newssting
BITING NEWS :
* అధికారిక లాంఛనాలతో అరుణ్ జైట్లీ అంత్యక్రియలు పూర్తి* తెలుగు తేజం పీవీ సింధు సరికొత్త చరిత్ర*ప్రపంచ బ్యాడ్మింటన్ ఫైనల్‌లో ఒకుహరాతో తలపడి విజయం సాధించిన పీవీ సింధు* పీవీ సింధుకు మోదీ,జగన్‌,కేసీఆర్‌, చంద్రబాబు, పవన్ అభినందనలు*పీవీ సింధు, ప్రణీత్‌కు రివార్డులు* రైలు పట్టాలపై సెల్ఫీకి రూ.2 వేల జరిమానా*అమెరికాలో కాల్పుల కలకలం..బాలిక దుర్మరణం *ఫ్రాన్స్‌లో నేడు జి-7 దేశాల సదస్సు… హాజరైన భారత ప్రధాని మోడీ *ఏపీలో మూడు ప్రత్యేక కార్పొరేషన్లు ఏర్పాటు..మాల, మాదిగ, రెల్లి కులాలకు ప్రత్యేక కార్పొరేషన్లు *ఆంధ్రప్రదేశ్‌ రాజధాని అమరావతి నిర్మాణంపై వ్యాఖ్యలకు కట్టుబడి ఉన్నా: మంత్రి బొత్స

అయోధ్యకు ఉద్ధవ్.. టూర్ వెనుక ప్లానేంటి?

15-06-201915-06-2019 09:05:00 IST
Updated On 22-06-2019 12:59:32 ISTUpdated On 22-06-20192019-06-15T03:35:00.821Z15-06-2019 2019-06-15T03:34:43.636Z - 2019-06-22T07:29:32.844Z - 22-06-2019

అయోధ్యకు ఉద్ధవ్.. టూర్ వెనుక ప్లానేంటి?
facebooktwitterGooglewhatsappwhatsappGoogle
శివ‌సేన చీఫ్ ఉద్ద‌వ్ థాక్రే అయోధ్య అంశాన్ని ఎప్పుడు వీలు కుదిరితే అప్పుడు అవ‌కాశంగా తీసుకుంటున్నారు. మొన్న‌టి పార్ల‌మెంట్ ఎన్నిక‌ల‌కు ముందు న‌వంబ‌రులో పార్టీ నేత‌ల‌తో అయోధ్య వెళ్లి రాంలాలాను ద‌ర్శించుకున్న ఉద్ద‌వ్ థాక్రే, ఆదివారం మ‌రోసారి అయోధ్య వెళ్తున్నారు.

ఈ నెల 15వ తేదీన తాను అయోధ్య రాముడిని ద‌ర్శించుకోడానికి వ‌స్తున్న‌ట్లు ఉత్త‌ర‌ప్ర‌దేశ్ ముఖ్య‌మంత్రి యోగి ఆదిత్య‌నాథ్ కార్యాల‌యానికి సందేశం పంపారు ఉద్ద‌వ్ థాక్రే. 

యూపీ సీఎం కార్యాల‌యం నుంచి కూడా క్లియ‌రెన్స్ రావ‌డంతో ఆయ‌న అయోధ్యకు వెళ్తున్నారు. త‌న‌తో పాటు మొన్న‌టి ఎన్నిక‌ల్లో గెలిచిన 18 మంది ఎంపీల‌ను కూడా ఆయ‌న త‌న వెంట తీసుకెళ్తున్నారు. సోమ‌వారం నుంచి ప్రారంభ‌మయ్యే పార్లమెంట్ స‌మావేశాల‌కు ముందు తాను అయోధ్య సంద‌ర్శిస్తాన‌ని గ‌తంలోనే చెప్పిన థాక్రే, రామాల‌య నిర్మాణం మీద తాము ఏమాత్రం వెన‌క్కి త‌గ్గేది లేద‌ని తేల్చిచెప్పారు. 

చ‌ర్చ‌ల ద్వారా అయోధ్య అంశాన్ని ప‌రిష్క‌రించుకోవాల‌న్న సుప్రీం కోర్టు సూచ‌నను కూడా ఆయ‌న స్వాగ‌తించారు. ముస్లిం పెద్ద‌ల‌తో మాట్లాడి అయోధ్య‌లో రామాలయం నిర్మాణం జ‌రిగేలా చూడాల‌ని ప్ర‌ధాని న‌రేంద్ర మోడీని డిమాండ్ చేస్తున్నారు ఉద్ద‌వ్ థాక్రే. రామాల‌య నిర్మాణం మీద వెనక్కి త‌గ్గింద‌న్న అప‌వాదును బీజేపీ తొల‌గించుకోవాల‌నీ, కేంద్రంలో, యూపీలో బీజేపీ అధికారంలో ఉంద‌న్న విష‌యాన్ని ఆ పార్టీ గుర్తుంచుకుని నిర్ణ‌యం తీసుకోవాల‌ని అంటున్నారు ఉద్ద‌వ్ థాక్రే. 

ఇక త‌న అయోధ్య యాత్రకు రాజ‌కీయ రంగు వేయాల్సిన  ప‌ని లేద‌ని కూడా థాక్రే స్ప‌ష్టం చేస్తున్నారు. పార్ల‌మెంట్ ఎన్నిక‌ల్లో విజ‌యానికి రాంలాలా దీవెన‌లే కార‌ణంగా చెబ‌తున్నారు. మ‌రోవైపు ఇప్పుటికే శివ‌సేన ఎంపీలు అయోధ్య చేరుకున్నార‌ట‌. త‌మ నేత‌ల‌కు అన్ని యూపీ ప్ర‌భుత్వం సౌక‌ర్యాలు క‌ల్పించింద‌నీ చెబుతున్నారు యూపీ శివ‌సేన అధ్య‌క్షుడు అనిల్ సింగ్.

త‌న ప‌ర్యట‌న‌లో భాగంగా అయోధ్యలో సాధు సంతువుల‌తో ఉద్ద‌వ్ థాక్రే చ‌ర్చ‌లు జ‌రుపుతార‌నీ, రామాల‌య నిర్మాణం మీద తీసుకోవాల్సిన తదుప‌రి చ‌ర్య‌ల మీద సూచ‌న‌లు తీసుకుంటార‌ని అనీల్ సింగ్ చెబుతున్నారు. 

అటు ఉద్ద‌వ్ థాక్రే ప‌ర్య‌ట‌న‌తో త‌మ‌కు ఎలాంటి సంబంధం లేద‌ని బీజేపీ యూపీ విభాగం స్ప‌ష్టం చేస్తోంది. అయోధ్య రాంలాలాను ఎవ‌రైనా ద‌ర్శించుకోవ‌చ్చ‌నీ, ఇందులో ఎలాంటి రాజ‌కీయ కోణం లేద‌ని చెబుతోంది. మ‌ధ్య‌వ‌ర్తిత్వం ద్వారా అయోధ్య అంశాన్ని ప‌రిష్క‌రించాల‌న్న ఉద్ద‌వ్ థాక్రే సూచ‌న‌ను తాము ప‌రిశీలిస్తామ‌నీ, అయితే త‌మ పార్టీ అధిష్టానం ఏ నిర్ణ‌యం తీసుకున్నా, అది రాజ్యాంగానికి లోబ‌డే ఉంటుంద‌నీ ఉత్త‌ర‌ప్ర‌దేశ్ బీజేపీ నేత‌లు తేల్చిచెబుతున్నారు.


G. Sathyanarayana Raju


గొట్టుముక్కల సత్యనారాయణరాజుకు జర్నలిజంలో 21 సంవత్సరాలకు పైగా అనుభవం ఉంది. ప్రముఖ దినపత్రికలు, మేగజైన్లు, న్యూస్ ఛానెళ్ళలో వివిధ హోదాల్లో బాధ్యతలు నిర్వర్తించారు. డిజిటల్ మీడియాలో ప్రవేశించి... నాలుగేళ్ళనుంచి వివిధ వెబ్‌సైట్లలో పనిచేశారు. ప్రస్తుతం న్యూస్‌స్టింగ్‌.ఇన్ లో కంటెంట్ హెడ్‌గా పనిచేస్తున్నారు. ఫీచర్ రైటింగ్, ప్రత్యేక కథనాలు, కరెంట్ అఫైర్స్, ఎన్నికల కథనాలు, రాజకీయ కథనాల విశ్లేషణలో మంచి ప్రావీణ్యం ఉంది.
 gsnraju@rightfolio.in
      040 23600300

newsting
Daily Updates
facebooktwitterGooglewhatsappwhatsappGoogle