newssting
BITING NEWS :
*అవినీతి నిర్మూలనకు ఐఐఎంతో ఏపీ ప్రభుత్వం ఒప్పందం *నా వల్ల.. వంశీ వల్ల జూనియర్ ఎన్టీఆర్ పార్టీకి దూరమయ్యారంటూ టీడీపీ అడ్డగోలు కామెంట్లు - మంత్రి కొడాలి నాని *సీఎం జగన్ను డిక్లరేషన్ అడిగే హక్కు చంద్రబాబుకు ఎక్కడిది..?-మంత్రి నాని *ఆర్టీసీ, రవాణాశాఖాదికారులతో సీఎం కేసీఆర్ భేటీ*శ్రీశైలం డ్యామ్‌కు ఎలాంటి ప్రమాదం లేదంటున్న డ్యామ్ సేఫ్టీ అధికారులు *తూ.గో: ముమ్మడివరం మండలం కొమనాపల్లిలో వైఎస్సార్ మత్స్యకార భరోసా పథకాన్ని ప్రారంభించిన సీఎం వైఎస్ జగన్*విజయవాడ: స్టెల్లా కాలేజీలో 30 మంది విద్యార్థులకు అస్వస్థత*2021 అసెంబ్లీ ఎన్నికలు అద్భుతాలు ఖాయం-రజనీకాంత్

ఆప్‌ని ఇరుకునపెడుతున్న రాహుల్ కామెంట్స్

14-05-201914-05-2019 07:43:53 IST
Updated On 28-06-2019 12:38:11 ISTUpdated On 28-06-20192019-05-14T02:13:53.357Z14-05-2019 2019-05-14T02:10:01.978Z - 2019-06-28T07:08:11.267Z - 28-06-2019

ఆప్‌ని ఇరుకునపెడుతున్న రాహుల్ కామెంట్స్
facebooktwitterGooglewhatsappwhatsappGoogle
కాంగ్రెస్ పార్టీ జాతీయ అధ్య‌క్షుడు రాహుల్ గాంధీ తెల్సి మాట్లాడుతున్నారో, తెలియ‌క మాట్లాడుతున్నారో త‌మ‌కు అర్థం కావ‌డం లేద‌ని ఢిల్లీ కాంగ్రెస్ నేత‌లు వాపోతున్నార‌ట‌. 2014 ఎన్నిక‌ల్లో బీజేపీ గెల‌వ‌డానికి ఆమ్ ఆద్మీ పార్టీనే కార‌ణం అంటూ రాహుల్ గాంధీ ఢిల్లీ ఎన్నిక‌ల ప్రచార స‌భ‌లో కామెంట్ చేశారు. 

యూపీఏ కుంభ‌కోణాల మీద స‌మాధానం చెప్పలేని ప‌రిస్థితిలో ఉన్న కాంగ్రెస్ పార్టీ, ఆ నెపాన్ని ఆప్ మీద నెట్టేసింద‌నేది కాంగ్రెస్ శ్రేణుల భావ‌న‌. ఈ ఎన్నిక‌ల్లో కూడా కాంగ్రెస్ పార్టీనే బీజేపీని ఓడిస్తుంద‌ని రాహుల్ అన‌డం కూడా విచిత్రంగా ఉంద‌నేది ఆ పార్టీ నేత‌లు అంటున్నారట‌. గెలిచే స‌త్తా ఉన్నప్పుడు ఆమ్ ఆద్మీ పార్టీతో పొత్తుకు ఎందుకు ప్రయ‌త్నించార‌న్న ఆప్ నేత‌ల ఆరోప‌ణ‌ల‌కు స‌మాధానం ఎలా చెప్పాలో ఢిల్లీ కాంగ్రెస్ నేత‌ల‌కు అర్థం కావ‌డం లేద‌ట‌. 

ఇంత‌క‌న్నా మ‌రో విష‌యం కూడా ఢిల్లీ కాంగ్రెస్ నేత‌ల‌ను వెంటాడుతోంది. గ‌తంలో త‌మ పార్టీ చాలా త‌ప్పులు చేసిందంటూ రాహుల్ గాంధీ ఢిల్లీ ప్ర‌చార స‌భ‌లో చెప్పుకొచ్చారు. అంతేకాదు, త‌మ పార్టీ ఉద్దేశం ఎప్పుడూ మంచిగానే ఉంటుంద‌నీ, జ‌నం అర్ధం చేసుకోవ‌డంలోనే కొంచెం ఇబ్బందిగా మారింద‌న్నారు రాహుల్. ఇదే ఇప్పుడు ఢిల్లీ కాంగ్రెస్ నేత‌ల‌కు త‌ల‌కొట్టేసిన‌ట్లు అయింద‌ట‌. ఏకంగా పార్టీ జాతీయ అధ్య‌క్షుడు తాము గ‌తంలో త‌ప్పులు చేశామ‌ని ఒప్పుకోవ‌డం ఏంట‌ని వాపోతున్నారు. 

అంతేకాదు, జ‌నం అర్థం చేసుకోవ‌డంలో ఇబ్బంది అంటే, తాము జ‌నానికి స‌రిగ్గా అర్థం అయ్యేలా ప్రచారం చేయ‌డం లేద‌ని భావించాలా, పార్టీ పెద్దల తీరు స‌రిగ్గా లేద‌ని భావించాలా అన్నదే కాంగ్రెస్ కార్యక‌ర్తల‌కు మిలియ‌న్ డాల‌ర్ల ప్రశ్నగా మారింద‌ట‌. మ‌రో విష‌యం ఏంటంటే, చౌకీ దార్ చోర్ హై అన్న నినాదం ఆమ్ ఆద్మీ పార్టీ ఆఫీసులో వినిపించ‌ద‌నీ రాహుల్ గాంధీ చెప్పారు. 

ఇది కూడా కాంగ్రెస్ పార్టీ నేత‌ల‌కు ఇబ్బందిగా మారింద‌ట‌. చౌకీ దార్ చోర్ హై అంటూ ప్రచారం చేసిన రాహుల్ గాంధీ, ఆ త‌ర్వాత సుప్రీం కోర్టులో చివాట్లు తిన‌డం, క్షమించ‌ని వేడుకోవ‌డం జ‌నానికి బాగా తెలుసుననీ, అలాంట‌ప్పుడు ఆమ్ ఆద్మీ పార్టీ ఆఫీసులో ఆ నినాదం వినిపించద‌ని రాహుల్ అన‌డం ఏంట‌ని ప్రశ్నిస్తున్నారు. అంటే త‌న మాదిరిగానే కేజ్రీవాల్ కూడా సుప్రీం కోర్టు క్షమాప‌ణ చెప్పాల‌న్నది రాహుల్ గాంధీ ఉద్దేశంగా భావించాలా అని కాంగ్రెస్ నేత‌ల‌ను ఎదురు ప్రశ్నిస్తున్నారు. 

ఈ రెండు కామెంట్ల మీద ఆప్ నేత‌లు జోకులు పేలుస్తుండ‌టం, త‌మ‌కు ప్రచారంలో ఇబ్బందిగా మారింద‌ని వాపోతున్నారు. ఇక ఎన్నిక‌ల స‌మ‌యంలో పొత్తుల కోసం ప్రాంతీయ పార్టీలు ఆశ‌ప‌డ‌టం సాధార‌ణ విష‌య‌మే.

ఇదే త‌ర‌హాలో ఢిల్లీలో ఆమ్ ఆద్మీ పార్టీతో పొత్తు కోసం ఉవ్విళ్లూరింది రాహుల్ గాంధీ. అయితే ఢిల్లీతో పాటు హ‌ర్యానా, పంజాబ్ రాష్ట్రాల్లో కూడా పొత్తు కావాల‌ని కేజ్రీవాల్ కోర‌డంతో వెన‌క్కి త‌గ్గింది కూడా రాహుల్ గాంధీనే. 

ఇది అంద‌రికీ తెల్సిన రాజ‌కీయ‌మే. ఢిల్లీలో కాంగ్రెస్, ఆప్ మ‌ధ్య పొత్తు ఉంటే, బీజేపీ ఇబ్బంది ప‌డ‌టం ఖాయం. కానీ అలా జ‌ర‌గ‌క పోవ‌డంతో ఇప్పుడు త్రిముఖ పోరులో బీజేపీకి అడ్వాంటేజ్ అయింది. ఇక పంజాబ్, హ‌ర్యానాలో కేజ్రీవాల్ పొత్తు కోర‌డంలో ఏమాత్రం తప్పు కాదు. అవ‌కాశాన్ని అంది పుచ్చుకోవాల‌న్నదే ఆయ‌న ఉద్దేశం. 

ఒక‌వేళ అలా జ‌రిగితే రెండు పార్టీల‌కూ లబ్ది చేకూరేదేమో. ఇదేమీ ఆలోచించ‌ని రాహుల్ గాంధీ, ఢిల్లీలో కాకుండా మిగతా రాష్ట్రాల్లో ఆమ్ ఆద్మీ పార్టీ పొత్తు కావాలంటూ యూట‌ర్న్ తీసుకుంద‌ని కామెంట్ చేయ‌డం కామెడీగా ఉంద‌నేది ఆ పార్టీ నేత‌లు అభిప్రాయప‌డుతున్నారట‌.

అంతేకాదు, న‌రేంద్ర మోడీ మ‌రోసారి ప్ర‌ధాని అయితే, అందుకు రాహుల్ గాంధీనే కార‌ణ‌మ‌న్న అర‌వింద్ కేజ్రీవాల్ కామెంట్ వెనుక రాహుల్ గాంధీ తొంద‌ర‌పాటు ప్ర‌క‌ట‌న‌లే కార‌ణ‌మంటూ ఢిల్లీ కాంగ్రెస్ నేత‌లు ఇప్పుడు ఫీల‌వుతున్నార‌ట‌.


Newssting Desk


 newssting@rightfolio.in
      040 23600300

newsting
Daily Updates
facebooktwitterGooglewhatsappwhatsappGoogle