newssting
BITING NEWS :
*నేడు సిద్ధిపేట జిల్లాలో కలెక్టర్లతో సీఎం కేసీఆర్‌ క్షేత్ర పర్యటన*నేడు ఢిల్లీకి దేవేందర్‌గౌడ్‌*గుంటూరు ప్రాంతంలో చంద్రబాబు పర్యటన*నేడు సనత్‌నగర్‌లో కేంద్ర మంత్రి సంతోష్‌ గంగ్వార్‌ పర్యటన *కర్ణాటక బీజేపీ నూతన అధ్యక్షుడిగా నళినీకుమార్ కటీల్*హైకోర్టు నిర్ణయాన్ని సవాల్ చేస్తూ సుప్రీంలో చిదంబరం పిటిషన్

అన్నాడీఎంకె కొత్త టెన్షన్

10-06-201910-06-2019 09:07:56 IST
Updated On 24-06-2019 12:59:40 ISTUpdated On 24-06-20192019-06-10T03:37:56.560Z10-06-2019 2019-06-10T03:36:49.289Z - 2019-06-24T07:29:40.211Z - 24-06-2019

అన్నాడీఎంకె కొత్త టెన్షన్
facebooktwitterGooglewhatsappwhatsappGoogle
మొన్న‌టి పార్ల‌మెంట్ ఎన్నిక‌లు త‌మిళనాడు అధికార పార్టీలో చిచ్చు పెట్టాయ‌ట‌. మొత్తం 38 ఎంపీ సీట్లున్న త‌మిళ‌నాడులో మొన్న‌టి ఎన్నిక‌ల్లో భారీగా న‌గ‌దు ప‌ట్టుప‌ట‌డంతో వెల్లూరు ఎంపీ సీటులో పోలింగ్ ర‌ద్దు అయింది. పుదుచ్చేరి సీటులో పాటు మిగిలిన స్థానాల్లో జ‌రిగిన ఎన్నిక‌ల్లో 37 సీట్లు డీఎంకే నేతృత్వంలోని యూపీఏ గెల్చుకుంటే, కేవ‌లం ఒక్క‌సీటులోనే అన్నాడీఎంకే గెల్చుకుంది. అది కూడా థేని సీటు నుంచి పోటీ చేసిన ప‌న్నీర్ సెల్వం కుమారుడు ర‌వీంద్ర‌నాథ్ కుమార్ మాత్ర‌మే గెలిచాడు. 

ఇక 22 అసెంబ్లీ సీట్ల‌కు జ‌రిగిన ఉప ఎన్నికల్లో అన్నాడీఎంకే కేవ‌లం 9 సీట్ల‌లోనే గెలిచింది. ఈ దారుణ ఓట‌మితో ఇప్పుడు త‌మిళ‌నాడు సీఎం ప‌ళ‌నిస్వామి, డిప్యూటీ సీఎం ప‌న్నీర్ సెల్వం వ‌ర్గాల మ‌ధ్య వివాదం మొద‌లైంద‌ట‌. ఒక పార్టీ మీద ఇద్ద‌రు నేత‌ల పెత్త‌నం ఉండ‌ట‌మే ఓట‌మికి కార‌ణ‌మంటూ పార్టీ నేత‌లు వీరిద్ద‌రినీ దుమ్మెత్తి పోస్తున్నారు.

పార్టీ మీద ఒక‌రి క‌మాండ్ మాత్ర‌మే ఉండాల‌నీ, ఎవ‌రికి వారు త‌మ వ‌ర్గాల‌ను పెంచుకునే ప్ర‌య‌త్నంలో పార్టీని నాశ‌నం చేస్తున్నారంటూ చాలా మంది నేత‌లు బ‌హిరంగంగానే ప‌ళ‌నిస్వామి, ప‌న్నీర్ సెల్వం మీద మండిప‌డుతున్నార‌ట‌. పార్టీ ప‌రిస్థితి అర్థం చేసుకున్న చాలా మంది నేత‌లు, కార్య‌క‌ర్త‌లు దిన‌క‌ర‌న్ పార్టీ అమ్మ మ‌క్క‌ళ్ మున్నేట్ర క‌గ‌జంలోకి జంప్ చేస్తున్నార‌ట‌. 

దీంతో జిల్లాల్లో భారీగా క్యాడ‌ర్ కోల్పోతున్న అన్నాడీఎంకే, దిద్దుబాటు చ‌ర్య‌ల మీద దృష్టి సారించాల‌ని నిర్ణ‌యించిన‌ట్లు వార్తలు వ‌స్తున్నాయి. పార్టీలో ఒర‌కి ఆదేశ‌మే అమ‌లు కావాల‌నీ, ఈ విష‌యం మీద చ‌ర్చించాలంటూ ప‌ళ‌నిస్వామి, ప‌న్నీర్ సెల్వం నిర్ణ‌యించుకున్న‌ట్లు తెలుస్తోంది.

2021లో త‌మిళ‌నాడు అసెంబ్లీకి ఎన్నిక‌లు జ‌ర‌గ‌నుండ‌టంతో, ఇప్ప‌టి నుంచే పార్టీని గాడిలో పెట్టాల‌నీ, అలా చేయ‌క‌పోతే అధికారంతో పాటు అన్ని విధానా ఇబ్బందులు ప‌డ‌తామ‌న్న నిర్ణ‌యానికి ప‌ళ‌నిస్వామి, ప‌న్నీర్ సెల్వం వ‌చ్చిన‌ట్లు త‌మిళ మీడియా క‌థ‌నాలు ప్ర‌చురిస్తోంది. మ‌రోవైపు 2021లో జ‌రిగే ఎన్నిక‌ల్లో కూడా త‌మ పార్టీ విజ‌యం సాధించి అధికారం నిల‌బెట్టుకుంటుంద‌ని ప‌ళ‌నిస్వామి, ప‌న్నీర్ సెల్వం వ‌ర్గాలు ధీమా వ్య‌క్తం చేస్తున్నాయి.

 


Newssting Desk


 newssting@rightfolio.in
      040 23600300

newsting
Daily Updates
facebooktwitterGooglewhatsappwhatsappGoogle