్ష్యం చేశారు.

ఇప్ప‌టికే పీసీసీ అధ్య‌క్ష ప‌ద‌వికి రాజీనామా చేసిన ఉత్త‌మ్ కుమార్ రెడ్డికి జాతీయ స్థాయి కాంగ్రెస్‌లో మంచి ప‌ద‌వి ఇస్తార‌నే ప్ర‌చారం జ‌రిగింది. కానీ, ఆయ‌న‌కు ఏ ప‌ద‌వీ ఇవ్వ‌లేదు. కాంగ్రెస్ పార్టీ నామ‌మాత్రం, బ‌ల‌హీనంగా ఉన్న రాష్ట్రాలకు చెందిన నేత‌ల‌కు కూడా ఈ క‌మిటీల్లో మంచి ప్రాధాన్య‌త ద‌క్కింది. మ‌రి, తెలుగు రాష్ట్రాల నేత‌ల‌కు ఎందుకు ఇవ్వ‌లేదని చ‌ర్చ జ‌రుగుతోంది. తెలుగు రాష్ట్రాలతో త‌మ‌కు ఉప‌యోగం లేద‌ని కాంగ్రెస్ అధిష్ఠానం భావించి ఉండాలి. లేదా తెలుగు రాష్ట్రాల్లో సీడ‌బ్లూసీ స‌భ్యులుగా, ఇత‌ర రాష్ట్రాలకు ఇంఛార్జిలుగా ప‌ని చేసే సామ‌ర్థ్యం ఉన్న నేత‌లు ఎవ‌రూ లేర‌ని సోనియా గాంధీ భావించి ఉండాలి.

నా రూటే సెప‌రేటు

నా రూటే సెప‌రేటు

   17 minutes ago


బీజేపీకి  70 సీట్లోస్తే గొప్పే : మమత

బీజేపీకి 70 సీట్లోస్తే గొప్పే : మమత

   14 hours ago


బీజేపీపైనా ఈసీ కొరడా.. 48 గంటల నిషేధం.. సువేందుకు వార్నింగ్

బీజేపీపైనా ఈసీ కొరడా.. 48 గంటల నిషేధం.. సువేందుకు వార్నింగ్

   15 hours ago


ష‌ర్మిల దీక్ష‌..ర‌చ్చ ఫిక్స్..ప‌ర్మిష‌న్ ప్రాబ్ల‌మ్

ష‌ర్మిల దీక్ష‌..ర‌చ్చ ఫిక్స్..ప‌ర్మిష‌న్ ప్రాబ్ల‌మ్

   14 hours ago


మా పద్దతి మాకుంది..! టిక్కెట్ల పంపిణీపై ప్రశాంత్ కిషోర్ పాత్ర లేదు.

మా పద్దతి మాకుంది..! టిక్కెట్ల పంపిణీపై ప్రశాంత్ కిషోర్ పాత్ర లేదు.

   18 hours ago


ఏపీ, తెలంగాణ‌లో ఉత్కంఠ‌.. ఈ ఒక్క‌రోజు చాలా ఇంపార్టెంట్

ఏపీ, తెలంగాణ‌లో ఉత్కంఠ‌.. ఈ ఒక్క‌రోజు చాలా ఇంపార్టెంట్

   19 hours ago


సై అంటే సై అంటున్న లోకేశ్.. నై అంటే నై అంటున్న జ‌గ‌న్

సై అంటే సై అంటున్న లోకేశ్.. నై అంటే నై అంటున్న జ‌గ‌న్

   18 hours ago


ఇరానీ అమ్మాయిల చేతిలో తెలంగాణ  ఎమ్మెల్యేల లిస్ట్

ఇరానీ అమ్మాయిల చేతిలో తెలంగాణ ఎమ్మెల్యేల లిస్ట్

   20 hours ago


స్ట్రీట్ ఫైటర్ని.. తల వంచను : మమత

స్ట్రీట్ ఫైటర్ని.. తల వంచను : మమత

   21 hours ago


సాగర్ ఎన్నికల ప్రచారం.. కాంగ్రెస్, టీఆర్ఎస్ కార్యకర్తల మధ్య పెద్ద గొడవే..!

సాగర్ ఎన్నికల ప్రచారం.. కాంగ్రెస్, టీఆర్ఎస్ కార్యకర్తల మధ్య పెద్ద గొడవే..!

   16 hours ago


ఇంకా

NewsSting Team


      040 23600300

newsting
Daily Updates
facebooktwitterGooglewhatsappwhatsappGoogle