జార్ఖండ్ ఎన్నికల ఫలితాల్లో కాంగ్రెస్ కూటమి ముందంజ

23-12-201923-12-2019 12:25:20 IST
2019-12-23T06:55:20.067Z23-12-2019 2019-12-23T06:55:17.757Z - - 14-04-2021

జార్ఖండ్ ఎన్నికల ఫలితాలు బీజేపీ కూటమికి షాకిచ్చేలా వున్నాయి. ఉత్కంఠభరితంగా సాగిన జార్ఖండ్‌ అసెంబ్లీ ఎన్నికల ఓట్ల లెక్కింపు ఇవాళ కొనసాగుతోంది. జేఎం- కాంగ్రెస్‌ కూటమి ఆధిక్యత చూపిస్తోంది. జేఎంఎం కాంగ్రెస్‌ కూటమి 39 స్ధానాల్లో ముందంజలో కొనసాగుతోంది.  బీజేపీ 29 స్ధానాల్లో ముందంజలో వుంది.  ఏజేఎస్‌యూ 5 స్ధానాల్లో, ఇతరులు 8 స్థానాలు సాధించే అవకాశాలున్నాయి.

మొత్తం 81 స్ధానాలు కలిగిన జార్ఖండ్‌ అసెంబ్లీలో ప్రభుత్వ ఏర్పాటుకు అవసరమైన మేజిక్‌ ఫిగర్‌ 41. జేఎంఎం కాంగ్రెస్‌ కూటమి కీలక సంఖ్యను చేరుకునే దిశగా సాగుతున్నాయి. ఇక ముఖ్యమంత్రి రఘుబర్‌దాస్‌ జంషెడ్‌పూర్‌ తూర్పు స్ధానంలో ఆధిక్యంలో కొనసాగుతున్నారు. జేఎంఎం చీఫ్‌ హేమంత్‌ సొరేన్‌ తాను పోటీచేసిన రెండు స్ధానాల్లోనూ ఆధిక్యంలో దూసుకుపోతున్నారు. కాగా, ఎగ్జిట్‌ పోల్స్‌ హంగ్‌ అసెంబ్లీ వస్తుందని, జేఎంఎం-కాంగ్రెస్‌ కూటమి స్వల్ప ఆధిక్యత కనబరుస్తుందన్న తెలిపిన సంగతి తెలిసిందే.

అయితే హంగ్ కు దూరంగా కాంగ్రెస్ కూటమి విజయం దిశగా పరుగులు పెడుతోంది. పాలక బీజేపీకి ఫలితాలు షాకిచ్చేలా కనిపిస్తున్నాయి. అయితే ఇప్పుడున్న ఫలితాలు చివరి వరకు ఉండవని రఘుబర్ దాస్ స్పష్టం చేశారు. చివరి రౌండ్ పూర్తయ్యే వరకు వేచి చూడాలంటున్నారు సీఎం రఘుబర్ దాస్. మళ్ళీ బీజేపీ ప్రభుత్వమే వస్తుందన్నారు.