newssting
BITING NEWS :
*విషమంగానే మాజీ రాష్ట్రపతి ప్రణబ్ ఆరోగ్యం.. వెంటిలేటర్ పై చికిత్స *వనపర్తి జిల్లా నాగపూర్ లో విషాదం ఒకే కుటుంబంలో నలుగురి ఆత్మహత్య *హైద‌రాబాద్‌: పంచాయతీ,మండల, జిల్లాప్రజా పరిషత్‌లకు 15వ ఆర్థిక సంఘం నిధుల పునరుద్ధరణ.. ఆరేళ్ల క్రితం నిలిపివేసిన ఆర్థికసంఘం.. ఈ ఏడాదికి రూ.1,847 కోట్ల నిధుల మంజూరు*ఢిల్లీ: ప్ర‌శాంత్ భూష‌ణ్ కోర్టు ధిక్క‌ర‌ణ సుమోటో కేసులో సుప్రీంకోర్టు తీర్పు... ప్ర‌శాంత్ భూష‌ణ్‌ను దోషిగా తేల్చిన జ‌స్టిస్ అరుణ్ మిశ్రా నేతృత్వంలోని ధ‌ర్మాస‌నం.. శిక్ష‌పై ఈ నెల 20న వాద‌న‌లు వింటాం-సుప్రీం*హైద‌రాబాద్‌: కోవిడ్ కి ఉచిత చికిత్స చేయాలి.. కరోనాతో ఆదాయ మార్గం పోయింది కాబట్టి పేదలకు ఆరు నెలల పాటు రూ. 7500 చొప్పున‌ ఇవ్వాలి-ప్రొఫెస‌ర్ కోదండరాం*భార‌త్‌లో రికార్డు స్థాయిలో పెరుగుతున్న కరోనా కేసులు, మరణాలు.. గడచిన 24 గంటల్లో 64,553 కరోనా కేసులు నమోదు, 1007 మంది మృతి.. 24,61,191కు చేరుకున్న క‌రోనా పాజిటివ్ కేసులు, ఇప్ప‌టి వ‌ర‌కు 48,040 మంది మృతి*తెలంగాణ‌లో 1921 పాజిటివ్ కేసులు నమోదు, 9 మంది మృతి.. 88396కు చేరిన పాజిటివ్ కేసుల సంఖ్య‌, ఇప్పటి వరకు 674 మంది మృతి

అధికారంతోనే అత్యాచారాలకు అడ్డుకట్ట: ప్రియాంకా గాంధీ

07-12-201907-12-2019 15:12:58 IST
Updated On 11-12-2019 12:36:33 ISTUpdated On 11-12-20192019-12-07T09:42:58.692Z07-12-2019 2019-12-07T09:42:55.778Z - 2019-12-11T07:06:33.943Z - 11-12-2019

అధికారంతోనే అత్యాచారాలకు అడ్డుకట్ట: ప్రియాంకా గాంధీ
facebooktwitterGooglewhatsappwhatsappGoogle
మహిళలు రాజకీయాల్లో పోటీ చేసి అధికారం చేజిక్కించుకుంటేనే అత్యాచారాలను అరికట్టడం సాధ్యపడుతుందని కాంగ్రెస్ ప్రధాన కార్యదర్శి ప్రియాంకా గాంధీ సాహస ప్రకటన చేశారు. మహిళలపై నేరాలను రాజకీయసమస్యగా చూడకుండా మహిళల భద్రతకు చెందిన విషయంగా ఉత్తరప్రదేశ్ ప్రభుత్వం పరిగణించి తగు చర్యలు తీసుకోవాలని ఆమె సూచించారు.

లక్నోలో రెండు రోజుల పర్యటనలో ఉన్న ప్రియాంకా గాంధీ మీడియాతో మాట్లాడుతూ.. ‘మహిళలు అధికారంలోకి రావాలని నా అభిప్రాయం. హింసకు వ్యతిరేకంగా పంచాయితీ, శాసన సభలకు పోటీ చేసి రాజకీయాల్లోకి రండి. తద్వారా మీకు అధికారం లభిస్తుంది. దాంతో జరుగుతున్న ఆకృత్యాలను అరికట్టవచ్చ’ని పేర్కొన్నారు. మహిళల హక్కులు, భద్రత కోసం కాంగ్రెస్‌ పార్టీ అన్ని స్థాయిలలో పోరాడుతుందని వ్యాఖ్యానించారు. 

సమాజంలో పెరుగుతున్న నేరాల నుంచి తమను తాము కాపాడుకోవడానికి మహిళలు జనాభా దామాషా ప్రకారం పురుషుల నుంచి అధికారాన్ని లాక్కోవాలని కాంగ్రెస్‌ ప్రధాన కార్యదర్శి ప్రియాంక గాంధీ సూచించారు. రాష్ట్రంలో గత 11 నెలల్లో దాదాపు 90 అత్యాచార కేసులు నమోదయ్యాయని, మహిళలపై జరుగుతున్న నేరాల కేసుల్లో ఉత్తరప్రదేశ్‌ దేశంలోనే మొదటి స్థానంలో ఉందని విమర్శించారు. ఉదాహరణగా ఉన్నావ్‌ ఘటనను ప్రస్తావించారు. 

ఈ కేసులో నిందితుడైన బీజేపీ ఎమ్మెల్యేను రక్షించడానికి ప్రభుత్వం చివరి వరకు ప్రయత్నించిందని ఆరోపించారు. చివరికి కోర్టు ఆదేశాలతో నాలుగు నెలల తర్వాత ఎఫ్‌ఐఆర్‌ నమోదు చేశారని తెలిపారు. ఈ కేసులో నిందితులకు వ్యతిరేకంగా బాధితురాలు చేస్తున్న పోరాటం ఒక యుద్ధంతో సమానమని అభివర్ణించారు. ఈ నేపథ్యంలో ప్రభుత్వం ఎమ్మెల్యేను కాపాడి నిందితుల పక్షాన ఉంటుందా లేక బాధితురాలి పక్షాన ఉంటుందా అనేది తేల్చుకోవాలని స్పష్టం చేశారు.

మరోవైపు మహిళలపై నేరాలను అరికట్టడానికి తీసుకోదగిన చర్యలను వివరించారు. ఇది రాజకీయ సమస్య కాదని, జనాభాలో సగభాగంగా ఉన్న మహిళల భద్రతకు సంబంధించిన ఈ విషయాన్ని తీవ్రంగా పరిగణించాలని ప్రభుత్వానికి విజ్ఞప్తి చేశారు. ఇదిలా ఉండగా, తెలంగాణలో దిశ నిందితుల ఎన్‌కౌంటర్‌పై ప్రియాంక గాంధీ స్పందిస్తూ.. ‘శాంతి భద్రతలు కాపాడడం ఆయా రాష్ట్ర ప్రభుత్వాల కర్తవ్యం. ఎప్పుడైనా చట్టం తనపని తాను చేసుకుపోతుంది. అయితే ఎన్‌కౌంటర్‌ ఘటన గురించి తనకు పూర్తి వివరాలు తెలియవు. అలాంటప్పుడు దాని గురించి మాట్లాడడం మంచిది కాద’ని వివరించారు.  

ఉన్నావ్ అత్యాచార ఘటనలో రాష్ట్ర ప్రభుత్వం చివరి క్షణం వరకు నేరస్థుల పక్షాన్నే నిలిచిందని, ఈ నేపథ్యంలో బాధిత మహిళ, ఆమె కుటుంబం తమకు జరిగిన అన్యాయంపై యుద్ధం చేయడం ఎంత కష్టమో అర్థమవుతుందని ప్రియాంక వ్యాఖ్యానించారు. 


NewsSting Team


      040 23600300

newsting
Daily Updates
facebooktwitterGooglewhatsappwhatsappGoogle