అయ్యో రామా... అంత మాట అనేశారేంటి?

For Audio

06-05-201906-05-2019 14:56:33 IST
Updated On 01-07-2019 15:00:51 ISTUpdated On 01-07-20192019-05-06T09:26:33.425Z06-05-2019 2019-05-06T09:26:21.439Z - 2019-07-01T09:30:51.954Z - 01-07-2019

ఈసారి మళ్ళీ మోడీనే అని బీజేపీ నేతలు ఢంకా కొట్టి మరీ చెబుతున్నారు. మోడీ నోట కూడా అదే మాట వినిపిస్తోంది. కానీ కొంతమంది బీజేపీనేతలు వాస్తవంలోకి వచ్చి మాట్లాడుతున్నారు. మరో పదిహేనురోజుల్లో సార్వత్రిక ఎన్నికలు ముగియనున్నాయి. ఈనెల 19వ తేదీన ఎగ్జిట్ పోల్స్ విడుదల కానున్నాయి. ఈ నేపథ్యంలో జాతీయ ప్రధాన కార్యదర్శి రాంమాధవ్ చేసిన తాజా వ్యాఖ్యలు ఆ పార్టీనేతలకే మైండ్ బ్లాంక్ అయ్యేలా చేస్తున్నాయి. ప్రస్తుతం జరుగుతున్న సార్వత్రిక ఎన్నికల్లో బీజేపీకి సంపూర్ణమైన మెజార్టీ వచ్చే అవకాశాలు తక్కువగా ఉన్నాయని రాంమాధవ్ వ్యాఖ్యానించారు. 

బీజేపీ క్లీన్ మెజార్టీకి కాస్త వెనుకబడే అవకాశం ఉందని.. అయితే ఎన్టీఏ మిత్ర పక్షాలతో కలసి ప్రభుత్వాన్ని ఏర్పాటు చేస్తామనే ధీమాను ఆయన వ్యక్తం చేశారు. సొంతంగా 271 సీట్లు గెలుచుకోవడం కష్టమే.. కాని గెలిస్తే అంతకంటే ఆనందం లేదని ఆయన అన్నారు. ఒక జాతీయ ఛానెల్ ఇంటర్వ్యూలో రాంమాధవ్ ఈ వ్యాఖ్యలు చేశారు. తాము కొన్ని ప్రాంతీయపార్టీలతో టచ్ లేమని చెబుతున్నారు.

అయితే అదంతా బయటకు చెప్పలేమని, మా వ్యూహాలు మాకుంటాయంటున్నారు రాంమాధవ్. తెలుగురాష్ట్రాల్లో వైసీపీ, టీఆర్ఎస్ పార్టీల విషయం చెప్పకనే చెబుతున్నారు. బీజేపీతో కలిసి పనిచేద్దామని వచ్చే పార్టీలకు తమ తలుపులు ఎప్పుడూ తెరిచే వుంటాయంటున్నారు రాం మాధవ్. అంటే బీజేపీకి ఈసారి మెజారిటీ బాగా తగ్గబోతోందని అర్థం చేసుకోవచ్చు. రాంమాధవ్ చెబుతున్నట్టు దక్షిణాదిన బీజేపీకి బాగా బలం తగ్గనుంది. కానీ బీజేపీతో స్వతహాగా కలిసి వచ్చే మిత్రపక్షాలు తక్కువే. దీనిని బట్టి చూస్తే కొత్త అనుబంధాల కోసం కమలం నేతలు తమవంతు ప్రయత్నాలు చేస్తున్నట్టు అర్థం అవుతోంది.