newssting
BITING NEWS :
*నేడు సిద్ధిపేట జిల్లాలో కలెక్టర్లతో సీఎం కేసీఆర్‌ క్షేత్ర పర్యటన*నేడు ఢిల్లీకి దేవేందర్‌గౌడ్‌*గుంటూరు ప్రాంతంలో చంద్రబాబు పర్యటన*నేడు సనత్‌నగర్‌లో కేంద్ర మంత్రి సంతోష్‌ గంగ్వార్‌ పర్యటన *కర్ణాటక బీజేపీ నూతన అధ్యక్షుడిగా నళినీకుమార్ కటీల్*హైకోర్టు నిర్ణయాన్ని సవాల్ చేస్తూ సుప్రీంలో చిదంబరం పిటిషన్

కాంగ్రెస్‌లో చిచ్చు పెట్టిన క‌శ్మీర్ అంశం

07-08-201907-08-2019 15:14:52 IST
Updated On 07-08-2019 15:28:40 ISTUpdated On 07-08-20192019-08-07T09:44:52.169Z07-08-2019 2019-08-07T09:44:46.399Z - 2019-08-07T09:58:40.361Z - 07-08-2019

కాంగ్రెస్‌లో చిచ్చు పెట్టిన క‌శ్మీర్ అంశం
facebooktwitterGooglewhatsappwhatsappGoogle

ఏడు ద‌శాబ్దాలుగా పీడిస్తున్న జ‌మ్మూ క‌శ్మీర్ స‌మ‌స్య‌ను ప‌రిష్క‌రించే దిశ‌గా కేంద్ర ప్ర‌భుత్వం తీసుకున్న సంచ‌ల‌న నిర్ణ‌యాల‌పై దేశ‌వ్యాప్తంగా మోజారిటీ ప్ర‌జ‌లు హ‌ర్షం వ్య‌క్తం చేస్తున్నారు. ఆర్టిక‌ల్ 370 ర‌ద్దు, క‌శ్మీర్ విభ‌జ‌న‌పై బీజేపీ నిర్ణ‌యాల ప‌ట్ల అన్ని వ‌ర్గాల నుంచి ప్ర‌శంస‌లు వ‌స్తున్నాయి. ఈ నిర్ణ‌యంతో న‌రేంద్ర మోడీ, బీజేపీ దేశంలో ఇంకా బ‌ల‌మైన రాజ‌కీయ శ‌క్తిగా మారుతుంద‌నే అంచ‌నాలు వ‌స్తున్నాయి.

అయితే, ఈ వ్య‌వ‌హారంలో కాంగ్రెస్ పార్టీ సెల్ఫ్ గోల్ వేసుకున్న‌ట్లు క‌నిపిస్తోంది. కేంద్రం తీసుకున్న ఈ రెండు నిర్ణ‌యాల‌ను కాంగ్రెస్ పార్టీ తీవ్రంగా ఖండించింది. కేంద్రం తీరును త‌ప్పుబ‌ట్టింది. కేంద్రం చేసింది అప్ర‌జాస్వామిక‌మ‌ని ఆరోపించింది. గులాం న‌బీ ఆజాద్‌ను ముందుపెట్టి కేంద్రం నిర్ణ‌యాల‌ను విమ‌ర్శించింది. ఇలా కేంద్రాన్ని విమ‌ర్శించే స‌మ‌యంలో దేశ ప్ర‌జ‌ల మ‌నోభావాలు ఎలా ఉన్నాయో, కేంద్రం తీసుకున్న నిర్ణ‌యాల‌పై దేశ ప్ర‌జ‌లు ఎలా స్పందిస్తున్నారో తెలుసుకోలేక‌పోయింది.

కేంద్రాన్ని త‌ప్పుప‌ట్టే దిశ‌లో లోక్‌స‌భ‌లో అయితే మ‌న దేశ విధానాన్నే ప్ర‌శ్నించింది. క‌శ్మీర్ అంశం త‌మ అంత‌ర్గ‌త‌మ‌ని, ఇందులో ఎవ‌రి ప్ర‌మేయం ఉండ‌వ‌ద్ద‌నేది మ‌న దేశ విధానం. అధికారంలో ఏ పార్టీ ఉన్నా మ‌న విధానం అయితే ఇదే. కానీ, నిన్న లోక్‌స‌భ‌లో కాంగ్రెస్ ప‌క్ష నేత అధీర్ రంజ‌న్ మాట్లాడుతూ.. క‌శ్మీర్ ద్వైపాక్షిక అంశ‌మ‌ని చెప్పి ప‌ప్పులో కాలేశారు.

ఇప్ప‌టికే కాంగ్రెస్ పార్టీ ఓటు బ్యాంకు రాజ‌కీయాలు చేస్తోంద‌ని, దేశ ప్ర‌యోజ‌నాల ఆ పార్టీకి ప‌ట్ట‌వ‌ని బీజేపీ ప్ర‌జ‌ల్లోకి బ‌లంగా తీసుకెళ్లి రెండు ఎన్నిక‌ల్లో చావు దెబ్బ కొట్టింది. అయినా కాంగ్రెస్ పార్టీ తేరుకున్న‌ట్లు క‌నిపించ‌డం లేదు. దేశ ప్ర‌జ‌ల్లో మెజారిటీ కేంద్ర నిర్ణ‌యాన్ని స‌మ‌ర్థిస్తుంటే కాంగ్రెస్ వ్య‌తిరేకించ‌డం ద్వారా వారిలో ఆ పార్టీ ప‌ట్ల వ్య‌తిరేక‌త వ‌స్తోంది.

ఇక‌, ఏకంగా కాంగ్రెస్ పార్టీకి అత్యంత విధేయులుగా ఉండే నేత‌లే పార్టీ విధానాన్ని త‌ప్పుబ‌డుతూ కేంద్రం తీసుకున్న నిర్ణ‌యాల‌ను స‌మ‌ర్థిస్తున్నారు. రాజ్య‌స‌భ‌లో కాంగ్రెస్ చీఫ్ విప్‌గా ఉన్న‌భుబ‌నేశ్వ‌ర్ క‌లితా అయితే పార్టీకి, రాజ్య‌స‌భ స‌భ్య‌త్వానికి సైతం రాజీనామా చేశారు. విప్ జారీ చేయాల‌నే పార్టీ ఆదేశాల‌ను దిక్క‌రించి కాంగ్రెస్‌వి దేశ వ్య‌తిరేక విధాన‌మ‌ని, అందులో భాగం కాద‌ల్చుకోలేద‌ని రాజీనామా చేశారు.

జ్యోతిరాధిత్య సింధియా, దీపేంద‌ర్ హుడా, జ‌నార్ధ‌న్ ద్వివేది, మిలింద్ దేవ‌రా వంటి కాంగ్రెస్ నేత‌లు సైతం పార్టీ వైఖ‌రిని విభేదించి కేంద్ర ప్ర‌భుత్వం తీసుకున్న నిర్ణ‌యాల‌ను స‌మ‌ర్థించారు. కాంగ్రెస్ పార్టీ శ్రేణులు కూడా చాలామంది పార్టీ వైఖ‌రిని ప‌క్క‌న పెట్టి వ్య‌క్తిగ‌తంగా కేంద్రం తీసుకున్న నిర్ణ‌యాల‌కు మ‌ద్ద‌తు ప‌లుకుతున్నారు. ఇలా పార్టీ శ్రేణులు, నేత‌లు, ప్ర‌జ‌లు ఏం ఆలోచిస్తున్నారో తెలుసుకోలేక క‌శ్మీర్‌పై కేంద్రం నిర్ణ‌యాల‌ను గుడ్డిగా వ్య‌తిరేకించిన కాంగ్రెస్ మ‌రింత వ్య‌తిరేక‌త మూట‌గ‌ట్టుకుంది. ఈ అంశంలో కొంత సంయ‌మ‌నంతో ఆ పార్టీ వ్య‌వ‌హ‌రిస్తే బాగుండేద‌ని ఆ పార్టీ నేత‌లే అభిప్రాయ‌ప‌డుతున్నారు. మొత్తానికి క‌శ్మీర్ విభ‌జ‌న అంశం కాంగ్రెస్‌లో చిచ్చు పెట్టిన‌ట్లు క‌నిపిస్తోంది.  


NewsSting Team


      040 23600300

newsting
Daily Updates
facebooktwitterGooglewhatsappwhatsappGoogle