newssting
BITING NEWS :
*శబరిమల వివాదంపై సుప్రీం తీర్పు.శబరిమల వివాదం విస్తృత ధర్మాసనానికి బదిలీ *రాఫెల్‌ డీల్‌ : కేంద్రానికి క్లీన్‌చిట్‌ .. రివ్యూ పిటిషన్లు కొట్టివేత *రాహుల్ గాంధీకి రిలీఫ్.. పరువునష్టం కేసుపై సుప్రీం తీర్పు *వైసీపీలో చేరనున్న తెలుగు యువత రాష్ట్ర అధ్యక్షుడు దేవినేని అవినాష్*ఆర్టీఐ పరిధిలోకి సీజేఐ ఆఫీస్.. సుప్రీం మరో సంచలన తీర్పు*ఏపీ కొత్త సీఎస్‌గా నీలం సహాని...నిన్న రాత్రి ఉత్తర్వులు జారీ చేసిన ఏపీ సర్కార్....ఇవాళ బాధ్యతలు స్వీకరించిన నీలం సహాని *ఇసుక కొరతపై చంద్రబాబు దీక్ష...12 గంటల పాటు దీక్షలో కూర్చున్న బాబు* ప్రకాశం జిల్లాలో సీఎం జగన్ పర్యటన...మనబడి నాడు - నేడు కార్యక్రమానికి శ్రీకారం*విశాఖ: బ్లూ ఫ్రాగ్ మొబైల్ టెక్నాలజీస్ సంస్థలో సీఐడీ సోదాలు.. మన శాండ్ ఆన్‌లైన్ ఇసుక సరఫరా వెబ్‌సైట్ హ్యాక్ చేసినట్టు అనుమానం*ఢిల్లీ: అయోధ్య ట్రస్ట్ ఏర్పాటుకు కేంద్ర ప్రభుత్వం కసరత్తు.. పార్లమెంట్‌లో అయోధ్య ట్రస్ట్ బిల్లు ప్రవేశపెట్టనున్న కేంద్రం*ఆర్టీసీ సమ్మెపై విచారణను ఈనెల 18కి వాయిదా వేసిన హైకోర్ట్*అమరావతి: పెట్టుబడులు వెనక్కి వెళ్లిపోతున్నాయనడం కరెక్ట్ కాదు.. చంద్రబాబు, లోకేష్ తప్పుడు ప్రచారం చేస్తున్నారు: మంత్రి బొత్స

హయ్యారే.. అన్నగారి క్యాంటీన్లే సచివాలయాలు!

29-09-201929-09-2019 09:43:35 IST
2019-09-29T04:13:35.059Z29-09-2019 2019-09-29T04:13:33.104Z - - 14-11-2019

హయ్యారే.. అన్నగారి క్యాంటీన్లే సచివాలయాలు!
facebooktwitterGooglewhatsappwhatsappGoogle
ఏపీలో గత తెలుగుదేశం ప్రభుత్వంలో పక్కా భవనాలలో ఎక్కడా వెనుకాడకుండా కేవలం ఐదు రూపాయలకే ఉదయం టిఫిన్, మధ్యాహ్నం-రాత్రికి భోజనం అందించేందుకు ప్రతిష్టాత్మకంగా ఏర్పాటు చేసిన అన్నా క్యాంటీన్లు ప్రస్తుత వైసీపీ ప్రభుత్వంలో మూతపడిన సంగతి తెలిసిందే. కొందరు నేతలు పేదలతో కలిసి అన్నం తినే కంచం పట్టుకొని ఆ క్యాంటీన్ల ముందు నిలబడి.. పేదవాడికి పట్టెడు అన్నం పెట్టండి మహాప్రభో అని వేడుకున్నా.. 'అన్నా' అనే పదం నచ్చకపోతే 'రాజన్నా' అని మార్చుకోండి కానీ పస్తులు మాత్రం పెట్టొద్దని మేధావులు మొత్తుకున్నా జగన్మోహన్ రెడ్డి ప్రభుత్వం కొంచెం టైం కావాలని మెల్లగా జారుకుంది.  వైసీపీ ప్రభుత్వంలోకి వచ్చాక గత ప్రభుత్వ గుర్తులను చెరిపేసి క్రమంలో ఆ అన్నా క్యాంటీన్లను కూడా పట్టించుకోలేదు.

క్రమేపీ గత ప్రభుత్వంలో చేసుకున్న కాంట్రాక్టర్లకు చెల్లింపులు చేయక మెల్లగా ఒక్కొక్కటి మూతపడ్డాయి. సీఎం జగన్మోహన్ రెడ్డి ప్రభుత్వం కాదన్నా.. అవునన్నా ఇది నిజం. ఆమాటకొస్తే ప్రభుత్వంలోకొచ్చిన అన్ని పార్టీలకు ఈ తరహా చేష్టలు మామూలే. గత ప్రభుత్వాలు చేసిన పనుల ముద్ర చెరిపేయడం ప్రస్తుత ప్రభుత్వాలకు అలవాటే. అయితే అన్నా క్యాంటీన్ల ఏర్పాటులో రాజకీయంను మించి పేదవాడి ఆకలి అనే సెంటిమెంటు బలంగా ఉంది.

ప్రతిపక్ష టీడీపీతో పాటు ప్రజల నుండి వ్యతిరేకత వచ్చినా జగన్ ప్రభుత్వం వెనుకాడలేదు. ఆ క్యాంటీన్లలో అవకతవకలు పెరుకుపోయాయని.. పనికిరాని ప్రదేశాలలో ఉచితంగా పెట్టినా తినేవారు ఉండరని.. కొద్దిరోజులు ఓపికపడితే మెరుగుపరిచి.. రంగులు మార్చి సరికొత్త పేరుతో మీ ముందుకు తెస్తామని కొందరు ప్రభుత్వ పెద్దలు ఊరడింపు మాటలు చెప్పుకొచ్చారు.

రోజులు గడిచినా రంగులు మారినా ఆకలి తీర్చే ఆ కేంద్రాలు మాత్రం తెరుచుకోలేదు. అంతఖర్చు పెట్టి కట్టిన భవనాలు ఎందుకు పనికిరాకుండా నిరుపయోగం ఉండడం చూడలేకపోతుందో.. లేక అంతకుమించిన బిల్డింగులు దొరకలేదో కానీ ప్రభుత్వం అన్నాక్యాంటీన్లను సచివాలయాలుగా మార్చేందుకు సిద్ధమైందని తెలిసింది. ప్రభుత్వం ప్రతిష్టాత్మకంగా తలపెట్టిన గ్రామసచివాలయ వ్యవస్థ అక్టోబర్ 2 నుండి ప్రారంభం కానుంది.

ఇందుకు గాను గ్రామ పంచాయతీ కార్యాలయాలనే గ్రామ సచివాలయాలుగా మారుస్తున్నప్పటికీ.. పట్టణాల్లో మాత్రం వసతి దొరకడం లేదు. అనుకూల స్థలం, ఆఫీసుకు బిల్డింగ్ కష్టమవడంతో ఆ క్యాంటీన్లను వార్డు సచివాలయాలుగా మార్చేసేందుకు సిద్ధమైంది. మంచి డిజైన్‌తో రూపొందించిన అన్నక్యాంటీన్లలో కొద్దిగా మార్పులు చేసి లోపల సౌకర్యాలు ఏర్పాటు చేస్తే అదే వార్డు సచివాలయం అవుతుందని తేల్చారు.

ఇప్పటికే నెల్లూరు టౌన్‌లో ఉన్న పలు అన్న క్యాంటీన్లలో వార్డు సచివాలయాల కోసం ఫర్నీచర్ అమర్చడం ప్రారంభించగా ఇదే మాదిరి మిగతా పట్టణాలలో కూడా మార్పులు మొదలుకానున్నట్లుగా తెలుస్తుంది. మొత్తానికి సచివాలయ వ్యవస్థకు పక్కా భవనాలు.. ఏమో మళ్ళీ ఐదు రూపాయలు పట్టుకెళ్లి ఆకలి తీర్చుకోవచ్చని ఆశపడే పేదవాళ్లకి ఒకే సమాధానం వచ్చేసింది! ఆ క్యాంటీన్లు ఇక ఏ పేరుతోనూ మళ్ళీ తెరుచుకోడం కష్టమే!


NewsSting Team


      040 23600300

newsting
Daily Updates
facebooktwitterGooglewhatsappwhatsappGoogle