newssting
BITING NEWS :
*ఢిల్లీలోనే జనసేన అధినేత పవన్ కల్యాణ్... పలువురు కేంద్రమంత్రులను కలిసే అవకాశం*ఇవాళ తిరుమల శ్రీవారి దర్శనానికి రానున్న సుప్రీంకోర్టు ప్రధాన న్యాయమూర్తి జస్టిస్ రంజన్ గొగోయ్..రేపు ఉదయం శ్రీవారిని దర్శించుకోనున్న చీఫ్ జస్టిస్ *జగన్ సన్ రైజ్ ఆంధ్రప్రదేశ్ ని సూసైడ్ ఆంధ్రప్రదేశ్ గా మార్చేసారు-లోకేష్ * బస్సు రోకోకి ఆర్టీసీ జేఏసీ పిలుపు.. అనుమతిలేదన్న పోలీసులు..బస్ డిపోల దగ్గర 144 సెక్షన్ విధింపు* ఇవాళ కాంగ్రెస్ పార్టీ విస్తృతస్థాయి సమావేశం.. పార్టీ అధ్యక్షత బాధ్యతలు తీసుకున్న తర్వాత సోనియా గాంధీ నేతృత్వంలో తొలిసారి కీలక భేటీ*టీడీపీ నేతలు అచ్చెన్నాయుడు, కూన రవిపై ప్రివిలేజ్ పిటిషన్ ఇచ్చిన వైసీపీ..స్పీకర్ తమ్మినేనిని పరుష పదజాలంతో దూషించారని ఫిర్యాదు *ఎన్నికలు నాకు కొత్తేమీ కాదు.. దమ్ముంటే గన్నవరంలో చంద్రబాబు, లోకేష్ పోటీచేయాలి-వంశీ సవాల్

వైసీపీ సర్కారుకు ఎదురుదాడులేగానీ పరిష్కారం పట్టదా?

05-11-201905-11-2019 01:36:52 IST
Updated On 05-11-2019 01:46:30 ISTUpdated On 05-11-20192019-11-04T20:06:52.243Z05-11-2019 2019-11-04T20:06:46.580Z - 2019-11-04T20:16:30.391Z - 05-11-2019

వైసీపీ సర్కారుకు ఎదురుదాడులేగానీ పరిష్కారం పట్టదా?
facebooktwitterGooglewhatsappwhatsappGoogle
ఏపీలో ప్రస్తుత వైసీపీ ప్రభుత్వం ఇసుక విధానంలో ఘోరంగా విఫలమైంది. గత ప్రభుత్వంలో అవినీతికి అడ్డాగా మారిందనే వాదనలతో ముందస్తు ప్రణాళికలు లేకుండానే పాత విధానాన్ని రద్దు చేసేసింది. నూతన విధానం అందుబాటులోకి తెచ్చేవరకు ఇసుక తవ్వకాలను నిలిపివేసింది. దాదాపు వంద రోజులపాటు నూతన విధానం అమల్లోకి తేలేకపోవడంతో అక్కడే సగం విఫలమైంది. ఇక అత్యంత పారదర్శకత పేరుతో తెచ్చిన నూతన విధానం కూడా ప్రజలకు భారంగా మారింది.

నూతన విధానంలో ఖర్చులు కూడా పెరగడంతో యూనిట్ ధర దాదాపు పదివేలకు చేరగా అది కూడా నిమిషాల వ్యవధిలోనే ఆన్ లైన్లో నో స్టాక్ బోర్డు కనిపిస్తుంది. ఫలితంగా నిర్మాణ పనులు అటకెక్కాయి. కార్మికులు రోడ్డున పడ్డారు. ఉపాధి లేక.. ఎప్పటికి పరిస్థితి చక్కబడుతుందో ధైర్యం చెప్పేవాళ్ళు కూడా లేక కొందరు కూలీలు ఆత్మహత్యలు చేసుకున్నారు. ప్రతిపక్షాలు ఇసుక సంక్షోభంగా గగ్గోలు పెట్టినా ప్రభుత్వం కనీసం సమస్యను ఒప్పుకొనేందుకు కూడా ఇష్టపడలేదు.

కార్మికులకు అండగా ప్రతిపక్షాలు తీవ్రంగా ప్రభుత్వం మీద ఒత్తిడి పెంచుతున్నాయి. ఏపీ రాష్ట్ర బీజేపీ ఇసుక సత్యాగ్రహం పేరుతో ప్రజలలోకి దూసుకెళ్తుంటే తాజాగా జనసేన పార్టీ అధినేత లాంగ్ మార్చ్ కార్యక్రమాన్ని తలపెట్టారు. పవన్ లాంగ్ మార్చ్ కార్యక్రమానికి టీడీపీ మద్దతు ప్రకటించడమే కాక ఆ పార్టీ సీనియర్ నేతలు కూడా కార్యక్రమంలో పాల్గొన్నారు. ఈ కార్యక్రమంలో భాగంగానే ఏర్పాటు చేసిన బహిరంగసభలో పవన్ ప్రభుత్వం మీద తీవ్రంగా విరుచుపడ్డారు.

రాష్ట్రంలో ఇసుక విధానంలో వైసీపీ సర్కార్ ఘోరంగా విఫలమైందని.. దీని ప్రభావంతో రాష్ట్రంలో అభివృద్ధి అన్నది కనిపించకుండా పోయిందని తూర్పార పట్టారు. అయితే ఒకపక్క పవన్ సభ జరుగుతుండగానే వైసీపీ నేతలు, ప్రభుత్వం పవన్ మీద ఎదురుదాడి మొదలుపెట్టింది. పవన్ కళ్యాణ్.. చంద్రబాబుకి ఇచ్చిన కాల్షీట్స్ ఇంకా ఉన్నాయంటూ.. టీడీపీకి పవన్ బీ టీం అంటూ మైకుల ముందు మాటల దాడి మొదలుపెట్టారు. టీడీపీ లేకుండా పవన్ సభ పెట్టలేడా అంటూ సాక్షాత్తు మంత్రులే విమర్శలకు దిగారు.

రాజకీయ దాడులు సరే అసలు సమస్యకు పరిష్కారమేంటి అన్నది మాత్రం ప్రభుత్వం సూటిగా చెప్పలేకపోతుంది. రాష్ట్రంలో సమస్యలను ప్రశ్నించిన పార్టీలను వైసీపీ మాటలతో మభ్యపెట్టే ప్రయత్నం చేస్తున్నట్లుగా విశ్లేషకులు అభిప్రాయపడుతున్నారు. ఒకవేళ పవన్ చంద్రబాబుకు బీ టీం అయితే మాత్రం రాష్ట్రంలో సమస్యలను ఎత్తుచూపకూడదా? ప్రతిపక్షంలో ఉన్న టీడీపీ సమస్యలపై మాట్లాడకూడదా? పోరాడే వాళ్ళకి మద్దతు ఇవ్వకూడదా? అన్నదే అర్ధం కానీ అంశం.

అసలు సమస్యను పక్కనపెట్టిన ప్రభుత్వం టీడీపీని మీ ప్రభుత్వంలో ఇసుక దోపిడీ జరగలేదా? అని ప్రశ్నించడమే విస్తుపోయేలా చేస్తుంది. గత ప్రభుత్వ వైఫల్యం వలనే ప్రజలు వైసీపీకి అత్యధిక స్థానాలని ఇచ్చి గెలిపించారు. కానీ వైసీపీ ఇప్పుడు టీడీపీ హయంలో జరిగింది కనుక మా హయంలో కూడా జరిగితే తప్పేంటి అనే విధంగా మాట్లాడడమే హాస్యాస్పదంగా మారింది. గత ప్రభుత్వం మాదిరే తాము కూడా అంటే ఆ ప్రభుత్వానికి పట్టిన గతే మీ ప్రభుత్వానికి పడుతుందని గుర్తెరిగి సమస్య పరిష్కారానికి మార్గాలను అన్వేషించాలి.. కాదు కూడదు అంటే బుద్ధిచెప్పేందుకు ప్రజలు ఎప్పుడూ సిద్దమే!

 


NewsSting Team


      040 23600300

newsting
Daily Updates
facebooktwitterGooglewhatsappwhatsappGoogle