newssting
Radio
BITING NEWS :
ఈరోజు ప్రపంచ బాల కార్మిక వ్యవస్థ వ్యతిరేక దినోత్సవం * కేంద్ర మంత్రివర్గంలో పునర్వ్యవస్థీకరణ గురించి పలు ఊహాగానాల మధ్య ప్రధాని నరేంద్ర మోడీ శుక్రవారం హోంమంత్రి అమిత్ షా, బీజేపీ అధ్యక్షుడు జె పి నడ్డాతో చర్చలు జరిపారు * బెంగాల్, తమిళనాడులలో ఇటీవల సాధించిన విజయాలతో పోల్ స్ట్రాటజిస్ట్ ప్రశాంత్ కిషోర్ ముంబైలో భోజనం కోసం మహారాష్ట్ర రాజకీయ నాయకుడు శరద్ పవార్‌తో సమావేశమయ్యారు * దేశంలో కరోనా కేసులు తగ్గుముఖం పడుతున్నాయి. తాజాగా గడిచిన 24 గంటల్లో కొత్తగా 84,332 కరోనా కేసులు నమోదైనట్లు కేంద్ర వైద్య ఆరోగ్య శాఖ హెల్త్‌ బులెటిన్‌ విడుదల చేసింది * దేశ వ్యాప్తంగా కరోనా పాజిటివ్ కేసుల సంఖ్య 2,93,59,155కి చేరింది. గత 24 గంటల్లో కరోనా బారినపడి 4002 మంది మరణించారు * కష్టపడి పండించిన పంటను అమ్ముకునేందుకు అన్నదాతలు అనేక ఇబ్బందులు పడుతున్నా సీఎం కేసీఆర్‌ పట్టించుకోవట్లేదని దివంగత ముఖ్యమంత్రి వై.ఎస్‌. రాజశేఖరరెడ్డి తనయ వైఎస్‌ షర్మిల విమర్శించారు * రాష్ట్రంలో బాల కార్మిక వ్యవస్థ నిర్మూలనకు ప్రభుత్వం, పోలీసు శాఖ చేపడుతున్న చర్యలు అభినందనీయమని నోబెల్‌ బహుమతి గ్రహీత, బాలల హక్కుల ఉద్యమకారుడు కైలాష్‌ సత్యార్థి ప్రశంసించారు.

అనవసర ప్రయాణాలు ఆపకపోతే బస్సులు, రైళ్లు బంద్: ఉద్ధవ్ థాక్రే వార్నింగ్

19-03-202019-03-2020 09:41:50 IST
2020-03-19T04:11:50.648Z19-03-2020 2020-03-19T04:11:47.879Z - - 14-06-2021

అనవసర ప్రయాణాలు ఆపకపోతే బస్సులు, రైళ్లు బంద్: ఉద్ధవ్ థాక్రే వార్నింగ్
facebooktwitterGooglewhatsappwhatsappGoogle
రాష్ట్ర ప్రజలు అనవసరంగా ప్రయాణాలు చేయడం ఆపకపోతే బస్సులు, రైళ్లు అపివేయవలసి వస్తుందని మహారాష్ట్ర ముఖ్యమంత్రి ఉద్ధవ్ థాక్రే హెచ్చరించారు. కరోనా వైరస్ ప్రబలుతున్న నేపథ్యంలో రాకపోకలు, ప్రయాణాలు ఆపుకోవాలని ప్రభుత్వం ఎంత చెప్పినా ప్రజలు పాటించకపోవడంతో నిర్బంధంగా అయనా రాకపోకలను అడ్డుకోవాలని శివసేన ప్రభుత్వం నిర్ణయించుకుంది.

ఇప్పటికే పుకార్లతో సతమవుతున్న ఉద్దవ్ ప్రభుత్వం రాష్ట్రంలో వారం రోజులపాటు ప్రభుత్వ ఉద్యోగులు కార్యాలయాలు వదిలి సెలవుపై వెళ్లిపోతున్నారన్న వార్తలు హల్ చల్ చేయడంతో వాటిని తీవ్రంగా ఖండించింది. ప్రభుత్వోద్యోగుల సెలవుల గురించి ఒక సెక్షన్ మీడియాలో వచ్చిన వార్తలను ముఖ్యమంత్రి తోసిపుచ్చారు. 

దేశం మొత్తం మీద మహారాష్ట్రలోనే కరోనా వైరస్ ప్రబలుతుండటంతో దాన్ని అడ్డుకునేందుకు ఉద్ధవ్ ప్రభుత్వం అపసోపాలు పడుతోంది. స్కూళ్లు విద్యాలయాలు, షాపింగ్ మాల్స్, థియేటర్లు, సామూహిక ఉత్సవాలు వంటివి మూసివేసినా కరోనా వైరస్ వ్యాప్తి చెందడంతో ప్రభుత్వం కఠినంగా వ్యవహరించాలని భావిస్తోంది.

కరోనా వైరస్ వ్యాప్తి నేపథ్యంలో రాష్ట్రవ్యాప్తంగా ప్రజలు అవసరమైతే తప్ప ప్రయాణాలు పెట్టుకోవద్దని ఇళ్లపట్టునే ఉండిపోవాలని ప్రభుత్వం పిలుపునిచ్చింది. కానీ ప్రభుత్వ ఉద్దేశాన్ని లెక్కచేయకుండా ప్రజలు ఇంకా ప్రయాణాలు చేస్తుండటంతో అతిగా, అనవసరంగా ప్రయాణాలు పెట్టుకుంటే బస్సులు, రైళ్లను కూడా బంద్ చేస్తామని హెచ్చరించారు.

ప్రభుత్వ కార్యాలయాలను సగం సిబ్బందితో నడిపిస్తామని, ఉద్యోగులందరికీ ఏడు రోజులు సెలవులు ఇస్తామనడం సత్యదూరమని ఉద్దవ్ చెప్పారు. 

ఇంతవరకు మహారాష్ట్రలో 50 మంది కరోనా వైరస్ బారినపడ్డారు. కరోనా రోగి ఒకరు మరణించడంతో ప్రభుత్వం వ్యాధి నిరోధక చర్యలు యుద్ధప్రాతిపదికన చేపడుతోంది. 40 మంది కరోనా పాజిటివ్ రోగుల పరిస్థితి నిలకడగా ఉందని వీరిలో 14 మంది మహిళలు కూడా ఉన్నారని థాక్రే పేర్కొన్నారు.

 


NewsSting Team


      040 23600300

newsting
Daily Updates
facebooktwitterGooglewhatsappwhatsappGoogle