newssting
BITING NEWS :
*మంగళగిరి ఎమ్మెల్యే ఆళ్ల రామకృష్ణారెడ్డి కార్యాలయంలో భారీ చోరీ*పాకిస్తాన్‌లో హైదరాబాద్‌ వాసి అరెస్ట్‌...అరెస్ట్‌ అయిన వ్యక్తి ప్రశాంత్‌ గా గుర్తింపు* రాజమండ్రి రైల్వేస్టేషన్ సమీపంలో పట్టాలు తప్పిన గూడ్స్ రైలు*ఇవాళ సమ్మెపై తుది నిర్ణయం.. జడ్జిమెంట్‌ కాపీ చూశాక తుది నిర్ణయం.. సమ్మె యథాతథంగా కొనసాగుతుంది.. సడక్‌బంద్, రాస్తారోకోలు మాత్రం వాయిదా-అశ్వత్థామరెడ్డి*దీక్ష విరమించినా ఆర్టీసీ జేఏసీ ఆందోళన కొనసాగుతుంది-కోదండరాం*ఆర్టీసీ సమ్మెపై విచారణ ముగించిన హైకోర్టు *హైకోర్టుకు కొన్ని పరిమితులుంటాయి.. పరిధిదాటి ముందుకు వెళ్లలేం.. కార్మికశాఖ చూసుకుంటుంది.. 2 వారాల్లో సమస్య పరిష్కరించాలని సూచిస్తాం-హైకోర్టు

వివాదాస్పద జీవోను విడుదల చేసిన ఏపీ ప్రభుత్వం

31-10-201931-10-2019 12:08:45 IST
Updated On 31-10-2019 15:10:47 ISTUpdated On 31-10-20192019-10-31T06:38:45.917Z31-10-2019 2019-10-31T06:38:32.724Z - 2019-10-31T09:40:47.238Z - 31-10-2019

వివాదాస్పద జీవోను విడుదల చేసిన ఏపీ ప్రభుత్వం
facebooktwitterGooglewhatsappwhatsappGoogle
పత్రికా స్వేచ్ఛకు భంగం కలిగించవద్దని ప్రాంతీయ మీడియా నుంచి జాతీయ మీడియా వరకు అభ్యర్థించినా, హెచ్చరించినా ఆంధ్రప్రదేశ్ ప్రభుత్వం వివాదాస్పదమైన జీవోను చెప్పినట్లుగానే విడుదల చేసింది. రాష్ట్ర ప్రభుత్వం గురించి నిరాధారమైన వార్తలు పత్రికలు రాసినా, ప్రచురించినా, ప్రసారం చేసినా చట్టపరమైన చర్చలు తీసుకోవడానికి ఈ చట్టం అవకాశమిస్తోంది. అలాగే సోషల్ మీడియాలో పోస్ట్ చేసిన వ్యక్తులు, సంస్థలపై చట్టపరమైన చర్యలు తీసుకునేలా వైఎస్ జగన్ మోహన్ రెడ్డి ప్రభుత్వం జీవో జారీ చేసింది. 

అయితే నిరాధార వార్తలు రాసిన వారిని అరెస్టులు చేయడం కాకుండా సదరు వార్తలు ప్రచురించిన పబ్లిషర్లు, ఎడిటర్లపై చట్టపరమైన చర్యలు తీసుకోవడంతోపాటు న్యాయపరంగా కేసులు దాఖలు చేసే అధికారాన్ని కూడా ఆయా ప్రభుత్వ విభాగాల కార్యదర్శులకు కల్పిస్తూ రాష్ట్ర ప్రభుత్వం ఉత్తర్వులిచ్చింది.

ఈ జీవోను రూపొందించాలని అక్టోబర్ 16నే రాష్ట్ర మంత్రిమండలి నిర్ణయించుకుంది. దీంతో రాష్ట్ర వ్యాప్తంగా జర్నలిస్టు యూనియన్లు, పౌర సమాజ సంస్థలు, ప్రతిపక్ష పార్టీలు తీవ్రంగా నిరసన తెలిపారు. అయితే అప్పట్లోనే పాలక పక్షం వివరణనిస్తూ ఇది అధికార వికేంద్రీకరణ చర్య మాత్రమేనని సమాచార, ప్రజాసంబంధాల కమిషనర్‌కి మాత్రమే దఖలు పడి ఉన్న అధికారాలను ఆయా ప్రభుత్వ విభాగాల అధికారులకు బదలాయిస్తున్నట్లు పేర్కొంది. 

పైగా నిరాధార వార్తలు ప్రచురించి ప్రభుత్వ గౌరవానికి భంగం కలిగించే వారిపై కేసులు నమోదు చేయడం అనేది చిట్టచివరి ప్రయత్నంగానే ఉంటుందని రాష్ట్ర ప్రభుత్వం అప్పట్లోనే స్పష్టం చేసింది. నిరాధార వార్తలు ప్రచురిస్తే సదరు ప్రచురణా సంస్థకు మొదట రిజాయిండర్ పంపుతామని తప్పు వార్త పట్ల వివరణను మరుసటి రోజు అదే స్పేస్‌లో ప్రచురించాలని కోరతామని ప్రభుత్వం తెలిపింది.

కానీ తన చర్య ప్రజాస్వామిక పద్ధతులకు విరుద్ధమని, పత్రికా స్వేచ్ఛపై ప్రత్యక్ష దాడి మాత్రమేనని రాష్ట్ర ప్రభుత్వంపై నలు దిశల నుంచి తీవ్ర విమర్శలు వెల్లువెత్తాయి. కానీ ప్రభుత్వ విభాగాలకు సంబంధించిన వివిధ అంశాలను ఎలాంటి వక్రీకరణ, దురభిమానాలు లేకుండా ప్రచురించేలా చేయడమే తమ ప్రయత్నమని ప్రభుత్వం సమర్థించుకుంది.

అయితే ప్రభుత్వ వివరణ జర్నలిస్టు సోదరుల భయాందోళనలను తగ్గించడంలో విఫలమైంది. మీడియా సంస్థలను లక్ష్యంగా చేసుకుని అధికార దుర్వినియోగానికి పాల్పడే అవకాశాలు మెండుగా ఉన్నాయని. ప్రత్యేకించి పాలక పార్టీ లేక ప్రభుత్వాన్ని విమర్శించే ప్రచురణ సంస్థలను వేధిస్తారని భయాలు కూడా వ్యాపించాయి. 

మీడియా సంస్థల ఆందోళనను ఖాతరు చేయని వైఎస్ జగన్ ప్రభుత్వం అనుకున్నంత పనీ చేసింది. మీడియాను ఎలాగోలా అదుపు చేయడానికి వీలు కల్పించే ఈ జీవో న్యాయపరంగా నిలబడుతుందా అనేది ప్రశ్నార్థకమే. 

వైఎస్ జగన్ ప్రభుత్వం విడుదల చేసిన ఈ వివాదాస్పద జీవోపై మాజీ ముఖ్యమంత్రి, తెలుగుదేశం పార్టీ అధినేత చంద్రబాబు నాయుడు మండిపడ్డారు. భావ ప్రకటన స్వేచ్ఛను హరించే విధంగా ఈ జీవో ఉందని ఆయన అన్నారు. ‘‘ప్రశ్నించడం, విమర్శించడం, ప్రభుత్వ వైఫల్యాలను ఎత్తి చూపడం.. ప్రజాస్వామ్యం కల్పించిన హక్కు.

ప్రభుత్వం జారీ చేసిన జీవో 2430 భావ ప్రకటన స్వేచ్ఛను హరించే విధంగా ఉంది. ప్రజా గొంతుకను నొక్కేయడానికే వైసీపీ పార్టీ దీన్ని అమలులోకి తెచ్చింది. దీంతో ప్రభుత్వ వైఫల్యాలను ఎత్తి చూపిన మీడియ సంస్థలపై, ప్రజలపై పోలీసులు తప్పుడు కేసులు పెట్టే ఆస్కారాన్ని కల్పించారు. ఈ జీవోని రద్దు చేసే వరకూ అవసరమైతే మేము రోడ్లెక్కి నిరసనలు చేపట్టడానికి కూడా సిద్ధంగా ఉన్నాము’’ అని బాబు ట్వీట్ చేశారు.

ఈ వివాదాస్పద జీవో పర్యవసానాలు ఎలా ఉండబోతాయన్నది తెలియడానికి వేచి చూడాల్సిందే మరి.


NewsSting Team


      040 23600300

newsting
Daily Updates
facebooktwitterGooglewhatsappwhatsappGoogle