newssting
BITING NEWS :
*దిశ కేసులో నలుగురు నిందితులను షాద్ నగర్ లో ఎన్ కౌంటర్ చేసిన పోలీసులు*దిశ కేసులో నిందితుల ఎన్‌కౌంటర్‌పై స్పందించిన జాతీయ మానవ హక్కుల కమిషన్ *దిశ ఘటన హెచ్చరిస్తోంది - పవన్ కళ్యాణ్ * నర పీడితులకు సరైన శిక్ష పడింది - మాజీ సీఎం శివరాజ్ సింగ్ చౌహన్ *దేశంలో ఒక భయంకరమైన సంఘటన జరిగింది, మీరు నిందితులను చంపకూడదు- ఎంపీ మేనకాగాంధీ * దిశకు తగిన న్యాయం జరిగింది - అక్కినేని నాగార్జున, జూనియర్ ఎన్టీఆర్, మంచు మనోజ్, నాని, పూరీజగన్నాధ్ * రూ.150కి చేరిన కిలో ఉల్లి ధర.. ఉల్లి కొనలేక ఇబ్బంది పడుతున్న ప్రజలు *దిశ ఘటన తర్వాత దేశం మొత్తం ఆగ్రహంతో ఉంది - కేజ్రీవాల్*కేంద్రీయ సైనిక్ బోర్డుకు కోటి రూపాయలు విరాళంగా ప్రకటించిన జనసేన అధినేత పవన్ కల్యాణ్*రేపిస్టులపై రాష్ట్రపతి కీలక వ్యాఖ్యలు.. రేపిస్టులపై దయ అవసరంలేదు.. నిందితులు క్షమాభిక్ష పిటిషన్ పెట్టుకునే అవకాశమే ఉండకూడదన్న రాష్ట్రపతి *నిందితుల హత్యకేసుపై దిశ తల్లిదండ్రుల స్పందన.. మా బిడ్డకు తగిన న్యాయం జరిగిందని వ్యాఖ్య

వైసీపీలోకి మరో టీడీపీనేత..!

01-10-201901-10-2019 15:53:16 IST
2019-10-01T10:23:16.257Z01-10-2019 2019-10-01T09:55:27.829Z - - 06-12-2019

వైసీపీలోకి మరో టీడీపీనేత..!
facebooktwitterGooglewhatsappwhatsappGoogle
వైసీపీలోకి వలసల పర్వం కొనసాగుతుంది. ఇతర పార్టీల్లోని నేతలు ఒక్కొక్కరిగా వైసీపీ బాట పడుతున్నారు. ఇప్పటికే టీడీపీ పార్టీ నుంచి పలువురు వైసీపీలో చేరగా.. తాజాగా విశాఖపట్టణం జిల్లా టీడీపీ సీనియర్‌ నేత వైసీపీలో చేరుతున్నట్లు గుసగుసలు వినిపిస్తున్నాయి. ఇప్పటికే సదరు నేత వైసీపీ పెద్దలతో మంతనాలు జరిపినట్లు ప్రచారం సాగుతుంది.. ఈనెల 8న ఆయన వైకాపా కండువా కప్పుకోనున్నట్లు విస్తృత ప్రచారం సాగుతుంది. ఆయనెవరా.. అనుకుంటున్నారా.. టీడీపీ సీనియర్‌ నేత పంచకర్ల రమేష్‌ బాబు. ఆయన గతకొంతకాలంగా టీడీపీ అధిష్టానంపై అసంతృప్తితో ఉన్నారు. ఈ నేపథ్యంలో టీడీపీని వీడేందుకు సిద్ధమైనట్లు తెలుస్తోంది.

పంచకర్ల రమేష్‌బాబు టీడీపీ మాజీ ఎమ్మెల్యే, విశాఖ రూరల్‌ జిల్లా పార్టీ అధ్యక్షుడు. ప్రజారాజ్యం పార్టీ తరపున 2009లో పెందుర్తి నుంచి పోటీచేసి గెలుపొందాడు. తరువాత పీఆర్‌పీ విలీనంతో కాంగ్రెస్‌ పార్టీ ఎమ్మెల్యేగా కొనసాగాడు. రాష్ట్ర విభజన సమయంలో కాంగ్రెస్‌ తీరును ఎండగట్టి బయటకు వచ్చారు. 2014లో టీడీపీలో చేరిన పంచకర్ల విశాఖ ఉత్తర నియోజకవర్గం సీటును ఆశించారు. టీడీపీ, బీజేపీ పొత్తు నేపథ్యంలో ఆ స్థానం బీజేపీ ఖాతాలోకి చేరింది. దీంతో పంచకర్ల రమేష్‌బాబును యలమంచలి నుంచి చంద్రబాబు బరిలోకి దించారు. నియోజకవర్గం కొత్త అయినప్పటికీ టీడీపీ కంచుకోట కావటంతో పంచకర్ల విజయం సాధించారు.

రమేష్‌బాబు చురుకైన నాయకుడు కావటం, కాపు సామాజిక వర్గం నేతకావటంతో విశాఖ రూరల్‌ జిల్లాకు అధ్యక్షునిగా అధిష్టానం నియమించింది. 2019లో జరిగిన ఎన్నికల సమయంలో పంచకర్ల చూపు మళ్లి విశాఖ ఉత్తర నియోజకవర్గంపై పడింది. బాబుసైతం విశాఖ ఉత్తర నియోజకవర్గం నుంచి బరిలోకి దింపేందుకు హామీ ఇచ్చినట్లు అప్పట్లో ప్రచారం జరిగింది. చివరి నిమిషంలో గంటా శ్రీనివాస్‌కు విశాఖ ఉత్తర నియోజకవర్గం సీటును అధిష్టానం కేటాయించింది. దీంతో చేసేదేమీలేక మళ్లి పంచకర్ల యలమంచలి నుంచి పోటీచేయాల్సి రావటం, ఓడిపోవటం జరిగింది.

సుధీర్ఘకాలం పార్టీలో కొనసాగుతున్న సీనియర్‌ నేతలే తనను కావాలని ఓడించారని రమేష్‌బాబు ఆగ్రహం వ్యక్తం చేస్తున్నారు. రాంబెల్లి, యలమంచలి మండలాల్లో తనకు పడ్డ ఓట్లను ప్రత్యర్థులకు పడ్డ ఓట్లను లెక్కలు తీసి అధిష్టానం వద్ద తన ఓటమికి తెదేపాలోని సీనియర్లే కారణమంటూ వెల్లడించారని తెలుస్తుంది. దీనికితోడు యలమంచిలి మున్సిపాలిటీలో ఎంపీ అభ్యర్థికి, తనకు 5వేల ఓట్ల తేడా ఉందని, దీని వెనుక కుటిల రాజకీయాలను ఉన్నాయని పంచకర్ల వాదిస్తూ వచ్చారు. దీంతో ఎన్నికల తరువాత పంచకర్ల మౌనంగా ఉండిపోయారు. రూరల్‌ విశాఖ జిల్లా అధ్యక్ష పదవికి రాజీనామా చేసి పంచకర్ల.. యలమంచలిలో తన ఓటమికి కారణాలపై పోస్ట్‌ మార్టం జరపాలని అధిష్టానంను డిమాండ్‌ చేసినట్లు సమాచారం.

ఇదే సమయంలో వైసీపీ పెద్దలు పంచకర్లను తమ పార్టీలోకి రావాలని ఆహ్వానించినట్లు చర్చ సాగుతుంది. పంచకర్ల సైతం టీడీపీలో అంతర్గత కుమ్ములాటలు భరించలేక, అధిష్టానం తీరు నచ్చక వైసీపీలో చేరేందుకు సిద్ధమైనట్లు ప్రచారం సాగుతుంది. ఇప్పటికే పలు సందర్భాల్లో వైసీపీ పెద్దలతో పంచకర్ల మతనాలు చేసినట్లు విశాఖ రూరల్‌ జిల్లాలో చర్చసాగుతుంది. ఈనెల 8న పంచకర్ల వైసీపీలో చేరేందుకు రంగం సిద్ధమైనట్లు సమాచారం.

ఇదిలా ఉంటే పంచకర్ల కొత్త నిర్ణయాలు తీసుకోవాలన్నా, ఇంట్లో ఏదైనా శుభకార్యాలు నిర్వహించాలన్నా శారదాపీఠాధిపతి స్వరూపానందేంద్ర స్వామి ఆశీర్వాదం తీసుకోవటం ఆనవాయితీగా వస్తుంది. పార్టీ మారుతున్నట్లు జిల్లాలో చర్చ సాగుతున్న నేపథ్యంలో పంచకర్ల స్వరూపానందేంద్ర స్వామిని కలిసి ఆశీర్వాదం తీసుకోవటం వైసీపీలో చేరికకు బలం చేకూరుతుందని జిల్లా ప్రజలు పేర్కొంటున్నారు. మరి పంచకర్ల టీడీపీని వీడకుండా ఎలాంటి బుజ్జగింపులకు దిగుతుందో, లేదా పంచకర్ల వెళ్లినా తమకు వచ్చే నష్టం ఏమీలేదని భావించి ఊరుకుంటుందో వేచి చూడాల్సిందే.


NewsSting Team


      040 23600300

newsting
Daily Updates
facebooktwitterGooglewhatsappwhatsappGoogle