newssting
BITING NEWS :
*మంగళగిరి ఎమ్మెల్యే ఆళ్ల రామకృష్ణారెడ్డి కార్యాలయంలో భారీ చోరీ*పాకిస్తాన్‌లో హైదరాబాద్‌ వాసి అరెస్ట్‌...అరెస్ట్‌ అయిన వ్యక్తి ప్రశాంత్‌ గా గుర్తింపు* రాజమండ్రి రైల్వేస్టేషన్ సమీపంలో పట్టాలు తప్పిన గూడ్స్ రైలు*ఇవాళ సమ్మెపై తుది నిర్ణయం.. జడ్జిమెంట్‌ కాపీ చూశాక తుది నిర్ణయం.. సమ్మె యథాతథంగా కొనసాగుతుంది.. సడక్‌బంద్, రాస్తారోకోలు మాత్రం వాయిదా-అశ్వత్థామరెడ్డి*దీక్ష విరమించినా ఆర్టీసీ జేఏసీ ఆందోళన కొనసాగుతుంది-కోదండరాం*ఆర్టీసీ సమ్మెపై విచారణ ముగించిన హైకోర్టు *హైకోర్టుకు కొన్ని పరిమితులుంటాయి.. పరిధిదాటి ముందుకు వెళ్లలేం.. కార్మికశాఖ చూసుకుంటుంది.. 2 వారాల్లో సమస్య పరిష్కరించాలని సూచిస్తాం-హైకోర్టు

'శ్రీవారి ప్రతిష్ట'తో రాజకీయ పార్టీల చెలగాటం..!

09-11-201909-11-2019 16:53:27 IST
2019-11-09T11:23:27.615Z09-11-2019 2019-11-09T11:23:22.935Z - - 20-11-2019

'శ్రీవారి ప్రతిష్ట'తో రాజకీయ పార్టీల చెలగాటం..!
facebooktwitterGooglewhatsappwhatsappGoogle
మన దేశంలో రాజకీయ పార్టీలు అన్నాక విమర్శలు సహజం.. ఒకరిపై ఒకరు ఎత్తులు వేయడం.. మరొకరు చిత్తు చేయాలని తిరిగి సరికొత్త ఎత్తులు వేయడం అన్నీ సహజమే. ప్రజాసేవ.. ఛరిస్మా.. డబ్బు.. రాజకీయం కలిస్తేనే ఈనాటి రాజకీయాలలో మనుగడ అన్నది ప్రస్తుత రాజకీయాలలో అందరికి విదితమే. అయితే ఒక్కోసారి ఈ రాజకీయ పార్టీలు ప్రజలను.. కులాలను.. మతాలను మించి ఏకంగా ఆ దేవుడినే రాజకీయాల కోసం వాడుకుంటున్నారా? అనిపించడమే ఆందోళన కలిగిస్తుంది.

ఆ ఏడుకొండలపై నెలకొన్న తిరుమల తిరుపతి శ్రీవారిపై అఖండకోటి భక్తులకు ప్రగాఢ నమ్మకం ఉంటుంది. రాష్ట్రం.. దేశంలోనే కాకుండా ప్రపంచ వ్యాప్తంగా ఆయన దర్శనం కోసం క్యూ కడతారు. టీటీడీకి ఆధ్యాత్మికంగానే కాకుండా ప్రపంచ పర్యాటక ప్రాంతాలలో కూడా ఓ ప్రత్యేకత ఉంటుంది. ఒక్క మాటగా  చెప్పాలంటే ఆ వేంకటేశ్వరుడు ప్రపంచంలోనే ఓ బ్రాండ్. ఆయనతో పోలికలేదు... ఇకపై రాదు అన్నది ఎందరో నమ్మకం. ఆయన కొలువై ఉండడమే ఏపీకి గర్వకారణం.

అలాంటి తిరుమలేశుడిని కూడా రాజకీయాలకు వాడుకుంటున్నారన్నది విశ్లేషకుల అభిప్రాయం. 'టీటీడీ-రమణదీక్షితులు-చంద్రబాబు' ఈ ఎపిసోడ్ లో ఎవరు ఎవరిని టార్గెట్ చేశారు అన్నది ప్రస్తుతానికి అవసరంలేని విషయమే కానీ.. అప్పటి వరకు ప్రధాన అర్చకులుగా ఉన్న రమణ దీక్షితులు చంద్రబాబు మీద ఆరోపణలు చేసేందుకు గాను పొరుగు రాష్ట్రంలోని చెన్నైకి వెళ్లి నేషనల్ మీడియా నుండి లోకల్ మీడియా వరకు అందరినీ పిలిచి టీటీడీలో పెద్ద ఎత్తున అవినీతి అంటూ తీవ్ర ఆరోపణలు చేశారు.

శ్రీవారి పోటులో తవ్వకాలు జరిపి నిధులను మాయం చేశారని.. శ్రీవారి ఆభరణాలలో పింక్ డైమాండ్ దేశం దాటిపోయిందని, ఏడుకొండలవాడికి పూజా కైంకర్యాలు సరిగ్గా జరగడం లేదని సంచలన ఆరోపణలు చేశారు. రమణ దీక్షితులు గారి టార్గెట్ అప్పటి టీడీపీ ప్రభుత్వం పైనే అయినా ఆరోపణలు చేసింది ప్రతిష్టాత్మకమైన తిరుమల తిరుపతి దేవస్థానంపైన అన్నది ఇక్కడ మరచిన విషయం. అప్పటి ఆ ఆరోపణలు రాజకీయాలలోనే కాకుండా యావత్ దేశం మొత్తం మీద చర్చ మొదలైంది.

అప్పుడు ప్రతిపక్షంలో ఉన్న వైసీపీ.. అనుబంధ పత్రికలు కలిసి చంద్రబాబు ఇంట్లో తవ్వకాలు జరిపితే బండారం బయటపడుతుంది అంటూ ప్రజలలో కథనాలను ప్రచారం చేశారు. టీడీపీ ప్రభుత్వం ఈ ఆరోపణలను తీవ్రంగా వ్యతిరేకించగా టీటీడీ అయితే ఆరోపణలు చేసిన రమణదీక్షితులు, వైసీపీ నేత విజయసాయిరెడ్డిలపై చెరో వంద కోట్లకు పరువు నష్టం దాఖలు చేసింది. అక్కడ సీన్ కట్ చేస్తే ఈలోగా ఎన్నికలు వచ్చాయి ప్రభుత్వంతో పాటు పాలకమండలి కూడా మారిపోయింది.

గతంలో ప్రతిపక్షంలో ఉన్న ఆరోపణల సంగతి ఏంటి అని ఇప్పటి ప్రభుత్వాన్ని.. పాలకమండలిని అడిగితే.. పోటులో తవ్వకాలకు అవకాశమే లేదని.. అసలు పింక్ డైమండ్ అన్నదే లేదని.. పూజా కైంకర్యాల వ్యవహారంలో టీటీడీ ఎక్కడా కాంప్రమైజ్ కాదని సర్టిఫికెట్ ఇచ్చేస్తున్నాయి. ఇక పాలకమండలి అంతా ఆ పార్టీవల్లే కనుక గతంలో టీటీడీ రమణ దీక్షితులు, విజయసాయిరెడ్డిలపైన దాఖలు చేసిన పరువు నష్టం కేసులను కూడా త్వరలోనే వెనక్కు తీసుకోవాలని నిర్ణయించింది.

మొత్తం పరిశీలిస్తే అర్ధమయ్యేది ఒక్కటే ఆ ఏడుకొండలవాడి చుట్టూ చేసింది రాజకీయమేనని.. ఆయనను అడ్డు పెట్టుకొని ఒకరిపై మరొకరు బురదజల్లుకున్నారని. మరి ఆ తిరుమలేశుని ప్రాణంగా కొలిచే భక్తుల మనోవేదన.. ఆ దేవదేవుడికి రాజకీయాలను పులిమేశారనే అపవాదులు ఈ నేతలకు.. రాజకీయ పార్టీలకు పట్టవా? తమ తమ రాజకీయాల కోసం.. పదవుల కోసం.. కుర్చీ కోసం ఆ వెంకన్నపై నమ్మకాన్ని తాకట్టు పెట్టేస్తారా? ఏడుకొండవాడా.. వెంకటరమణ.. ఒక్కసారి కళ్ళు తెరచి చూడయా!!

 

 


NewsSting Team


      040 23600300

newsting
Daily Updates
facebooktwitterGooglewhatsappwhatsappGoogle