క‌మ‌లం వ‌ర్సెస్ క‌మ‌ల్ నాథ్

04-05-201904-05-2019 07:53:44 IST
Updated On 02-07-2019 11:58:18 ISTUpdated On 02-07-20192019-05-04T02:23:44.843Z04-05-2019 2019-05-04T02:23:22.683Z - 2019-07-02T06:28:18.344Z - 02-07-2019

మ‌ధ్యప్రదేశ్ రాష్ట్రంలో ఇప్పుడు క‌మ‌లం వ‌ర్సెస్ క‌మ‌ల్ నాథ్ అన్న రీతిలో రాజ‌కీయం న‌డుస్తోంద‌ట‌. ఈ రాష్ట్రంలో ప‌దిహేను సంవత్స‌రాల త‌ర్వాత అధికారం ద‌క్కించుకున్న కాంగ్రెస్ పార్టీ ఈ పార్ల‌మెంట్ ఎన్నిక‌ల్లో కూడా వీలైన‌న్ని సీట్లు గెల్చుకునేందుకు క‌ష్ట‌ప‌డుతోంద‌ట‌. అందుకే ముఖ్య‌మంత్రి క‌మ‌ల్ నాథ్‌కు ఎంపీ అభ్య‌ర్థుల ఎంపిక‌లో ఫ్రీ హ్యాండ్ ఇచ్చార‌ట రాహుల్ గాంధీ. 

దిగ్విజ‌య్ సింగ్, జ్యోతిరాదిత్య సింథియా వ‌ర్గాలు ఎన్ని మెలిక‌లు పెట్టినా క‌మ‌ల్ నాథ్ మీదే రాహుల్ గాంధీ ఆశ‌లు పెట్టుకున్నట్లు వార్తలు వ‌స్తున్నాయి. ఎన్నిక‌ల వేళ క‌మ‌ల్ నాథ్ బంధువుల ఇళ్ల మీద ఐటీ దాడులు జ‌రిగాయి. ఇవ‌న్నీ రాజ‌కీయ వైరంతోనే బీజేపీ చేయించింది అంటూ కాంగ్రెస్ నేత‌లు ప్ర‌చారం చేశారు. 

అలాగే బొటాబొటీ మెజార్టీతో ప్ర‌భుత్వం ఏర్పాటు చేసిన క‌మ‌ల్ నాథ్, రైతుల‌ను త‌నవైపు తిప్పుకునేందుకు రైతు రుణ‌మాఫీ మీద సంత‌కం చేశారు. అలాగే ఓబీసీ ఓట్ల‌ను కొల్ల‌గొట్టేందుకు ప్ర‌స్తుతం వారికి ఉన్న 14 శాతం రిజ‌ర్వేష‌న్ల‌ను 27 శాతానికి పెంచారు. రాష్ట్ర జ‌నంలో 45 శాతం ఓబీసీలే ఉండ‌టం ఇందుకు కార‌ణంగా చెబుతున్నారు. గ‌త ఎన్నిక‌ల్లో మ‌ధ్య‌ప్ర‌దేశ్ రాష్ట్రంలోని మొత్తం 29 సీట్ల‌లో 26 బీజేపీ, 3 కాంగ్రెస్ పార్టీ గెల్చుకున్నాయి. 

2009 ఎన్నిక‌ల‌తో పోలిస్తే బీజేపీ 10 సీట్లు ఎక్కువ‌గా గెల్చుకుంటే, కాంగ్రెస్ పార్టీ 9 సీట్లు కోల్పోయింది. అందుకే ఈసారి కాంగ్రెస్ పెద్ద‌లు చాలా జాగ్ర‌త్త‌లు తీసుకుంటున్నార‌ట‌. మొత్తం 29 సీట్ల‌లో క‌నీసం రెండంకెల స్థానాల‌ను గెల్చుకోడానికి క‌ష్ట‌ప‌డుతున్నారట‌.

అయితే మొన్న‌టి అసెంబ్లీ ఎన్నిక‌ల్లో కాంగ్రెస్ పార్టీకి ఓటేసిన జ‌నం, ప్రధానిగా మ‌ళ్లీ న‌రేంద్ర మోడీ ఉండాల‌ని కోరుకుంటున్నార‌ట‌. అందుకే 2014లో మాదిరిగా 26 సీట్లు రాక‌పోయినా, క‌నీసం 20 సీట్లు గెలుస్తామ‌ని బీజేపీ ధీమాగా ఉంది.