newssting
BITING NEWS :
*నేడు సిద్ధిపేట జిల్లాలో కలెక్టర్లతో సీఎం కేసీఆర్‌ క్షేత్ర పర్యటన*నేడు ఢిల్లీకి దేవేందర్‌గౌడ్‌*గుంటూరు ప్రాంతంలో చంద్రబాబు పర్యటన*నేడు సనత్‌నగర్‌లో కేంద్ర మంత్రి సంతోష్‌ గంగ్వార్‌ పర్యటన *కర్ణాటక బీజేపీ నూతన అధ్యక్షుడిగా నళినీకుమార్ కటీల్*హైకోర్టు నిర్ణయాన్ని సవాల్ చేస్తూ సుప్రీంలో చిదంబరం పిటిషన్

కన్నడ అసెంబ్లీలో ఎడతెగని డ్రామా .. రేపటికి వాయిదా!

18-07-201918-07-2019 18:53:01 IST
Updated On 18-07-2019 18:54:22 ISTUpdated On 18-07-20192019-07-18T13:23:01.107Z18-07-2019 2019-07-18T13:22:54.038Z - 2019-07-18T13:24:22.190Z - 18-07-2019

కన్నడ అసెంబ్లీలో ఎడతెగని డ్రామా .. రేపటికి వాయిదా!
facebooktwitterGooglewhatsappwhatsappGoogle
కర్నాటక రాజకీయాలు క్షణక్షణానికీ మారుతున్నాయి. బలపరీక్ష వాయిదా వేసేందుకు కాంగ్రెస్ వ్యూహాలు.. వాటిని అడ్డుకునేందుకు బీజేపీ  ప్రయత్నాలతో రాజకీయం రసవత్తరంగా మారుతోంది. ఇవాళ రాత్రికల్లా బలపరీక్ష జరిగేలా చూడాలని రాష్ట్ర గవర్నర్‌ వాజూభాయి పటేల్‌.. స్పీకర్‌ రమేశ్ కుమార్‌ను కోరింది బీజేపీ.

అనంతరం గవర్నర్‌ వాజూభాయి ఓ ప్రత్యేక అధికారి ద్వారా స్పీకర్‌కు ఓ లేఖ పంపారు. ఆ లేఖను స్పీకర్‌ చదివి వినిపించారు. ఎలాగైనా ఈ రోజు రాత్రికల్లా బలపరీక్ష జరిగేలా చూడాలని గవర్నర్‌ లేఖలో పేర్కొన్నట్లు తెలిపారు.

అటు స్పీకర్‌ కూడా ఇదే విషయాన్ని స్ఫష్టం చేశారు. ఈ రోజే విశ్వాస పరీక్ష జరిగేలా చూస్తామని చెప్పారు. ఎమ్మెల్యేల రాజీనామాలపై సుప్రీంకోర్టు తీర్పు అస్పష్టంగా ఉందని, ఇలాంటి పరిస్థితుల్లో విశ్వాసపరీక్ష పెట్టడం సరికాదని కాంగ్రెస్‌ నేత సిద్ధరామయ్య అన్నారు. దీనికి బీజేపీ తీవ్ర అభ్యంతరం తెలిపింది. 

బలపరీక్ష వాయిదా వేయడం కోసమే ఇలాంటివి తెరపైకి తెస్తున్నారని బీజేపీ ఆందోళనకు దిగింది. ఈ క్రమంలో సభలో గందరగోళ పరిస్థితులు నెలకొనడంతో రెండు సార్లు సభను వాయిదా వేసిన స్పీకర్‌ రమేశ్‌ కుమార్‌.. సాయంత్రం 4.30 గంటల తర్వాత తిరిగి సభను ప్రారంభించారు. అసెంబ్లీ ప్రారంభమయ్యాక కూడా అధికార, ప్రతిపక్ష సభ్యుల మధ్య వాగ్వాదం నడుమ చర్చ కొనసాగింది.

అనంతరం కర్నాటక అసెంబ్లీ  శుక్రవారానికి వాయిదా పడింది. ఇదిలా ఉంటే.. రాత్రి బలపరీక్ష నిర్వహించాలని యడ్యూరప్ప పట్టుబట్టారు. అవసరమయితే తాము రాత్రంతా సభలోనే ఉంటామన్నారు. సభ వాయిదా అనంతరం కాంగ్రెస్-జేడీఎస్ సభ్యులు బయటకు రాగా, బీజేపీ సభ్యులు సభలోనే ఉండి, ఆందోళన నిర్వహిస్తున్నారు. శుక్రవారం ఉదయం 11 గంటలకు తిరిగి సభ ప్రారంభం కానుంది. 


G. Sathyanarayana Raju


గొట్టుముక్కల సత్యనారాయణరాజుకు జర్నలిజంలో 21 సంవత్సరాలకు పైగా అనుభవం ఉంది. ప్రముఖ దినపత్రికలు, మేగజైన్లు, న్యూస్ ఛానెళ్ళలో వివిధ హోదాల్లో బాధ్యతలు నిర్వర్తించారు. డిజిటల్ మీడియాలో ప్రవేశించి... నాలుగేళ్ళనుంచి వివిధ వెబ్‌సైట్లలో పనిచేశారు. ప్రస్తుతం న్యూస్‌స్టింగ్‌.ఇన్ లో కంటెంట్ హెడ్‌గా పనిచేస్తున్నారు. ఫీచర్ రైటింగ్, ప్రత్యేక కథనాలు, కరెంట్ అఫైర్స్, ఎన్నికల కథనాలు, రాజకీయ కథనాల విశ్లేషణలో మంచి ప్రావీణ్యం ఉంది.
 gsnraju@rightfolio.in
      040 23600300

newsting
Daily Updates
facebooktwitterGooglewhatsappwhatsappGoogle