newssting
BITING NEWS :
*నేడు మంగళగిరిలో పవన్ పర్యటన...డొక్కా సీతమ్మ ఆహార శిబిరం ప్రారంభించనున్న పవన్ *ఉదయం పదిన్నర గంటలకు టిడిపి పార్లమెంటరీ పార్టీ సమావేశం *సాయంత్రం నాలుగు గంటలకు వైసీపీ పార్లమెంటరీ పార్టీ సమావేశం *సాయంత్రం 4 గంటలకు టీఆర్ఎస్ పార్లమెంటరీ పార్టీ సమావేశం.. కేకే, కేటీయార్ అధ్యక్షతన భేటీ * కేంద్ర మాజీ మంత్రి పి.చిదంబరం బెయిల్‌ పిటిషన్‌ హైకోర్టులో విచారణ*42వ రోజుకి చేరిన ఆర్టీసీ సమ్మె.. విలీనం అంశం వాయిదా *ఇవాళ డిపోల నుంచి గ్రామాలకు బైక్‌ ర్యాలీలు.. 16న నిరవధిక దీక్షలు, 17, 18 తేదీల్లో సామూహిక దీక్షలు.. 19న హైదరాబాద్‌ టు కోదాడ సడక్ బంద్*ముఖ్యమంత్రి నీరో చక్రవర్తిలా వ్యవహరిస్తున్నారు.. ప్రతీ పనిలోనూ జే ట్యాక్స్ విధిస్తున్నారు-చంద్రబాబు *వైసీపీలో చేరిన దేవినేని అవినాష్.. జగన్ వెంట నడుస్తానని టీడీపీ ఎమ్మెల్యే వల్లభనేని వంశీ

తెలంగాణ సర్కార్ పై బీసీ కమిషన్ వత్తిడి పనిచేస్తుందా?

20-10-201920-10-2019 09:37:21 IST
2019-10-20T04:07:21.491Z20-10-2019 2019-10-20T04:07:12.650Z - - 15-11-2019

తెలంగాణ సర్కార్ పై బీసీ కమిషన్ వత్తిడి పనిచేస్తుందా?
facebooktwitterGooglewhatsappwhatsappGoogle
తెలంగాణలో ఆర్టీసీ సమ్మె జాతీయస్థాయిలో చర్చనీయాంశం అవుతోంది. ఆర్టీసీ కార్మికులు చేస్తున్న సమ్మెను తెలంగాణ ప్రభుత్వం అంత సీరియస్ గా తీసుకున్నట్టు కనిపించడం లేదు. ఈ నేపథ్యంలో ఆర్టీసీ సమ్మెపై జాతీయ బీసీ కమిషన్‌ స్పందించింది.

సమ్మెలోకి వెళ్ళిన కార్మికులంతా సెల్ఫ్‌ డిస్మిస్‌ అంటూ ప్రభుత్వం చేసిన ప్రకటనపై బీసీ కమిషన్ వివరణ కోరింది.15 రోజులుగా రాష్ట్రంలో ఆర్టీసీ కార్మికులు సమ్మెలో ఉన్నారు. సమ్మె నివారణకు ప్రభుత్వం నుంచి ఎలాంటి చర్యలు లేకపోవడంతో రాష్ట్రంలోని విపక్ష పార్టీలు, విద్యార్థి, కార్మిక సంఘాలన్నీ ఏకమై ఆందోళనలను పెంచాయి.

కొద్ది రోజుల క్రితం మహబూబ్‌నగర్‌ జిల్లా పర్యటనకు వెళ్ళిన జాతీయ బీసీ కమిషన్‌ సభ్యుడు తల్లోజు ఆచారికి కొంత మంది ఆర్టీసీకి చెందిన బీసీ ఉద్యోగులు కలిశారు. తెలంగాణ రాష్ట్ర ప్రభుత్వం తమను ఉద్యోగం నుంచి తీసేసినట్లు ప్రకటించి మానసిక క్షోభకు గురి చేస్తోందంటూ ఫిర్యాదు చేశారు. 

సెల్ఫ్‌ డిస్మిస్‌ అంటూ సీఎం చేసిన ప్రకటనతో దాదాపు 20 వేల మంది బీసీ ఉద్యోగులకు అన్యాయం జరిగిందని తెలిపారు. ఆర్టీసీ కార్మికులు సమర్పించిన వినతి పత్రంపై జాతీయ బీసీ కమిషన్‌ అధికారులతో చర్చించింది. వెంటనే చర్యలకు ఉపక్రమించింది.  తెలంగాణ రాష్ట్ర ప్రభుత్వ ప్రధాన కార్యదర్శి సీఎస్‌ జోషీతో పాటు ఆర్టీసీ ఎండీకి శనివారం నోటీసులను జారీ చేసింది.

20 వేల మందిని ఏకపక్షంగా బీసీ ఉద్యోగులను తొలగించామంటూ ప్రకటించడం దారుణమని, తీవ్రంగా పరిగణిస్తున్నామని పేర్కొన్నారు. పూర్తి నివేదికతో ఈ నెల 25 న సీఎస్‌, ఎండీలు స్వయంగా ఢిల్లీ వచ్చి వివరణ ఇవ్వాలని ఆదేశించారు.

ఈ నెల 25 న సీఎస్‌, ఎండీల నివేదికలను పరిశీలించిన తర్వాత భవిష్యత్‌ నిర్ణయం తీసుకునే అవకాశం ఉంది. మరి తెలంగాణ ప్రభుత్వం ఎలాంటి వివరణ ఇస్తుందో చూడాలి. ఇటు హైకోర్టు-ఇటు బీసీ కమిషన్ వత్తిడితో కేసీఆర్ సర్కార్ ఏం చేస్తుందో చూడాలి. 


G. Sathyanarayana Raju


గొట్టుముక్కల సత్యనారాయణరాజుకు జర్నలిజంలో 21 సంవత్సరాలకు పైగా అనుభవం ఉంది. ప్రముఖ దినపత్రికలు, మేగజైన్లు, న్యూస్ ఛానెళ్ళలో వివిధ హోదాల్లో బాధ్యతలు నిర్వర్తించారు. డిజిటల్ మీడియాలో ప్రవేశించి... నాలుగేళ్ళనుంచి వివిధ వెబ్‌సైట్లలో పనిచేశారు. ప్రస్తుతం న్యూస్‌స్టింగ్‌.ఇన్ లో కంటెంట్ హెడ్‌గా పనిచేస్తున్నారు. ఫీచర్ రైటింగ్, ప్రత్యేక కథనాలు, కరెంట్ అఫైర్స్, ఎన్నికల కథనాలు, రాజకీయ కథనాల విశ్లేషణలో మంచి ప్రావీణ్యం ఉంది.
 gsnraju@rightfolio.in
      040 23600300

newsting
Daily Updates
facebooktwitterGooglewhatsappwhatsappGoogle