newssting
BITING NEWS :
*కర్ణాటక అసెంబ్లీలో బలపరీక్ష *విజయవాడ రానున్న ఏపీ కొత్త గవర్నర్ బి.బి హరిచందన్ *బీజేపీ పార్లమెంటరీ సమావేశం*బీజేపీలో చేరనున్న మాజీ ఎంపీ వివేక్* ఎర్రమంజిల్ భవనం కూల్చివేతే కేసుపై హైకోర్టులో విచారణ *ప్రారంభం కానున్న జపాన్ ఓపెన్ బ్యాట్మింటన్ టోర్నీ

హీరో బాలకృష్ణ మాజీ పీఏకి మూడేళ్ల జైలుశిక్ష

14-07-201914-07-2019 08:19:04 IST
Updated On 15-07-2019 11:58:14 ISTUpdated On 15-07-20192019-07-14T02:49:04.655Z14-07-2019 2019-07-14T02:48:54.895Z - 2019-07-15T06:28:14.207Z - 15-07-2019

హీరో బాలకృష్ణ మాజీ పీఏకి మూడేళ్ల జైలుశిక్ష
facebooktwitterGooglewhatsappwhatsappGoogle
తెలుగుదేశం పార్టీ శాసనసభ్యుడు, సినిమా హీరో నందమూరి బాలకృష్ణ మళ్లీ వార్తల్లోకి వచ్చారు. ఐతే, ఇది ఆయనకు ఏమాత్రం సంబంధం లేని వార్త. బాలకృష్ణకు గతంలో వ్యక్తిగత సహాయకుడిగా పనిచేసిన శేఖర్ కు  నెల్లూరు ఏసీబీ కోర్టు జైలు శిక్ష విధించింది. ఇదే ఆ వార్త. ఆదాయానికి మించిన ఆస్తుల కేసులో బాలయ్యబాబు ఒకప్పటి పీఏపై వచ్చిన ఆరోపణలు రుజువుకావడంతో అతనికి మూడేళ్ల జైలు శిక్షతోపాటు న్యాయస్థానం రూ.3 లక్షల జరిమానా విధించింది. 

తిరుపతి పద్మావతి యూనివర్సిటీలో అసిస్టెంట్ ఇంజనీరుగా పనిచేస్తున్న శేఖర్.. శాసనసభ్యుడు బాలకృష్ణ దగ్గర పర్సనల్ అసిస్టెంటుగా పనిచేశారు. ఎమ్మెల్యేగా గెలుపొందిన తర్వాత బాలయ్య సినిమాల్లో బిజీబిజీగా ఉన్నప్పుడు నియోజకవర్గంలో తిష్టవేసి బాలకృష్ణ పేరుతో శేఖర్ అక్రమ వసూళ్లకు పాల్పడే వారని ప్రచారంలో ఉంది. 

హిందూపురం నియోజకవర్గంలో బాలయ్య పీఏ అక్రమ వసూళ్లు అరాచకాలపై టీడీపీ శ్రేణులు అప్పట్లో పెద్దఎత్తున ఆగ్రహం వ్యక్తం చేశాయి. జిల్లాకు చెందిన పలువురు నేతలు ఇదే విషయంపై బాలయ్యకు నేరుగా ఫిర్యాదులు చేశారు.  బాలయ్య చెవిలో ఎఫ్పుడూ ఏదో ఊదుతూ వుండే శేఖర్ తనకు వ్యతిరేకంగా ఉండేవారి పట్ల అస్తమానం చెడుగా చెప్పేవారని కార్యకర్తలు ఆరోపించేవారు. 

హిందూపురం నియోజకవర్గంలో తెలుగుదేశం పార్టీలో అతని వల్ల విబేధాలు కూడా చోటు చేసుకున్నాయి. తనకు ఇంత నష్టం తెస్తున్న శేఖర్‌ను బాలయ్య చాలాసార్లు తీవ్రంగా మందలించారు. ఇక ఆరోపణలు తీవ్రం కావడంతో అతన్ని తప్పించారు. శేఖర్‌పై 2008లో కేసు నమోదు అయ్యింది. మూడు రోజుల కిందట నెల్లూరు ఏసీబీ కోర్టు శిక్ష ఖరారు చేసింది.


Newssting Desk


 newssting@rightfolio.in
      040 23600300

newsting
Daily Updates
facebooktwitterGooglewhatsappwhatsappGoogle