newssting
BITING NEWS :
*కాశ్మీర్ సమస్యకు త్వరలో పరిష్కారం: రక్షణ మంత్రి రాజ్ నాథ్ సింగ్ * అసోం, బిహార్‌ వరదల్లో 159కి చేరిన మరణాలు*ఢిల్లీ మాజీ సీఎం షీలా దీక్షిత్ ఆకస్మిక మృతికి పలువురి సంతాపం *చంద్రయాన్-2 ప్రయోగానికి కౌంట్ డౌన్ ...22న నింగిలోకి.. చంద్రయాన్‌–2*ఇవాళ సికింద్రాబాద్‌ ఉజ్జయిని మహాకాళి బోనాలు*తెలంగాణ సీఎం కేసీఆర్ కు జేపీ అభినందనలు.. కొత్త పురపాలక చట్టం వికేంద్రీకరణ దిశగా ముందడుగు అంటూ కితాబులు *ఆర్ టీ ఐ సవరణ బిల్లు స.హ చట్టానికి చావు దెబ్బ: మాజీ కమిషనర్ మాడభూషి శ్రీధరాచార్యులు

సీఎస్ vs చంద్రబాబు: ఏపీలో కోల్డ్ వార్

21-04-201921-04-2019 08:51:06 IST
2019-04-21T03:21:06.679Z21-04-2019 2019-04-21T03:20:59.155Z - - 22-07-2019

సీఎస్ vs చంద్రబాబు: ఏపీలో కోల్డ్ వార్
facebooktwitterGooglewhatsappwhatsappGoogle
ఈరోజు సివిల్ సర్వీసెస్ డే. పరిపాలనలో ప్రజాప్రతినిధులను నడిపించేది బ్యూరోక్రాట్లే. అయితే ఎన్నికల పుణ్యమాని వీళ్లిద్దరి మధ్య ఆధిపత్యపోరు కొనసాగుతోంది. మోడల్ కోడ్ ఆఫ్ కండక్ట్’ ఇప్పుడు ఏపీ రాజకీయాల్లో బాగా నానుతున్న పదం. ఎన్నికలు ముగిసిన రోజునుంచీ ప్రతిరోజూ ఈసీతో నువ్వానేనా? అన్నట్టుగా మాటల యుద్ధం చేస్తున్నారు ఏపీ సీఎం చంద్రబాబునాయుడు. ఎన్నికల వేళ సీఎస్ గా ఎల్వీ సుబ్రహ్మణ్యంని నియమించడంతో బాబు ఆయనపై నేరుగా విమర్శలు చేశారు. ఆయన జగన్ సహనిందితుడని పనిలో పనిగా ఆరోపణలు చేశారు. దీనిపై సీనియర్, రిటైర్డ్ బ్యూరోక్రాట్లు అభ్యంతరం తెలిపారు. ఈ వ్యవహారం రాజ్ భవన్ మెట్లెక్కింది.

ఇదిలా ఉంటే ఎన్నికల తేదీ ప్రకటించినప్పటి నుంచి ఫలితాలు వచ్చే వరకు ఎటువంటి ప్రకటనగాని. ఏ సమావేశంగాని ఏవిధమైన ఆదేశాలు ఎలాంటి జీఓలు జారీచేయకూడదని ఈసీ నిబంధనలు ఉన్నాయి. అయితే టీడీపీ ప్రభుత్వం పోలింగ్ అనంతరం జారీ చేసిన 18 జీఓలను సీఎస్ ఎల్వీ సుబ్రహ్మణ్యం రద్దు చేసారు.

అదే సమయంలో  బాబు నిర్వహించే సమీక్షా సమావేశాలకు హాజరైన 16 మంది అధికారులకు ఈసీ నుంచి సంజాయిషీ ఇవ్వాలంటూ నోటీసులు అందాయి.  కేంద్ర ఎన్నికల కమిషన్ సీరియస్ కావడంతో తాను జరపాలని తలపెట్టిన హోమ్ శాఖ సమీక్షను చంద్రబాబు రద్దు చేసుకున్న సంగతి తెలిసిందే. ఇక రద్దు చేసిన జీవోల్లో అత్యధికంగా వివిధ పనులకు సంబంధించి కాంట్రాక్టర్లకు ఇవ్వాల్సిన బిల్లులవేనని తెలుస్తోంది. 

తన అనుమతి లేకుండా చంద్రబాబు నిర్వహించే ఏ సమావేశాలకు ఎవరూ వెళ్లకూడదని సీఎస్ ఆదేశాలు జారీచేశారు. డీజీపీకి సైతం ఈ ఆదేశాలు వర్తిస్తాయని పేర్కొన్నారు. ఏపీలో ఏ నిర్ణయమైనా తనకు తెలియాలని ఎల్వీ సుబ్రహ్మణ్యం పేర్కొన్నారు. ఏ పని మీద కూడా అధికారులు చంద్రబాబును కలవకూడదని కూడా ఆయన చెప్పారు. ఏదైనా విషయం ఉంటే చంద్రబాబు సంబంధిత శాఖ కార్యదర్శికి తెలియజేయాల్సి ఉంటుందని, ఆ అధికారి ఆ విషయాన్ని తన దృష్టికి తెస్తారని ఆయన చెప్పారు. విషయాన్ని బట్టి తాను నిర్ణయం తీసుకుంటానని ఆయన చెప్పారు. మొత్తం మీద ఏపీ సీఎం, సీఎస్ మధ్య కోల్డ్ వార్ జరుగుతున్నట్టు తెలుస్తోంది. మరో నెలరోజుల వరకూ ఈ పరిస్థితి ఇలాగే ఉంటుందని తెలుస్తోంది.


G. Sathyanarayana Raju


గొట్టుముక్కల సత్యనారాయణరాజుకు జర్నలిజంలో 21 సంవత్సరాలకు పైగా అనుభవం ఉంది. ప్రముఖ దినపత్రికలు, మేగజైన్లు, న్యూస్ ఛానెళ్ళలో వివిధ హోదాల్లో బాధ్యతలు నిర్వర్తించారు. డిజిటల్ మీడియాలో ప్రవేశించి... నాలుగేళ్ళనుంచి వివిధ వెబ్‌సైట్లలో పనిచేశారు. ప్రస్తుతం న్యూస్‌స్టింగ్‌.ఇన్ లో కంటెంట్ హెడ్‌గా పనిచేస్తున్నారు. ఫీచర్ రైటింగ్, ప్రత్యేక కథనాలు, కరెంట్ అఫైర్స్, ఎన్నికల కథనాలు, రాజకీయ కథనాల విశ్లేషణలో మంచి ప్రావీణ్యం ఉంది.
 gsnraju@rightfolio.in
      040 23600300

newsting
Daily Updates
facebooktwitterGooglewhatsappwhatsappGoogle