newssting
BITING NEWS :
*జపాన్ టీంని ఓడించిన ఇండియన్ ఉమెన్స్ హాకీ టీం *ప్రత్యేక హోదాపై తేల్చేసిన కేంద్రం... దేశంలో ఏ రాష్ట్రానికీ ప్రత్యేక హోదా ప్రకటించే అవకాశం లేదన్న ఆర్థిక మంత్రి నిర్మలా సీతారామన్*బీహార్ లో మెదడువాపు వ్యాధికి బలమయిన 152 మంది చిన్నారులు *ప్రజావేదికను కూల్చేయండి.. సీఎం జగన్ ఆదేశం*కొనసాగుతున్న ఏపీలో కలెక్టర్ల కాన్ఫరెన్స్*అఫ్గాన్‌పై బంగ్లా ఘనవిజయం

శ్రీభరత్‌కు బాబు షాక్...వైజాగ్ సీటు డౌటే!

06-03-201906-03-2019 07:01:51 IST
Updated On 06-03-2019 13:22:06 ISTUpdated On 06-03-20192019-03-06T01:31:51.610Z06-03-2019 2019-03-06T01:31:45.031Z - 2019-03-06T07:52:06.641Z - 06-03-2019

శ్రీభరత్‌కు బాబు షాక్...వైజాగ్ సీటు డౌటే!
facebooktwitterGooglewhatsappwhatsappGoogle
ఎన్నికలు ‌సమీపిస్తున్న తరుణంలో ఏపీ సీఎం చంద్రబాబు నాయుడు వ్యూహాలు ఎవరికీ అర్థం కావడం లేదు. గెలుపు గుర్రాలే లక్ష్యంగా పావులు కదుపుతున్నారు. దీంతో ఏపీలో రాజకీయ సమీకరణాల్లో అనూహ్యంగా మార్పులు చేర్పులు చోటు చేసుకుంటున్నాయి.

అభ్యర్థుల ఎంపికపై వ్యూహాత్మకంగా అడుగులు వేస్తున్నా, బంధువుల విషయంలో ఆయన నిర్మొహమాటంగా వ్యవహరించడం వారికి నచ్చడం లేదు. తాజాగా వియ్యంకుడు, సినీనటుడు బాలకృష్ణ చిన్నల్లుడు శ్రీభరత్ విషయంలో కూడా చంద్రబాబు నాయుడు వ్యవహరిస్తున్న తీరు విమర్శలకు దారితీస్తోంది. గత కొన్నాళ్ళుగా శ్రీభరత్ విశాఖపట్నం టీడీపీ పార్లమెంట్ అభ్యర్థిగా బరిలోకి దిగుతారని ప్రచారం జరిగింది. దాంతో బాలయ్య చిన్నల్లుడు భరత్ అనే నేను సినిమాలో డైలాగ్ కూడా ప్రిపేర్ అయిపోయారని అంటున్నారు.

అయితే శ్రీభరత్ ఆశలపై బాబు చన్నీళ్ళు చల్లారట. కొడుకు తోడల్లుడికి చంద్రబాబు నాయుడు ఊహించని షాక్ ఇచ్చారు.భరత్ కు టికెట్ ఇచ్చేది లేదని తేల్చి చెప్పేశారని తెలుస్తోంది. శ్రీభరత్ సినీనటుడు బాలయ్యకు చిన్నల్లుడే కాదు మాజీ ఎంపీ, దివంగత ఎమ్మెల్సీ ఎంవీవీఎస్ మూర్తి రాజకీయ వారసుడు. తన తాతయ్య ఎంవీవీఎస్ మూర్తి చనిపోవడంతో ఆయన రాజకీయ వారసుడిగా రాజకీయ ఆరంగేట్రం చేశారు శ్రీ భరత్.

ఎంవీవీఎస్ మూర్తి చనిపోయే సమయానికి  విశాఖపట్నం స్థానిక సంస్థల కోటాలో 2015లో ఎమ్మెల్సీ అయ్యారు. ఆనాటి నుంచి ఆయన ఎమ్మెల్సీగా కొనసాగుతున్నారు. ఆయన మరణానంతరం మనవడు, బాలయ్య చిన్నల్లుడు శ్రీభరత్ కు ఎమ్మెల్సీ పదవి ఇస్తారని భావించారు. కానీ అది జరగలేదు. అయితే  బుద్దా నాగజగదీశ్వర్ కు ఎమ్మెల్సీ పదవి కట్టబెట్టి శ్రీభరత్ కు హ్యాండిచ్చారు చంద్రబాబు నాయుడు. ఎమ్మెల్సీ పదవి ఇవ్వకపోవడంతో రాబోయే రోజుల్లో పెద్ద పదవే కట్టబెడతారంటూ అంతా ప్రచారం జరిగింది. 

విశాఖపట్నం పార్లమెంట్ అభ్యర్థిగా శ్రీభరత్ పోటీ గ్యారంటీ అని ప్రచారం జరిగింది. కానీ చివరాఖరికి ఆయనకు టికెట్ అనుమానం అంటున్నారు. ఇందుకు అనేక కారణాలు కూడా ఉన్నాయంటున్నారు. రాజకీయ అనుభవం లేకపోవడం, సామాజిక సమీకరణాల నేపథ్యంలో వేరొకరికి టికెట్ ఇవ్వాలని చంద్రబాబు నాయుడు భావిస్తూ ఉండవచ్చంటున్నారు.  

వైఎస్ఆర్ కాంగ్రెస్ పార్టీ తరపున కూడా కమ్మ సామాజిక వర్గానికి చెందిన ముళ్లపూడి సత్యనారాయణ అనే వ్యక్తిని బరిలోకి దించుతుంది. ఆయనకు పోటీగా  గంటా శ్రీనివాసరావును బరిలోకి దించితే టీడీపీ ఓట్లతోపాటు కాపు సామాజిక వర్గం ఓట్లు కూడా పడవచ్చని యోచిస్తున్నారు. అలాగే ఐటీ శాఖ మంత్రి నారా లోకేష్ సైతం భీమిలి నుంచి పోటీ చెయ్యాలని చూస్తున్నారు.భీమిలి నియోజకవర్గం నుంచి గెలిస్తే విజయం తథ్యమని భావిస్తున్నారు. అయితే చంద్రబాబు తీరుపై శ్రీభరత్ కుటుంబీకులు మండిపడుతున్నారు. ఎమ్మెల్సీ పదవి ఇవ్వలేదు సరికదా ఎంపీ టికెట్ కూడా ఇవ్వడం లేదని ఆవేదన వ్యక్తం చేస్తున్నారు.

అయితే లోకేష్, తన మామ బాలయ్య బాబు ద్వారా ప్రయత్నాలు చేయాలని సంకల్పిస్తున్నారు శ్రీభరత్. ఇప్పటికే పెద్ద అల్లుడు లోకేష్ తొలిసారిగా అసెంబ్లీకి పోటీ చేస్తున్నారు. బాలయ్య హిందూపురం నుంచి  పోటీ చేస్తున్నారు. మళ్ళీ చిన్నల్లుడికి కూడా టికెట్ ఇస్తే అంతా కుటుంబ పదవులు అనే విమర్శలు వస్తాయని చంద్రబాబు భావించి ఉండవచ్చంటున్నారు. 


G. Sathyanarayana Raju


గొట్టుముక్కల సత్యనారాయణరాజుకి జర్నలిజంలో విశేష అనుభవం. 21 సంవత్సరాల క్రితం జర్నలిజంలోకి ప్రవేశించిన సత్యనారాయణరాజు ప్రముఖ దినపత్రికలు, న్యూస్ ఛానెళ్ళలో బాధ్యతలు నిర్వర్తించారు. డిజిటల్ మీడియాలో ప్రవేశించి... మూడేళ్ళనుంచి వివిధ వెబ్‌సైట్లలో పనిచేశారు. ప్రస్తుతం న్యూస్‌స్టింగ్‌.ఇన్ లో సీనియర్ కంటెంట్ రైటర్‌గా పనిచేస్తున్నారు.ఫీచర్ రైటింగ్, ప్రత్యేక కథనాలు, కరెంట్ అఫైర్స్, ఎన్నికల కథనాలు, రాజకీయ కథనాల విశ్లేషణలో మంచి ప్రావీణ్యం.
 gsnraju@rightfolio.in
      040 23600300

newsting
Daily Updates
facebooktwitterGooglewhatsappwhatsappGoogle