newssting
National (Loksabha)542/542
PartyLeadWin
  NDA0348
  UPA094
  BSP+SP+RLD018
  Others082
Andhra Pradesh (Assembly)175/175
PartyLeadWin
  TDP0024
  YSRCP00150
  Janasena +0001
  Others00
Andhra Pradesh (Loksabha)22/25
PartyLeadWin
  TDP0301
  YSRCP0021
  Janasena +00
  Others00
Telangana (Loksabha)17/17
PartyLeadWin
  TRS0009
  Congress0003
  BJP0004
  Others001
Odisha (Assembly)117/147
PartyLeadWin
  BJD1895
  Congress0307
  BJP0715
  Others010
BITING NEWS :
* ఏపీ సీఎం చంద్రబాబు రాజీనామా ఆమోదించిన గవర్నర్ నరసింహన్ * ఒక్క సీటుకే పరిమితం అయిన జనసేన.. పవన్ రెండుచోట్ల ఓటమి * జగన్ కు శుభాకాంక్షలు, అభినందనలు తెలిపిన చంద్రబాబు * పులివెందులలో జగన్ ఘన విజయం.. 30న ప్రమాణ స్వీకారం చేస్తానని ప్రకటించిన జగన్*వెంకటగిరిలో 38,557 ఓట్ల ఆధిక్యంలో వైసీపీ అభ్యర్ధి ఆనం రాంనారాయణరెడ్డి * ఏపీలో ఫలితాలపై టీడీపీ నేతల షాక్.. ఫలితాలపై తమ అంచనాలు తారుమారయ్యాయన్న నేతలు *తెలంగాణ లోక్ సభ ఎన్నికలలో రేవంత్, ఉత్తమ్, కోమటిరెడ్డి విజయం

వెంకటగిరి.... గురి ఎవరిది?

28-03-201928-03-2019 08:45:22 IST
Updated On 28-03-2019 18:52:31 ISTUpdated On 28-03-20192019-03-28T03:15:22.595Z28-03-2019 2019-03-28T03:15:12.838Z - 2019-03-28T13:22:31.947Z - 28-03-2019

వెంకటగిరి.... గురి ఎవరిది?
facebooktwitterGooglewhatsappwhatsappGoogle
ఏపీ ఎన్నికల్లో హాట్ సీట్‌గా మారింది నెల్లూరు జిల్లా వెంకటగిరి నియోజకవర్గం. అక్కడ పోటీచేస్తున్నది మాజీ ఆర్థిక మంత్రి ఆనం రాంనారాయణరెడ్డి. ఆయన్ని ఎలాగైనా ఓడించాలని టీడీపీ సర్వప్రయత్నాలు చేస్తోంది. అయితే ఆయన గెలుపు నల్లేరుమీద బండి నడక అని ధీమాతో వున్నారు వైసీపీ నేతలు. 

వెంకటగిరి ఉద్యమాలకు కేరాఫ్ అడ్రస్. జమిందారీ వ్యతిరేక పోరాటం పురుడు పోసుకుంది వెంకటగిరిలోనే. రాజకీయంగా చైతన్యవంతమైన ప్రాంతం. వెంకటగిరి అంటే గుర్తుకు వచ్చేది వెంకటగిరి సంస్థానం, రాజా కుటుంబీకులు, చేనేత పరిశ్రమ. ఇక నియోజకవర్గంలోని రాపూరు మండలంలోని చెల్లటూరు వద్ద 1983లో నిర్మించిన కండలేరు జలాశయం. ఆసియాలోనే మట్టితో నిర్మించిన అతిపెద్ద డ్యామ్‌ ఇది. 

వెంకటగిరి చేనేత పరిశ్రమకు ప్రసిద్ధి. జియోగ్రాఫికల్‌ ఐడెంటిఫికేషన్‌ కలిగిన వెంకటగిరి చేనేత ఉత్పత్తులు ప్రపంచవ్యాప్త గుర్తింపు సాధించాయి. నియోజకవర్గంలోని సైదాపురం మండలంలో మైకామైన్‌ పరిశ్రమ వుంది. అరుదైన మైకా ఖనిజ సంపద వెంకటగిరిలో లభ్యమవుతుండడంతో ప్రత్యేకతను చాటుకుంది. రాష్ట్రంలోనే ప్రసిద్ధి చెందిన పెంచలకోన లక్ష్మీనరసింహస్వామి దేవస్థానం నియోజకవర్గంలోని రాపూరు మండలంలో ఉంది.

అంతటి విశిష్టత కలిగిన వెంకటగిరి నియోజకవర్గంలో ఎందరో ఉద్దండులు ఎమ్మెల్యేలుగా గెలిచి మంత్రులు, సీఎంగా పనిచేసిన చరిత్ర ఉంది. అయితే  ఇప్పుడు అక్కడ పాగా వేయాలని వైసీపీ భావిస్తోంది. అధికారపార్టీ ఎమ్మెల్యే కె.రామకృష్ణ ప్రతి పనిలోనూ మామూళ్లు ముక్కుపిండి వసూళ్లు చేస్తారనే ఆరోపణలున్నాయి. కృష్ణపట్నం ఓబులవారిపల్లి రైల్వే పనులు చేసిన కాంట్రాక్టర్‌ నుంచి రూ.కోట్లు డిమాండ్‌ చేయడం, వారు నిరాకరించడంతో తన అనుచరులతో పనులు అడ్డగించడం, కాంట్రాక్టర్లను కమీషన్‌ డిమాండ్‌కు సంబంధించి ఆడియో టేపులు లీకై రాష్ట్రంలో పెద్ద దుమారం రేపింది.

అయినా వెంకటగిరి నియోజకవర్గంలో తానే రాజు, తానే మంత్రి అన్నట్లు నియంత్రత్వ పోకడతో వ్యవహరించినా పార్టీ అధిష్టానం ఆయన్ను చూసీ చూడనట్లు వ్యవహరించిందనే ఆరోపణలు ఉన్నాయి. ఇక  టీడీపీలో  కనీస గౌరవం దక్కక వివాద రహితులైన వెంకటగిరి రాజా కుటుంబీకులు సాయికృష్ణయాచేంద్ర, సర్వజ్ఞకుమార యాచేంద్ర, రామ్‌ప్రసాద్‌ యాచేంద్ర ఆ పార్టీని వీడి వైఎస్సార్‌సీపీలో చేరారు. మున్సిపల్‌ చైర్‌పర్సన్‌ దొంతు శారద సైతం ఎమ్మెల్యే పెట్టిన అవమానాలు భరించలేక ఆ పార్టీని వీడి వైఎస్సార్‌సీపీలో చేరడం గమనార్హం.

Image may contain: 5 people, people smiling, people standing and outdoor

సుదీర్ఘమైన రాజకీయ అనుభవం కలిగిన మాజీ మంత్రి ఆనం రామనారాయణరెడ్డి వైఎస్సార్‌సీపీ అభ్యర్థిగా ప్రకటించడంతో ఈ ప్రాంత అభివృద్ధిపై స్థానికుల్లో ఆశలు చిగురించాయి. వెంకటగిరి నియోజకవర్గంలో విద్య, వైద్యం, సాగునీటి రంగాల్లో మౌలిక వసతులు కోసం ఆనం రామనారాయణరెడ్డి ప్రకటిస్తున్న సమగ్ర ప్రణాళికపై పార్టీలకు అతీతంగా మద్దతు లభిస్తుండడంతో ఈ దఫా ఎన్నికల్లో ఆనం రామనారాయణరెడ్డి గెలుపు తథ్యమని రాజకీయ పరిశీలకులు చెబుతున్నారు. 

2014లో జరిగిన మున్సిపల్‌ ఎన్నికల్లో జిల్లా అంతా వైఎస్సార్‌సీపీ గాలి వీచినా వెంకటగిరి మున్సిపాలిటీలో 25 వార్డులకు గానూ 21 వార్డుల్లో టీడీపీకి పట్టం కట్టారు. ఈ విజయాల పరంపర వెనుక  వెంకటగిరి రాజాల కృషి ఉందనేది నిర్విదాంశం. అయితే టీడీపీలో తగిన ప్రాధాన్యం దక్కక రాజా కుటుంబీకులు వైస్సార్‌సీపీలో చేరడంతో ఈసారి టీడీపీకి పరాభవం తప్పదంటున్నారు. . 2014 ఎన్నికల్లో  టీడీపీ అభ్యర్ధి కురుగొండ్ల   రామకృష్ణ 83,669 ఓట్లు సాధించారు. సమీప ప్రత్యర్ధి వైఎస్సార్‌సీపీ నేత కొమ్మి  లక్ష్మయ్యనాయుడు 78,034 ఓట్లు సాధించి గట్టిపోటీ ఇచ్చారు. టీడీపీ అభ్యర్ధికి కేవలం 5,635 ఓట్ల ఆధిక్యత లభించింది. ఈసారి 20 వేల మెజారిటీతో గెలవాలని ఆనం పట్టుదలతో వున్నారు.

పసుపు కుంకుమ చెక్కుల పేరుతో చంద్రబాబు నాయుడు జనాన్ని మోసం చేస్తున్నారని వెంకటగిరి వైసిపి అభ్యర్ధి ఆనం రామనారాయణరెడ్డి ఆరోపించారు. రైతు రుణమాఫీ డ్వాక్రా మహిళల రుణమాఫీ చేయకుండా ఇప్పుడు ఎన్నికల సమయంలో మళ్లీ అధికారంలోకి వస్తే అన్ని మాఫీ చేస్తానని చంద్రబాబు మరో నాటకానికి తెర తీశారని ఎద్దేవా చేశారు ఆనం. 

అందుకు తగ్గట్టుగా నియోజకవర్గంలోని ప్రతి సమస్యను ప్రస్తావిస్తున్నారు. చంద్రబాబు అధికారంలోకి వచ్చిన తర్వాత ఒక లోకేష్‌కి మినహా వేరెవరికి ఉద్యోగం రాలేదని ఆరోపించారు. ఈ ఎన్నికల్లో వైసీపీని గెలిపించాలని ఫ్యాన్ గుర్తుకే ఓటేయాలని ఆనం కోరారు. జగన్ సీఎం అయితే రాష్ట్రం బాగుపడుతుందని అందరి జీవితాల్లో ఆనందం వస్తుందని చెప్పారు. చంద్రబాబు పాలనలో రైతులు యువతీ యువకులు ఉద్యోగులు అన్ని వర్గాల వారు మోసపోయారని తెలిపారు. నలభై సంవత్సరాల చంద్రబాబు రాజకీయ అనుభవం 40 ఏళ్ల జగన్ వయసు ముందు తేలిపోయిందని ఆరోపించారు. మొత్తం మీద వెంకటగిరి సంస్థానంపై ఆనం తనదైన ముద్రవేయాలని శతవిధాలా ప్రయత్నాలు చేస్తున్నారు. 


G. Sathyanarayana Raju


గొట్టుముక్కల సత్యనారాయణరాజుకి జర్నలిజంలో విశేష అనుభవం. 21 సంవత్సరాల క్రితం జర్నలిజంలోకి ప్రవేశించిన సత్యనారాయణరాజు ప్రముఖ దినపత్రికలు, న్యూస్ ఛానెళ్ళలో బాధ్యతలు నిర్వర్తించారు. డిజిటల్ మీడియాలో ప్రవేశించి... మూడేళ్ళనుంచి వివిధ వెబ్‌సైట్లలో పనిచేశారు. ప్రస్తుతం న్యూస్‌స్టింగ్‌.ఇన్ లో సీనియర్ కంటెంట్ రైటర్‌గా పనిచేస్తున్నారు.ఫీచర్ రైటింగ్, ప్రత్యేక కథనాలు, కరెంట్ అఫైర్స్, ఎన్నికల కథనాలు, రాజకీయ కథనాల విశ్లేషణలో మంచి ప్రావీణ్యం.
 gsnraju@rightfolio.in
      040 23600300

newsting
Daily Updates
facebooktwitterGooglewhatsappwhatsappGoogle