newssting
BITING NEWS :
* నేడు తెలంగాణ కేబినెట్‌ సమావేశం*మాజీ ప్రధాని చంద్రశేఖర్‌ కుమారుడు, సమాజ్‌వాదీ పార్టీ రాజ్యసభ సభ్యుడు నీరజ్‌ శేఖర్‌ బీజేపీలో చేరిక *నీటి ప్రాజెక్టులను నిలిపేసేందుకు జగన్ ప్రయత్నం- చంద్రబాబు*ఏపీ గవర్నర్‌గా బిశ్వభూషణ్ హరిచందన్ *ఏపీ గవర్నర్ బిశ్వభూషణ్ హరిచందన్ కు ఉపరాష్ట్రపతి వెంకయ్యనాయుడు అభినందనలు *తెలంగాణలో నేటి నుంచి రెండో విడత వైద్య విద్య ప్రవేశాలు*అనంతపురంలో భారీవర్షం

కూలి దొరక్క పద్మశ్రీ అవార్డు గ్రహీత ఆకలి కష్టాలు

26-06-201926-06-2019 08:32:38 IST
Updated On 26-06-2019 08:32:34 ISTUpdated On 26-06-20192019-06-26T03:02:38.666Z26-06-2019 2019-06-26T03:02:04.411Z - 2019-06-26T03:02:34.365Z - 26-06-2019

కూలి దొరక్క పద్మశ్రీ అవార్డు గ్రహీత ఆకలి కష్టాలు
facebooktwitterGooglewhatsappwhatsappGoogle
అత‌ను ఓ ఆదివాసీ తెగ‌కు చెందిన రోజూవారి కూలీ. వృత్తి చిన్న‌దైనా ఆయ‌న సంక‌ల్పం గొప్ప‌ది. త‌న గ్రామానికి ఆయ‌న చేసిన సేవ‌లు గుర్తించిన కేంద్ర ప్ర‌భుత్వం దేశంలో నాలుగో అత్యున్న‌త‌ పౌర‌పుర‌స్కారం అయిన ప‌ద్మ‌శ్రీ అందించి ఆయ‌న గౌర‌వించింది.

కానీ, ఇప్పుడు అదే ప‌ద్మ‌శ్రీ అవార్డు ఆయ‌న‌కు బుక్కెడు అన్నం దూరం చేస్తోంది. ప్ర‌భుత్వ స‌త్కారంతో ఎంతో ప్రాచుర్యం పొందిన ఆయ‌న‌కు రోజు కూలీ మాత్రం దొర‌క‌డం లేదు. దీంతో త‌న అవార్డును తిరిగి అప్ప‌గించేందుకు సిద్ధ‌మ‌య్యారు.

Image result for daitari naik

ఒడిశాలోని కియ‌న్‌ఝార్ జిల్లా త‌ల‌బైత‌ర‌ని గ్రామానికి చెందిన దైతారి నాయ‌క్‌కు రెక్క‌డితే కానీ డొక్కాడ‌ని ప‌రిస్థితి. ఆయ‌న రోజూ కూలీకి వెళితే కానీ ఆ రోజు కుటుంబ‌స‌భ్యుల క‌డుపు నిండ‌ని ప‌రిస్థితి.

ఇంత పేద‌రికంలో ఉన్నా ప‌దిమంది బాగు కోసం ఆలోచించే స్వ‌భావం దైతారి నాయ‌క్‌ది. గ్రామలో ప్ర‌జ‌ల‌కు నీరు లేక పంట‌లు పండించుకోలేక‌పోతున్నార‌నే ఆవేద‌న‌తో ఆయ‌న ఓ మ‌హ‌త్త‌ర కార్యానికి శ్రీకారం చుట్టారు.

ఏకంగా కొండ‌లు తొల‌చి కాలువ త‌వ్వి త‌న గ్రామంలోని 100 ఎక‌రాల‌కు నీరందేలా చేశారు. త‌న కుటుంబ‌స‌భ్యుల‌తో క‌లిసి మూడేళ్ల పాటు ఆయ‌న శ్ర‌మించి కాలువ‌ను పూర్తి చేశారు. దీంతో ఆ పొలాల్లో నీరొచ్చింది. త‌న క‌ష్టతో రైతుల మొఖాల్లో వెలుగులు నింపిన దైతారి ఇప్పుడు క‌ష్టాల్లో ఉన్నారు.

దైతారి శ్ర‌మ‌ను, స్ఫూర్తిని గుర్తించిన కేంద్రం ఆయ‌న‌కు ఇటీవ‌ల ప‌ద్మ‌శ్రీ పుర‌స్కారాన్ని అందించింది. దీంతో ఆయ‌న పేరు రాష్ట్రంలోనే కాకుండా దేశం మొత్తం మారుమ్రోగింది.

అయితే, ఇదంతా కొంత‌కాలం మాత్రమే. అవార్డు తిండిపెట్ట‌దు క‌దా. మ‌ళ్లీ త‌న క‌ష్టాన్ని న‌మ్ముకొని బ‌త‌క‌డానికి సిద్ధ‌ప‌డ్డ దైతారికి చేసుకుందామంటే ప‌ని దొర‌క‌డం లేదు.ప‌ద్మ‌శ్రీ అవార్డు అందుకొని ఎంతో కీర్తిని గ‌డించిన ఆయ‌న‌ను త‌మ వ‌ద్ద ప‌ని ఇవ్వ‌డానికి గ్రామ‌స్థులు ముందుకురావ‌డం లేదు.

ఆయ‌న‌ను ఎవ‌రూ ప‌నికి పిల‌వ‌క‌పోవ‌డంతో తిన‌డానికి తిండి కూడా దొర‌క‌ని ప‌రిస్థితిలో ఉన్నారు. దీంతో ఆయ‌న ఏకంగా త‌న ప‌ద్మ‌శ్రీ అవార్డునే తిరిగి ఇవ్వాల‌నే నిర్ణ‌యానికి వ‌చ్చారు.

త‌న‌కు ప‌ని దొర‌క‌కుండా చేసిన అవార్డు, ప్ర‌తిష్ఠ త‌న‌కెందుక‌ని ఆయ‌న ప్ర‌శ్నిస్తున్నారు. ఇప్ప‌టికే గుడిసెలో నివ‌సిస్తున్న బైతారి నాయ‌క్‌కు ప‌ద్మ‌శ్రీ వ‌చ్చిన‌ప్పుడు అనేక‌మంది నేత‌లు వ‌చ్చి అనేక హామీలు ఇచ్చారు.

ప్ర‌భుత్వ ప‌థ‌కంలో భాగంగా ఆయ‌న‌కు ప‌క్కా ఇల్లు క‌ట్టిస్తామ‌ని, ఇంకా ఎన్నెన్నో చేస్తామ‌ని హామీలు ఇచ్చారు. కానీ, ఏ ఒక్క‌టీ నెర‌వేర‌లేదు. ఇలా, ప‌ది మందిమంచి కోసం త‌ప‌న ప‌డే క‌ష్ట‌జీవికి ఇవాళ చేసుకుందామంటే ప‌ని కూడా దొర‌క‌ని ప‌రిస్థితి ఏర్ప‌డింది. మ‌రి, ప్ర‌భుత్వం ఆయ‌న‌ను ఆదుకుంటుందా లేదా చూడాలి.

 


Newssting Desk


 newssting@rightfolio.in
      040 23600300

newsting
Daily Updates
facebooktwitterGooglewhatsappwhatsappGoogle