newssting
BITING NEWS :
* అధికారిక లాంఛనాలతో అరుణ్ జైట్లీ అంత్యక్రియలు పూర్తి* తెలుగు తేజం పీవీ సింధు సరికొత్త చరిత్ర*ప్రపంచ బ్యాడ్మింటన్ ఫైనల్‌లో ఒకుహరాతో తలపడి విజయం సాధించిన పీవీ సింధు* పీవీ సింధుకు మోదీ,జగన్‌,కేసీఆర్‌, చంద్రబాబు, పవన్ అభినందనలు*పీవీ సింధు, ప్రణీత్‌కు రివార్డులు* రైలు పట్టాలపై సెల్ఫీకి రూ.2 వేల జరిమానా*అమెరికాలో కాల్పుల కలకలం..బాలిక దుర్మరణం *ఫ్రాన్స్‌లో నేడు జి-7 దేశాల సదస్సు… హాజరైన భారత ప్రధాని మోడీ *ఏపీలో మూడు ప్రత్యేక కార్పొరేషన్లు ఏర్పాటు..మాల, మాదిగ, రెల్లి కులాలకు ప్రత్యేక కార్పొరేషన్లు *ఆంధ్రప్రదేశ్‌ రాజధాని అమరావతి నిర్మాణంపై వ్యాఖ్యలకు కట్టుబడి ఉన్నా: మంత్రి బొత్స

కాంగ్రెస్ కు ఈ సారి కూడా ప్రధాన ప్రతిపక్ష హోదా లేనట్లే

27-05-201927-05-2019 15:31:13 IST
Updated On 26-06-2019 15:13:51 ISTUpdated On 26-06-20192019-05-27T10:01:13.509Z27-05-2019 2019-05-27T10:00:52.802Z - 2019-06-26T09:43:51.127Z - 26-06-2019

కాంగ్రెస్ కు ఈ సారి కూడా ప్రధాన ప్రతిపక్ష హోదా లేనట్లే
facebooktwitterGooglewhatsappwhatsappGoogle

ఈ ఎన్నిక‌ల్లో దారుణ ప‌రాభ‌వం మూట‌క‌ట్టుకున్న కాంగ్రెస్ పార్టీకి మరో షాక్ త‌గిలింది. గ‌త ఎన్నిక‌ల ఫ‌లితాల‌తో లోక్‌సభలో ప్రధాన ప్రతిప‌క్ష హోదాను దక్కించుకోలేకపోయిన కాంగ్రెస్ పార్టీ, ఈ ఎన్నిక‌ల్లో అయినా ప‌రువు ద‌క్కించుకోవాల‌ని ప్రయ‌త్నించి విఫ‌లం అయింది. 2014లో కాంగ్రెస్ పార్టీ కేవ‌లం 44 సీట్లు సాధించి ప్రధాన ప్రతిప‌క్ష హోదా కోల్పోయింది.

ఈ ఎన్నిక‌ల్లో 52 సీట్లు సాధించినా కాంగ్రెస్ పార్టీకి ఏమాత్రం ఉప‌యోగం లేకుండా పోయింద‌ి. ఎందుకంటే, లోక్‌సభలో ప్రధాన ప్రతిపక్ష హోదా ద‌క్కాలంటే క‌నీసం 55 మంది స‌భ్యులు ఉండాలి. అంటే మొత్తం సీట్లలో ప‌దిశాతం అన్నమాట‌. అయితే ఈసారి ప్రధాన ప్రతిప‌క్ష హోదాకు కాంగ్రెస్ పార్టీకి 3 సీట్లు త‌క్కువ అయ్యాయి. లోక్‌సభలో ప్రతిపక్ష నేత ప‌లు అంశాల్లో కీల‌కంగా వ్యవ‌హ‌రిస్తారు. రాజ్యాంగ బ‌ద్ధమైన నియామ‌కాల్లో ప్రతిప‌క్ష నేత మాట కూడా చెల్లుబాటు అవుతుంది. ఆయ‌న అభ్యంత‌రాన్ని ప్రభుత్వం క‌చ్చితంగా చ‌ర్చించి తీరాలి. 

ముఖ్యంగా లోక్‌పాల్, సీబీఐ డైరెక్టర్, చీఫ్ విజిలెన్స్  కమిషనర్, చీఫ్ ఇన్ఫర్మేషన్ కమిషనర్, నేషనల్ హ్యూమన్ రైట్స్ కమిషన్ ఛైర్‌పర్సన్ నియామకాలకు ప్రతిపక్ష నేత అభిప్రాయాన్ని తప్పని స‌రిగా తీసుకోవాలి. అయితే 2014లో కాంగ్రెస్ పార్టీకి ప్రధాన ప్రతిపక్ష హోదా ఇచ్చేందుకు బీజేపీ నిరాకరించింది. లోక్‌పాల్ నియామక సమావేశానికి మల్లిఖార్జున ఖర్గేను ప్రత్యేక అతిధిగా ఆహ్వానించింది. దీనిపై ఆగ్రహం వ్యక్తం చేసిన ఆయ‌న‌, ఆ స‌మావేశానికి వెళ్లలేదు. 

దీంతో లోక్‌పాల్ నియామకం నిలిచిపోయింది. 2014 ఎన్నిక‌ల దాకా త‌మ‌కు ఇలాంటి ప‌రిస్థితి వ‌స్తుంద‌ని ఊహించ‌ని కాంగ్రెస్ పార్టీ, గ‌తంలో ఓ డిమాండ్ తెర మీద‌కు తెచ్చింది. ప్రధాన ప్రతిప‌క్ష పార్టీకి మొత్తం సీట్లలో ప‌ది శాతం స‌భ్యులు ఉండాల‌న్న నియ‌మాన్ని మార్చాల‌ని ప‌ట్టుప‌ట్టింది. అంతేకాదు, త‌మ డిమాండుకు అనుకూలంగా చ‌ట్ట స‌ర‌వ‌ణ చేయాల‌నీ వాదించింది. కానీ అప్పట్లో మోడీ ప్రభుత్వం ఆ వాదనను తోసిపుచ్చింది. 

ఇప్పుడు కూడా అదే ప‌రిస్థితి రావ‌డంతో కాంగ్రెస్ పార్టీకి ఏం చేయాలో అర్థం కావ‌డం లేదు. అయితే స్వతంత్రంగా గెలిచిన వారిని త‌మ పార్టీలో చేర్చుకుంటే, సంఖ్యా బ‌లం పెరిగి ప్రతిప‌క్ష హోదా ద‌క్కుతుంద‌న్న వాద‌న కూడా ఆ పార్టీ నేత‌ల్లో వినిపిస్తోంద‌ట‌. అయితే ఈ వాద‌న‌కు ఏ మేర‌కు చ‌ట్టబ‌ద్ధత ఉందో తేలాలి.


Anand Murthy


With over 20 years of journalistic experience with major media houses and government agencies, Ananda Murthy Motamarri specialises in items on Political Affairs, Current Affairs and Feature writing at News Sting. His expertise on both Telugu as well as English has seen him translating more than 50 books from English to Telugu and vice versa. He also specialises is crafting content for digital media and is known for his research work into content development.
 anand.m@rightfolio.in
      040 23600300

newsting
Daily Updates
facebooktwitterGooglewhatsappwhatsappGoogle