newssting
BITING NEWS :
*శాసన మండలిలో మళ్ళీ గందరగోళం...కొనసాగుతోన్న మూడు రాజధానుల రగడ..రూల్‌ 71పై చర్చకు అనుమతించిన మండలి ఛైర్మన్‌..అభ్యంతరం వ్యక్తం చేసి నినాదాలు చేస్తున్న వైసీపీ సభ్యులు *మండలి ఛైర్మన్ ఛైర్ వద్దకు వెళ్లిన పీడీఎఫ్, టీడీపీ ఎమ్మెల్సీలు..వాయిదా పడ్డాక మండలి ఛైర్మనుతో మంత్రుల భేటీ*ఐదోసారి శాసన మండలి వాయిదా..మండలి వద్ద భారీగా మార్షల్స్ మొహరింపు..మండలి ఛైర్మన్ వద్దకు వచ్చి ఆయనతో మాట్లాడిన బుద్దా వెంకన్న*ఎంపీ గల్లా జయదేవ్ కి బెయిల్ మంజూరు..బెయిల్ మంజూరు చేసిన మంగళగిరి సెషన్స్ కోర్టు..గుంటూరు సబ్ జైలు నుండి విడుదలైన ఎంపీ, పోలీసుల తీరు సరిగా లేదన్న గల్లా *ఫ్యాక్షన్ తరహా పాలన చేయాలని వైసీపీ చూస్తోంది.. వైసీపీ నిర్ణయాలు వాళ్ల వినాశనం కోసమే.. ఇకపై ఏపీలో వైసీపీకి అధికారం అనేదే ఉండదు..వైసీపీ ప్రభుత్వాన్ని కూల్చేవరకు నిద్రపోను-పవన్ కల్యాణ్‌*నాకు రాజకీయాలను ఆపాదించవద్దు... నిబంధనల ప్రకారమే వ్యవహరిస్తున్నాను-మండలి ఛైర్మన్ షరీఫ్*నిర్ణయాన్ని మార్చుకున్న వైసీపీ సర్కార్... విజయవాడలోనే రిపబ్లిక్ డే*అమరావతి: ఎస్సీ కమిషన్ బిల్లుపై చర్చలో గందరగోళం.. చర్చకు అడ్డుతగిలిన టీడీపీ సభ్యులు... జై అమరావతి అంటూ టీడీపీ సభ్యుల నినాదాలు.. టీడీపీ సభ్యులపై తీవ్ర ఆగ్రహం.. సభ నుంచి వెళ్లిపోయిన స్పీకర్ *వికేంద్రీకరణ, సీఆర్డీఏ రద్దు బిల్లుకు ఏపీ శాసనసభ ఆమోదం.. ఏపీకి ఇక నుంచి మూడు రాజధానులు.. విశాఖ ఎగ్జిక్యూటివ్ క్యాపిటల్, అమరావతి లేజిస్లేటివ్ క్యాపిటల్, కర్నూలులో జ్యూడీషియల్ క్యాపిటల్‌కు సభ ఆమోదం

'స్టిక్కర్ సీఎం' జగన్మోహన్ రెడ్డి..!

09-10-201909-10-2019 11:10:41 IST
Updated On 09-10-2019 12:46:26 ISTUpdated On 09-10-20192019-10-09T05:40:41.101Z09-10-2019 2019-10-09T05:40:35.462Z - 2019-10-09T07:16:26.762Z - 09-10-2019

'స్టిక్కర్ సీఎం' జగన్మోహన్ రెడ్డి..!
facebooktwitterGooglewhatsappwhatsappGoogle
ఏపీ ముఖ్యమంత్రి జగన్మోహన్ రెడ్డి స్టిక్కర్ సీఎంగా అవతరించారట. ఇప్పటికే సోషల్ మీడియాలో హైలీ రెస్పెక్టెడ్ సీఎం అంటూ ఓ హాష్ ట్యాగ్ తో జగన్మోహన్ రెడ్డికి సంబంధించిన నెగటివ్ పోస్టులు తెగ చక్కర్లు కొడుతుంటాయి. ఇప్పుడు స్టిక్కర్ సీఎం అంటూ మరో హాష్ ట్యాగ్ రావడం గ్యారంటీగా కనిపిస్తుంది. దీనికి కారణం ఈమధ్యనే సీఎం జగన్ ఏపీలో వైఎస్ఆర్ వాహన మిత్ర పేరుతో ఓ పథకం తీసుకొచ్చిన సంగతి తెలిసిందే. ఈ పథకంలో భాగంగా దాదాపుగా లక్షా డెబ్భైవేల మంది ఆటో, క్యాబ్ డ్రైవర్లకు పదివేల ఆర్ధిక సహాయం అందించారు.

ఆ పథకం ప్రారంభంలో మంత్రి అవంతి శ్రీనివాస్ మాట్లాడుతూ మీ ఆటోలపై సీఎం బొమ్మలు అతికించుకోండి మిమ్మల్ని ఆపేవాడే లేడంటూ చేసిన వ్యాఖ్యలు అప్పుడే దుమారం రేపాయి. అయినా ప్రభుత్వం మాత్రం వెనక్కు తగ్గలేదు. అన్నట్లుగానే రాష్ట్రంలో తిరిగే అన్ని ఆటోలు, క్యాబ్లకు సీఎం జగన్ స్టిక్కర్లు అంటించేశారు. ఆ బాధ్యతను కూడా పోలీసులకే అప్పజెప్పడం విశేషమైతే పోలీసులు ఏ మాత్రం సిగ్గుపడకుండా రోడ్ల మీదకి వచ్చేసి వెళ్లే ప్రతి వాహనాన్ని ఆపి స్టిక్కర్లను అంటించేశారు. అసలే పోలీసులు ఎందుకొచ్చిన గొడవలని పాపం డ్రైవర్లు పథకంలో డబ్బులు రానివాళ్లు సైతం స్టిక్కర్లను అంటిస్తున్నా చూస్తుండిపోయారు.

పోలీసులు దౌర్జన్యంగా ఆటోలను ఆపి స్టిక్కర్లను వేయడం కొందరు వీడియోలు తీసి సోషల్ మీడియాలో పెట్టడంతో అటు ప్రభుత్వం.. ఇటు పోలీసులు కూడా విమర్శల పాలవుతున్నారు. ఇప్పటికే రాష్ట్రంలో పోలీసుల పాలన నడుస్తుందంటూ విమర్శలు చేస్తుండగా ఇప్పుడు జగన్ ప్రభుత్వం ఆఖరికి పోలీసులను ఇలా కూడా వాడుకుంటున్నారని కొందరు తీవ్ర విమర్శలు చేస్తున్నారు. ఈ వీడియోలపై స్పందించిన ఏపీ బీజేపీ అధ్యక్షుడు కన్నా లక్ష్మీనారాయణ ఏపీ సర్కార్ ను తీవ్రంగా తప్పు పట్టారు. చంద్రబాబును గతంలో బీజేపీ స్టికర్ సీఎం పేరుతో పిలుస్తుండగా ఇప్పుడు జగన్ కొత్త స్టిక్కర్ సీఎం అయ్యారంటూ వ్యంగ్యాస్త్రాలు సంధించారు.

అప్పుడు చంద్రబాబు కేంద్ర పథకాలకు స్టిక్కర్ వేసి తమ పథకాలుగా చెప్పుకున్నారని.. ఇప్పుడు జగన్ అసలు పథకాలు అందని వాళ్లకు కూడా స్టిక్కర్లు వేసి తమ గొప్పగా చెప్పుకుంటున్నారన్నారు. అసలు పోలీసులను మీ పార్టీ కార్యకర్తలలాగా వాడుకోవడం ఏమిటని కన్నా తీవ్ర విమర్శలు చేశారు. ఇప్పటికే గ్రామ సచివాలయాలకు, రాష్ట్రంలోని పంచాయతీ కార్యాలయాలకు వైసీపీ రంగులు వేయడంపై ఏపీ బీజేపీ నేతలు తీవ్ర విమర్శలు చేసి ఏకంగా కేంద్రానికి ఫిర్యాదులు చేశారు. ఇప్పటికే కేంద్ర పంచాయతీరాజ్ శాఖా మంత్రి రంగుల వ్యవహారంపై రాష్ట్ర నేతలను నివేదిక కూడా కోరినట్లుగా తెలుస్తుంది.

ఈ నేపథ్యంలో మరోసారి ఈ స్టిక్కర్ల వ్యవహారం కూడా ఏపీ బీజేపీ నేతలకు చిర్రెత్తుకొచ్చింది. రాష్ట్రంలో సర్కార్ పోతున్న వింతపోకడలను ఏ మాత్రం సహించని బీజేపీ నేతలు స్టిక్కర్ల వ్యవహారంపై కూడా తీవ్రంగానే స్పందిస్తున్నారు. కాగా ఇప్పటికే సోషల్ మీడియాలో సీఎం జగన్ పై నెగటివ్ పోస్టుల జాబితాలో ఎక్కువగా చక్కర్లు కొట్టిన వాటిలో ఈ స్టిక్కర్ల వీడియోలు కూడా చేరగా హైలీ రెస్పెక్టెడ్ సీఎం హ్యాష్ ట్యాగ్ మాదిరే స్టిక్కర్ సీఎం అనే మరో హ్యాష్ ట్యాగ్ రావడం కూడా పక్కాగా కనిపిస్తోంది. టీడీపీ-బీజేపీ సోషల్ మీడియా వింగ్స్ ఈ పాటికే ప్రిపరేషన్స్ లో ఉండేఉండాలి సుమీ!


NewsSting Team


      040 23600300

newsting
Daily Updates
facebooktwitterGooglewhatsappwhatsappGoogle