newssting
Radio
BITING NEWS :
విశాఖ జిల్లా అనకాపల్లి ముత్రాసు కాలనీలో విషాదం. అనారోగ్యంతో భార్య చనిపోవడంతో మనస్తాపం చెంది.. ఇద్దరు పిల్లలతో కలిసి ఆత్మహత్య చేసుకున్న తండ్రి. * కడప జిల్లా ముద్దనూరు మండలం కొత్తపల్లిలో రోడ్డు ప్రమాదం. క్యాంపర్ వాహనాన్ని ఢీ కొట్టిన లారీ, ఇద్దరు మృతి. మృతులు తొండూరు మండలం మల్యాల వాసులుగా గుర్తింపు. * తెలంగాణలో భారీగా పెరిగిన కరోనా కేసులు. కొత్తగా 684 పాజిటివ్ కేసులు నమోదు, ముగ్గురు మృతి. * భద్రాచలం చెక్ పోస్ట్ వద్ద పోలీసుల తనిఖీల్లో పట్టుబడిన గంజాయి. రూ. 30 లక్షలు విలువైన రెండు క్వింటాళ్ల గంజాయి స్వాధీనం. రెండు కార్లు సీజ్, ముగ్గురు అరెస్ట్. * గుంటూరు జిల్లా తాడేపల్లి పరిసర ప్రాంతాల్లో విస్తరిస్తున్న డ్రగ్ కల్చర్. యూనివర్శిటీలు, కాలేజీలు టార్గెట్ గా డ్రగ్స్ అమ్మకాలు చేపట్టిన మాఫియా. గంజాయితో పాటు సింథటిక్ డ్రగ్స్ విక్రయాలు. ఎండీఎంఏ ట్యాబ్లెట్స్ ను పట్టుకున్న ఎస్ఈబీ అధికారులు. * ఈస్ట్ ఢిల్లీ రెడీమేడ్ వస్త్ర కారాగారంలో భారీ అగ్నిప్రమాదం. మంటలార్పుతున్న 15 ఫైరింజన్లు.

ఉగ్ర చెరనుంచి కాశ్మీర్ కు విముక్తి...!

09-08-201909-08-2019 16:08:22 IST
2019-08-09T10:38:22.023Z09-08-2019 2019-08-09T10:36:53.025Z - - 23-04-2021

ఉగ్ర చెరనుంచి కాశ్మీర్ కు విముక్తి...!
facebooktwitterGooglewhatsappwhatsappGoogle

జమ్మూ కాశ్మీర్..భూతల స్వర్గం లాంటి ఆ రాష్ట్రం గత కొన్ని దశాబ్దులుగా ఉగ్రమూకల రాక్షస రాజ్యంగా మారిపోయింది. అందుకు ఆర్టికల్ 370, 35ఎ దోహదం చేశాయన్నది నిర్వవాదాంశం. అయితే వాటిని మోడీ సర్కార్ రద్దు చేయడంతో పరిస్థితులలో మార్పు వస్తుందన్న ఆశ లేశమాత్రంగానైనా భారతీయులలో కనిపిస్తున్నది. ప్రధాని నరేంద్రమోడీ స్వయంగా తన ప్రభుత్వ నిర్ణయం చారిత్రకంగా అభివర్ణించారు. నరేంద్ర మోడీ సమర్ధన కంటే ముందుగానే దేశంలో మెజారిటీ ప్రజలు జమ్మూ కాశ్మీర్ విషయంలో మోడీ సర్కార్ తీసుకున్న నిర్ణయానికి ఆమోదముద్ర వేయడంతో పాటు హర్షామోదాలు సైతం వ్యక్తం చేశారు. జమ్మా కాశ్మీర్, లడఖ్ ప్రాంతాలలో ఇక నవయుగం మొదలౌతుందన్న భావన సర్వత్రా వ్యక్తమౌతున్నది. పాకిస్థాన్, చైనా మినహాయిస్తే ప్రపంచ దేశాలు కూడా భారత ప్రభుత్వ నిర్ణయం ఆ దేశ అంతర్గత వ్యవహారంగానే భావిస్తున్నట్లు ప్రకటించేశాయి. దీంతో ఈ విషయాన్ని అంతర్జాతీయ వేదికపైకి తీసుకువచ్చి భారత్ ను ఇరుకున పెట్టాలన్న పాకిస్థాన్ పాచిక పారలేదు. 

ఏడు దశాబ్దాలుగా జమ్మూ కాశ్మీర్ ప్రజలు ఎదుర్కొంటున్న సమస్యల పరిష్కారానికే కాకుండా, ఆ రాష్ట్ర, రాష్ట్ర ప్రజల భివిష్యత్ చిత్రపటం ఒక మహోజ్వలంగా ఉండేందుకు ఇది దోహదపడుతుందన్న ఆశాభావం జనంలో వ్యక్తమౌతున్నది. అదే దిశగా ప్రజలలో ఆశలను, భవిష్యత్ పట్ల నమ్మకాన్ని పాదుకొల్పేందుకు వీలుగానే ప్రధాని నరేంద్ర మోడీ ఆకాశవాణి ద్వారా జాతిని ఉద్దేశించి చేసిన ప్రసంగం ఉంది. భూతల స్వర్గం వంటి జమ్మూ కాశ్మీర్ భూతాల (ఉగ్ర భూతాల)కు నిలయంగా మారడానికి దశాబ్దాలుగా పాలకులు అనుసరించిన ఉదార వైఖరే కారణం. ఓటు బ్యాంకు రాజకీయాలైతేనేమి? మత వ్యవహారమైతేనేమి? ఇప్పటి వరకూ కాశ్మీర్ విషయంలో పార్టీలన్నీ తమ రాజకీయ ప్రయోజనాల కోసమే పాకులాడాయి. ఈ నేపథ్యంలోనే భారత ప్రజలలో కాశ్మీర్ లో శాంతి నెలకొంటుందన్న ఆశ రేకెత్తించే విధంగా మోడీ సర్కార్ ఆర్టికల్ 370 రద్దు చేస్తూ నిర్ణయం తీసుకుంది. ఈ నిర్ణయంపై విమర్శలు చేస్తున్న వారికి సమాధానం చెప్పడం, అలాగే దేశ ప్రజలకు ఆర్టికల్ 370 రద్దు ఆవశ్యకతను వివరించడం ధ్యేయంగా ప్రధాని మోడీ ఆకాశవాణి ద్వారా జాతి నుద్దేశించి ప్రసంగించారు. ఆయన ప్రసంగంలోని అన్ని అంశాలూ గత మూడు నాలుగు రోజులుగా జనం నోళ్లలో నానుతున్నవే. అదే సమయంలో ఇంత కాలం కాశ్మీర్ ప్రజలు ఏవో ప్రత్యేక హక్కులను అనుభవిస్తున్నారనీ, వారు దేశంలోని ఇతర ప్రజల కంటే అధికంగా అంటే మొదటి తరగతి పౌరులుగా పరిగణింపబడుతున్నారనీ సామాన్య జనంలో ఉన్న అపోహలు తొలగిపోవడానికి కూడా మోడీ తన ప్రసంగంలో ప్రయత్నం చేశారు. జమ్మూ కాశ్మీర్ అంటే ఉగ్ర హింస, నిత్య నరకం, ఎప్పుడేం జరుగుతుందో అర్ధం కాని టెన్షన్. ఇంత కాలంగా జమ్మూకాశ్మీర్ ప్రజలు అనుభవించిన జీవితం. దాదాపు గంట సేపు మోడీ జాతిని ఉద్దేశించి ప్రసంగించారు.

  గత ఏడు దశాబ్దాలుగా జనం ఎదుర్కొంటున్న సమస్యలను ప్రస్తావించారు. అందుకు కారణాలను వివరించారు. అదే సమయంలో భవిష్యత్ పై భరోసా కల్పించేందుకు ప్రయత్నించారు. ఆర్టికల్ 370 కాశ్మీర్ కు ఎటువంటి ప్రయోజనం కలిగించకపోగా... వేర్పాటు వాదం, ఉగ్రహింసాకాండలతో పాటు అవినీతి పేరుకుపోవడానికి మాత్రమే కారణమైంది. ఇవి కాకుండా కాశ్మీర్ కు ఆర్టికల్ 370, 35ఎ ద్వారా కలిగిన లాభమేమిటన్నది మోడీ సర్కార్ నిర్ణయాన్ని వ్యతిరేకిస్తూ ఆందోళనలకు పిలుపునిస్తున్నవారు, విమర్శలు గుప్పిస్తున్న వారు చెప్పలేకపోతున్నారు. ఇప్పుడు ఆ రెంటినీ రద్దు చేయడం వల్ల ఒనగూరే ప్రయోజనం ఏమిటో చెప్పారు. అయితే ప్రధాని మోడీ జాతినుద్దేశించి చెసిన ప్రసంగంతో సంబంధం లేకుండానే...కాశ్మీర్ సహా దేశం మొత్తం ఆ ప్రయోజనాలు చేకూరుతాయన్న చర్చ చేసింది. దేశంలోని మిగిలిన రాష్ట్రాలతో సమానంగా కాశ్మీర్ లో కూడా వ్యాపార వాణిజ్య పురోగతి కనిపిస్తుందన్న భావన ఆ రాష్ట్ర ప్రజలతో ఇతర రాష్ట్రాల ప్రజలలోనూ వ్యక్తమైంది. ఆ పురోభివృద్ధికి 370 రద్దుతో రాచబాట పడిందన్న భరోసాను ప్రధాని మోడీ నిన్నటి ప్రసంగంలో ఇచ్చారు. 

ఇంత కాలం 370 ఆర్టికల్ కాశ్మీర్ కు చేసిందేమైనా ఉంటే అక్కడి యువతకు ఉపాధి దూరం చేయడంతో పాటు...ఉపాధి లేమి ఆసరాగా...యువతను ఉగ్రవాదం వైపు మళ్లించేలా వేర్పాటు వాదుల సహకారంతో దాయాది దేశం వారిని ప్రలోభాలకు గురి చేయడానికి ఉపయోగపడింది. భద్రతా చర్యల కోసం శ్రమిస్తున్న భారత జవాన్లపైకి రాళ్లు రువ్వడం ఒక యువతకు ఒక ఆదాయవనరుగా మార్చేందుకు దేశ వ్యతిరేకులు చేసే ప్రయత్నాలు ఫలవంతం కావడానికి దోహదపడింది. ఇప్పుడు ఆర్టికల్ 370 రద్దుతో అటువంటి అరాచక వ్యవహారాలు తెరపడుంది. యువతకు దేశంలోని ఇతర రాష్ట్రాల యువతతో పాటు సమాన హక్కులు దఖలు పడతాయన్న నమ్మకం కుదిరింది. గతం నిశీధి, వర్తమానం హింస, భవిష్యత్తెలా అన్న బెంగ నుంచి కాశ్మీరీలు బయటపడటానికి కేంద్రం తీసుకున్న ఈ నిర్ణయం దోహదపడింది. గతం సంగతి వదిలేస్తే  వర్తమానంలో హింసకు తావులేని కాశ్మీర్ సాక్షాత్కారం అవుతుందన్న నమ్మిక ఏర్పడింది. అంతే కాదు భవిష్యత్ బంగారు బాట అన్న ఆశ కలిగింది. అందుకు తార్కానమే ఆర్టికల్ 370 రద్దు తరువాత రెండు రోజులలోనూ కాశ్మీర్లో ఆంక్షలను పాక్షికంగా ఎత్తివేసే పరిస్థితి వచ్చింది. రద్దు నిర్ణయం వెలువడటానికి ముందు ఆంక్షలు విధిస్తూ తీసుకున్న చర్య ముందు జాగ్రత్త కోసమే తప్ప అక్కడ ప్రజల నుంచి ఈ నిర్ణయానికి వ్యతిరేకంగా ప్రతిఘటన వస్తుందన్న ఆందోళనతో కాదని గతమూడు రోజులుగా జమ్మూ కాశ్మీర్ లో పరిస్థితిని గమనిస్తే.. అవగతమౌతుంది. 

జాతీయ భద్రతా సలహాదారు.. అజిత్ దోవల్ జమ్మూ కాశ్మీర్ లో జనం మధ్య తిరుగుతూ వారితో మమేకమైన దృశ్యాలు రాష్ట్రంలో రోజుల వ్యవధిలోనే మారిన పరిస్థితికి అద్దం పట్టాయి. లెఫ్టినెంట్ గవర్నర్ అధికారులంతా ప్రజల నివాసాలకు వెళ్లి వారి యోగక్షేమాలు కనుక్కోవాలంటూ జారీ చేసిన ఆదేశాలు జమ్మూ కాశ్మీర్ లో పరిస్థితి వేగంగా సాధారణ స్థితికి వస్తున్నదనడానకి తార్కానం. జనం ఏ జరుగుతుందని జనం ఆశిస్తున్నారో...ఏం కావాలని జనం కోరుకుంటున్నారో...అదే చేయబోతున్నామని ప్రధాని మోడీ తన ప్రసంగంలో భరోసా ఇచ్చారు. ఔను మోడీ భరోసాతో జమ్మూ కాశ్మీర్ పునర్వైభవం సంతరించుకునే రోజు ఇంకెంతో దూరంలో లేదన్న విశ్వాసం ప్రజలలో కలిగిందనడానికి సందేహం అవసరం లేదు.

కోవిడ్  వ్యాక్సిన్ వేసుకుంటున్నారా దయచేసి ఆగండి.. మమత

కోవిడ్ వ్యాక్సిన్ వేసుకుంటున్నారా దయచేసి ఆగండి.. మమత

   an hour ago


మంత్రి కేటీఆర్ కు కరోనా పాజిటివ్..!

మంత్రి కేటీఆర్ కు కరోనా పాజిటివ్..!

   3 hours ago


గ‌చ్చిబౌలి టిమ్స్ లో రోజుకి 20 క‌రోనా చావులు.. లెక్క చేయ‌ని హైద‌రాబాదీలు

గ‌చ్చిబౌలి టిమ్స్ లో రోజుకి 20 క‌రోనా చావులు.. లెక్క చేయ‌ని హైద‌రాబాదీలు

   2 hours ago


ఇద్ద‌రూ ఇద్ద‌రే స‌రిపోయారు

ఇద్ద‌రూ ఇద్ద‌రే స‌రిపోయారు

   4 hours ago


క‌రోనా పేషెంట్ల‌కి సంజీవ‌ని విశాఖ ఉక్కు.. ఊపిరిపోసే ఉక్కును అమ్మేస్తారా

క‌రోనా పేషెంట్ల‌కి సంజీవ‌ని విశాఖ ఉక్కు.. ఊపిరిపోసే ఉక్కును అమ్మేస్తారా

   4 hours ago


క‌రోనా హాట్ స్పాట్ గా శ్రీకాకుళం.. కార‌ణం తెలుసా

క‌రోనా హాట్ స్పాట్ గా శ్రీకాకుళం.. కార‌ణం తెలుసా

   5 hours ago


 సీఎం జగన్ ను లేఖలతో టార్గెట్ చేసిన అచ్చెన్న, సోము వీర్రాజు

సీఎం జగన్ ను లేఖలతో టార్గెట్ చేసిన అచ్చెన్న, సోము వీర్రాజు

   21 hours ago


ఖాళీ అవుతున్న హైదరాబాద్.. పాపం వలస కూలీలు..!

ఖాళీ అవుతున్న హైదరాబాద్.. పాపం వలస కూలీలు..!

   22-04-2021


నిరాహార దీక్ష‌ల‌పై షర్మిల‌క్క‌య్య నిర్ణ‌యం

నిరాహార దీక్ష‌ల‌పై షర్మిల‌క్క‌య్య నిర్ణ‌యం

   22-04-2021


మ‌న గుంటూరులోనే.. జాగ్ర‌త్త ప‌డ‌దామా వ‌ద్దా.. అంతా మ‌నిష్టం

మ‌న గుంటూరులోనే.. జాగ్ర‌త్త ప‌డ‌దామా వ‌ద్దా.. అంతా మ‌నిష్టం

   22-04-2021


ఇంకా

NewsSting Team


      040 23600300

newsting
Daily Updates
facebooktwitterGooglewhatsappwhatsappGoogle