newssting
BITING NEWS :
*ఘనంగా మాజీ ప్రధాని రాజీవ్‌గాంధీ జయంతి* కర్నాటక సీఎం యడియూరప్ప కేబినెట్ విస్తరణ..17మందికి ఛాన్స్ *పంచాయతీరాజ్‌లో మరో రూ.300 కోట్ల పనులు రద్దు*పోలవరం రీ టెండరింగ్ పై హైకోర్టులో నవయుగ పిటిషన్ * కృష్ణా నదీ వరద ప్రాంతాల్లో చంద్రబాబు పర్యటన* చంద్రుని కక్ష్యలోకి చంద్రయాన్‌-2*రాజస్థాన్ నుంచి రాజ్యసభకు ఏకగ్రీవంగా ఎన్నికైన మాజీ ప్రధాని మన్మోహన్ సింగ్ *అరుణ్ జైట్లీ ఆరోగ్యం విషమం.. వెంటిలేటర్ పై చికిత్స *పన్ను సంస్కరణలపై ఆర్థికమంత్రి నిర్మలా సీతారామన్ కి టాస్క్‌ఫోర్స్‌ నివేదిక

ఆ మూడుసీట్లు కాంగ్రెస్‌కి అందనిద్రాక్షేనా?

19-05-201919-05-2019 09:07:49 IST
Updated On 27-06-2019 15:16:25 ISTUpdated On 27-06-20192019-05-19T03:37:49.467Z19-05-2019 2019-05-19T03:37:45.339Z - 2019-06-27T09:46:25.563Z - 27-06-2019

ఆ  మూడుసీట్లు కాంగ్రెస్‌కి అందనిద్రాక్షేనా?
facebooktwitterGooglewhatsappwhatsappGoogle
125 సంవ‌త్స‌రాల చ‌రిత్ర ఉన్న కాంగ్రెస్ పార్టీకి ఆ మూడు సీట్లు ప్రతిష్టాత్మకంగా మారాయ‌ట‌. గ‌త ఐదు ద‌ఫాలుగా జ‌రిగిన సార్వ‌త్రిక ఎన్నిక‌ల్లో ఆ మూడు సీట్లలో కాంగ్రెస్ పార్టీ గెల‌వ‌లేదు స‌రిక‌దా, కొన్నిసార్లు డిపాజిట్ కూడా కోల్పోయింద‌ట‌. ఎలాగైనా, ఎవ‌రితో పొత్తు లేకుండా గెల‌వాల‌ని ఆ పార్టీ తెగ‌తాప‌త్ర‌య ప‌డుతోంది. 

ఈ ఎన్నిక‌ల్లో సాధ్యం కాక‌పోయినా, వ‌చ్చే ఎన్నిక‌ల్లో అయినా గెలవాల‌ని ఉవ్విళ్లూరుతోంద‌ట‌. ఆమూడు సీట్లలో ఒక‌టి కేర‌ళ‌లోని పొన్నానీ పార్ల‌మెంట్ నియోజ‌క‌వ‌ర్గం. 1951లో దేశంలో జ‌రిగిన మొదటి సార్వ‌త్రిక‌ ఎన్నికల్లో కేరళలోని పొన్నానీ లోక్‌సభ స్థానానికి ఎన్నిక జరిగింది. ఆ ఎన్నికల్లో కిసాన్‌మజ్దూర్‌ ప్రజా పార్టీ చేతిలో కాంగ్రెస్ పార్టీ ఓడిపోయింది. 

ఇక 1957లో పొన్నానీ లోక్‌సభ స్థానానికి ఎన్నికలు జరిగనట్టుగా రికార్డులు లేవు. ఈసీ కూడా తన అధికారిక రికార్డుల్లో కానీ, వెబ్‌సైట్‌లో కానీ ఎక్కడా పేర్కొనలేదు. ఆ తర్వాత 1962, 1967, 1972లో జరిగిన ఎన్నికల్లో పొన్నానీ నుంచి సీపీఐ(ఎం) హ్యాట్రిక్‌ విజయం సాధించింది. ఆ తర్వాత నుంచీ ఇండియన్‌ యూనియన్‌ ముస్లిం లీగ్‌తో కాంగ్రెస్‌ పార్టీ పొత్తు పెట్టుకుంది. అప్పటి నుంచి పొన్నానీ ఎంపీ సీటులో కాంగ్రెస్ పార్టీ త‌న అభ్య‌ర్థిని నిలబెట్టలేదు. 

దీంతో 1977 నుంచీ 2014 ఎన్నిక‌ల దాకా ఈ సీటులో ఇండియన్‌ యూనియన్‌ ముస్లిం లీగ్ గెలుస్తూనే ఉంది. అంటే 11 ఆ పార్టీ కాంగ్రెస్ పార్టీతో పొత్తు పెట్టుకుని గెలిచిన‌ట్లు అయింది. ప్ర‌తిసారీ పొత్తు పెట్టుకోవ‌డం, ఐయూఎంఎల్ అభ్య‌ర్థిని బ‌ల‌ప‌ర్చ‌డం మిన‌హా, ఒంట‌రిగా పోటీ చేసే స‌త్తా కాంగ్రెస్ పార్టీకి లేకుండా పోయింది. ఆ విధంగా కాంగ్రెస్ పార్టీకి పొన్నానీ ఎంపీ సీటు మీద బెంగ పెట్టుకుంద‌ట‌. 

ఇక ఒడిషాలోని కేంద్ర‌పారా పార్ల‌మెంట్ సీటులో కూడా ఇదే త‌ర‌హాలో ఉంది.  ఈ సీటులో కూడా 1951 ఎన్నిక‌ల్లో గెలిచిన కాంగ్రెస్ పార్టీ, మ‌ళ్లీ ఇప్ప‌టి దాకా గెలవ‌లేదు. ప్ర‌తిసారీ అభ్య‌ర్థిని బ‌రిలో దింప‌డం, ఓట‌మి మూట‌గ‌ట్టుకోవ‌డం కాంగ్రెస్ పార్టీకి సాధార‌ణ‌మై పోయింది. ఈ ఎన్నిక‌ల్లో కూడా ఆ పార్టీ అభ్య‌ర్థి బ‌రిలో ఉన్నారు. 

ఈసారి ల‌క్ ఎలా ఉంటుందో అన్న భ‌యం కాంగ్రెస్ పెద్ద‌ల‌ను వెంటాడుతోంది. ఇక ప‌శ్చిమ బెంగాల్లోని హుగ్లీ ఎంపీ సీటు కూడా కాంగ్రెస్ పార్టీని అంద‌ని ద్రాక్ష‌గా మారిందిట‌.

1952 నుంచీ హుగ్లీ ఎంపీ సీటుకు జ‌రిగిన ఎన్నిక‌ల్లో కేవ‌లం 1984లో మాత్ర‌మే కాంగ్రెస్ పార్టీ గెలిచింది. ఆ త‌ర్వాత, అంత‌కు ముందు కాంగ్రెస్ పార్టీకి హుగ్లీ సీటులో చోటు ద‌క్క‌లేదు. ఈ ఎన్నిక‌ల్లో కూడా ప‌రిస్థితి ఎలా ఉంటుందో అన్న భ‌యం కాంగ్రెస్ నేత‌ల‌ను వెంటాడుతోందట‌.


Newssting Desk


 newssting@rightfolio.in
      040 23600300

newsting
Daily Updates
facebooktwitterGooglewhatsappwhatsappGoogle