newssting
BITING NEWS :
*దిశ చట్టం తెచ్చినందుకు ఏపీ సీఎం జగన్‌కు అభినందనలు తెలిపిన ప్రత్యుష తల్లి సరోజినిదేవి *ఏపీ సచివాలయ ఉద్యోగుల సంఘం అధ్యక్షుడిగా వెంకట్రామిరెడ్డి ఏకగ్రీవ ఎన్నిక *ఎన్‌కౌంటర్‌లో మరణించిన నలుగురు దిశ నిందితుల మృతదేహాల్ని భద్ర పర్చాలని రాష్ట్ర ప్రభుత్వానికి హైకోర్టు ఆదేశం * కాంగ్రెస్‌ ‘భారత్‌ బచావో’ ర్యాలీ* ప్రపంచంలోనే అత్యంత శక్తివంతమైన మహిళల జాబితా విడుదల....ఫోర్బ్స్‌ జాబితాలో నిర్మలాసీతారామన్‌*బ్రిటన్‌ ఎన్నికల్లో కన్జర్వేటివ్‌ పార్టీ ఘన విజయం*భారత పేసర్‌ భువనేశ్వర్‌ కుమార్‌కు గాయం. వెస్టిండీస్‌తో జరిగే మూడు వన్డే సిరీస్‌లకు దూరం * టి20 క్రికెట్‌లోకి వెస్టిండీస్‌ ఆల్‌రౌండర్‌ డ్వేన్‌ బ్రేవో

హమ్మయ్య అమరావతికి గుర్తింపు.. కొత్త మ్యాప్‌లో చోటు

23-11-201923-11-2019 13:24:12 IST
Updated On 23-11-2019 17:34:43 ISTUpdated On 23-11-20192019-11-23T07:54:12.828Z23-11-2019 2019-11-23T07:54:10.793Z - 2019-11-23T12:04:43.045Z - 23-11-2019

హమ్మయ్య అమరావతికి గుర్తింపు.. కొత్త మ్యాప్‌లో చోటు
facebooktwitterGooglewhatsappwhatsappGoogle
ఆంధ్రులకు రాజధాని అనేది చాలాకాలం నుంచి లేదు. చెన్నై నుంచి కర్నూలు, కర్నూలు నుంచి హైదరాబాద్.. అంతే తప్ప శాశ్వత రాజధాని అంటూ లేదు. ఆంధ్రప్రదేశ్ రాష్ట్ర విభజన అనంతరం కూడా ఏపీకి రాజధాని అంటూ లేకుండా పోయింది. తెలంగాణ ఏర్పాటుతో హైదరాబాద్ ను ఉమ్మడి రాజధానిగా చేశారు. అది కూడా పదేళ్ళపాటు హైదరాబాద్ రెండు రాష్ట్రాలకు రాజధానిగా ఉండాలని భావించారు. 

వివిధ కారణాల రీత్యా హైదరాబాద్ లోని కార్యాలయాలను విజయవాడకు తరలించింది అప్పటి చంద్రబాబు ప్రభుత్వం. నిపుణుల కమిటీతో సంబంధం లేకుండా అమరావతిని రాజధానిగా ప్రకటించింది. వేలాది ఎకరాలను రాజధాని కోసం ల్యాండ్ పూలింగ్ ద్వారా సేకరించారు. అంతా బాగానే ఉంది. కేంద్రప్రభుత్వం మాత్రం అమరావతిని రాజధానిగా గుర్తించలేదు.

ఇటీవల భారతదేశ కొత్త రాజకీయ చిత్రపటాన్ని విడుదలచేసింది సర్వే ఆఫ్ ఇండియా. అందులో అన్ని ప్రాంతాలకు రాజధానులను గుర్తించారు కానీ ఆంధ్రప్రదేశ్ లో రాజధాని అమరావతిని గుర్తించలేదు. దీనిపై అన్ని రాజకీయపక్షాలు విమర్శలు చేశాయి. తాజాగా సర్వే ఆఫ్ ఇండియా అమరావతిని గుర్తిస్తూ కొత్త మ్యాప్ విడుదలచేసింది. 

గురువారం లోక్ సభలో గుంటూరు ఎంపీ గల్లా జయదేవ్ ఈ విషయంపై కేంద్రాన్ని నిలదీశారు. ఇటీవల కేంద్రం విడుదలచేసిన చిత్రపటంలో అమరావతికి స్థానం లేదని జీరో అవర్ లో ఆయన ప్రస్తావించారు. ఇది ఏపీ ప్రజలకే కాదు, అమరావతి శంకుస్థాపనకు వచ్చిన ప్రధాని మోడీకి అవమానం అంటూ కామెంట్ చేశారు జయదేవ్.

దీనిపై హోంశాఖ దిద్దుబాటు చర్యలు చేపట్టింది. శుక్రవారం హోంశాఖ అధికారుల ద్వారా సర్వే ఆఫ్ ఇండియా అధికారులను పిలిపించి కొత్త మ్యాప్ లో అమరావతిని చేర్పించారు హోంశాఖ సహాయమంత్రి కిషన్ రెడ్డి. కేవలం చిన్న పొరపాటు వల్ల జరిగిందని, మరో ఉద్దేశం కేంద్రానికి లేదని మంత్రి వివరణ ఇచ్చారు. 


G. Sathyanarayana Raju


గొట్టుముక్కల సత్యనారాయణరాజుకు జర్నలిజంలో 21 సంవత్సరాలకు పైగా అనుభవం ఉంది. ప్రముఖ దినపత్రికలు, మేగజైన్లు, న్యూస్ ఛానెళ్ళలో వివిధ హోదాల్లో బాధ్యతలు నిర్వర్తించారు. డిజిటల్ మీడియాలో ప్రవేశించి... నాలుగేళ్ళనుంచి వివిధ వెబ్‌సైట్లలో పనిచేశారు. ప్రస్తుతం న్యూస్‌స్టింగ్‌.ఇన్ లో కంటెంట్ హెడ్‌గా పనిచేస్తున్నారు. ఫీచర్ రైటింగ్, ప్రత్యేక కథనాలు, కరెంట్ అఫైర్స్, ఎన్నికల కథనాలు, రాజకీయ కథనాల విశ్లేషణలో మంచి ప్రావీణ్యం ఉంది.
 gsnraju@rightfolio.in
      040 23600300

newsting
Daily Updates
facebooktwitterGooglewhatsappwhatsappGoogle