newssting
BITING NEWS :
*దేశంలో భారీగా పెరిగిన కరోనా పాజిటివ్ కేసులు.. మొత్తం కేసులు 6, 25,544, యాక్టివ్ కేసులు.. 2,27,439, డిశ్చార్జి అయినవారు 3,79,891 మరణాల సంఖ్య 18,213 *తెలంగాణలో భారీగా పెరిగిన కరోనా కేసులు 1213, మొత్తం కేసులు.. 18,570 *ప్రముఖ బాలీవుడ్ కొరియోగ్రాఫర్ సరోజ్ ఖాన్ కన్నుమూత.. గుండెపోటుతో ముంబైలోని ఓ ఆస్పత్రిలో చికిత్స పొందుతూ మృతి *ఔట్ సోర్సింగ్ కార్పోరేషన్ ను ప్రారంభించనున్న సీఎం జగన్ *199వ రోజుకు చేరిన అమరావతి రైతుల ఆందోళనలు*జేఈఈ, నీట్ నిర్వహణపై ఇవాళ నివేదిక ఇవ్వాలని కమిటీకి కేంద్రం ఆదేశం *మాజీ మంత్రి అచ్చెన్నాయుడుని ఆస్పత్రికి తరలించాలన్న పిటిషన్ పై హైకోర్టులో విచారణ *ఢిల్లీకి వైసీపీ ఎంపీ బృందం... లోక్ సభ స్పీకర్ కు నర్సాపురం ఎంపీపై అనర్హత పిటిషన్ ఇవ్వనున్న ఎంపీలు * *యూపీలో రెచ్చిపోయిన రౌడీ మూకలు..కాల్పుల్లో 8 మంది పోలీసుల మృతి*ఏపీలో 16,097 కి చేరిన పాజిటివ్ కేసులు.. 5868 మంది డిశ్చార్జ్.. 198 మంది మృతి.. చికిత్స పొందుతున్నవారి సంఖ్య 7,559

విలువలతో కూడిన విద్య ఇంగ్లీషుతో రాదా స్వామీ!

25-11-201925-11-2019 08:40:57 IST
2019-11-25T03:10:57.518Z25-11-2019 2019-11-25T03:10:53.375Z - - 03-07-2020

విలువలతో కూడిన విద్య ఇంగ్లీషుతో రాదా స్వామీ!
facebooktwitterGooglewhatsappwhatsappGoogle
రెండు రోజుల వ్యవధిలో ఇద్దరు స్వాములు.. ఒక రాజ్యాంగ పదవిని అలంకరించి ఫక్తు రాజకీయనేత... విలువలతో కూడుకున్న విద్య గురించి తమ అభిప్రాయాలు చెప్పారు. మాతృభాషలో విద్యాభ్యాసం తప్పనిసరి అనే కోణం నుంచి మొదలు పెట్టి విద్యలో విలువల బోధన చాలా ముఖ్యమని ఈ ప్రముఖులు పేర్కొన్నారు. ఆంధ్రప్రదేశ్‌లో 6 నుంచి 10 వరకు ఇంగ్లీషును విద్యా మాధ్యమంగా చేస్తూ వైఎస్ జగన్ ప్రభుత్వం తీసుకొచ్చిన జీవోకు వ్యతిరేకంగా ప్రతిపక్షాలు నానా యాగీ చేసి ప్రస్తుతం రకరకాల కారణాలతో చల్లబడి సన్నాయి నొక్కులు నొక్కుతున్నాయి. ఈ నేపథ్యంలో ఇంగ్లీషు అవసరమే కానీ మాతృభాషను విస్మరించవద్దని కొందరు.. మీడియం తెలుగా, ఇంగ్లీషా అనేది కీలకం కాదని విద్యలో విలువలు ఉన్నాయా అనేది ప్రధానాంశమని ఇప్పుడు ఆథ్యాత్మక స్వాములు చెబుతుండటం గమనించదగ్గ విషయం. పైగా వీరి అభిప్రాయాలు ఒక్కో పత్రికలో ఒక్కో రకంగా రావడంతో ఎవరు ఏమి చెప్పారు అనే విషయంలో స్పష్టత రాలేదు. పత్రికలలో వెలువడిన వారి వ్యక్తీకరణలను చూసిన తర్వాతే వారి ఉద్దేశాలను అర్థం చేసుకోవాల్సి ఉంటుంది.

తెలుగు, ఇంగ్లీషు మీడియంలు ముఖ్యం కాదు. విలువలతో కూడిన విద్య ఉందా లేదా అనే విషయమే ముఖ్యం. అలాంటి విద్య లేనందునే తండ్రిని కొడుకు, తల్లిని కూతురు చంపుతున్న ఘటనలు చూడాల్సి వస్తోంది. ప్రభుత్వ కార్యాలయాల్లో తెలుగు భాష లేకపోవడం వల్లే తెలుగు అంతరించిపోతోంది. అని చిలుకూరి బాలాజీ ఆలయ ప్రధాన అర్చకుడు రంగరాజన్ పేర్కొన్నారు. 

అదే సమయంలో నైపుణ్యం కోసం ఆంగ్ల మాధ్యమం కావాల్సిందే. అలాగని మాతృభాషను విస్మరించకూడదు. మనం మన ధర్మాన్ని అనుసరించినంత కాలం అన్యమత ప్రచారం వల్ల భారతీయ ధర్మానికి ఏమీ కాదు. తెలుగు రాష్ట్రాల్లో పురాతన ఆలయాలను అభివృద్ధి చేయాలి అని దత్తపీఠాధిపతి గణపతి సచ్చిదానందస్వామి తెలిపారు.

అదే సమయంలో మాతృభాషలో విద్యాభ్యాసం కూడా తప్పనిసరి అని ఉపరాష్ట్రపతి ఎం.వెంకయ్య నాయుడు మళ్లీ నొక్కి చెప్పారు. ఢిల్లీలో గవర్నర్ల సదస్సులో పాల్గొన్న ఆయన ఒక ప్రాంత సంస్కృతికి అక్కడి ప్రజల మాతృభాషే జీవనాడి అని, అలాంటి మాతృభాషను ప్రోత్సహించడం, కాపాడుకునే దిశగా రాష్ట్ర ప్రభుత్వాలను ప్రోత్సహించాలని విజ్ఞప్తి చేశారు. సంస్కృతి, సంప్రదాయాలను కాపాడుకోవడంపై ప్రతి ఒక్కరూ చొరవ చూపాలన్నారు. 

 పైగా రాజ్యాంగంలోని ఆర్టికల్ 350-ఏ ప్రకారం రాష్ట్ర ప్రభుత్వాలు మాతృభాషలోనే విద్యాభ్యాసం జరిగేలా చర్యలు తీసుకోవాలని సూచించారు. రాష్ట్ర ప్రభుత్వాలు మాతృభాషలోనే ప్రాధమిక విద్యాభ్యాసం జరిగేలా చొరవ తీసుకోవాలని అన్నారు. అన్ని భారతీయ భాషలకు సరైన గౌరవం దక్కాలని, మాతృభాషతో పాటు ఇతర భాషలు నేర్చుకోవడంలో తప్పు లేదని, కానీ భారతీయ భాషలకు ప్రమాదకర పరిస్థితి రాకుండా జాగ్రత్త పడాలని పేర్కొన్నారు.

ఈ ప్రముఖుల అభిప్రాయాలు ఏవీ తప్పు పట్టాల్సినవి కావు. విస్తృతార్థలో ఈ ముగ్గురు వాదనలూ అంగీకరించాల్సిందే. కానీ 70 ఏళ్ల స్వతంత్ర పాలనలో మాతృభాషల్లో విద్యాబ్యాసాన్ని అటకెక్కించి, ఇంగ్లిషుకు పట్టం కట్టిన విషమ పరిణామాలకు ఎవరు కారకులు అనే ప్రధానాంశం జోలికి వెళ్లకుండా హితవ్యాక్యాలు పలికితే ప్రయోజనం ఎవరికి అనేదే అసలు ప్రశ్న. దేశమంతటా 50 శాతం పైగా కాన్వెంట్లలో ఇంగ్లిషు మాధ్యమాన్ని దశాబ్దాల పాటు కొనసాగిస్తూ, తమ పిల్లలను అక్కడే చదివించి తాము తరిస్తూ, వారినీ తరింప చేస్తున్న వారు కూడా హితవాక్యాలు పలికితే అది ద్వంద్వ ప్రమాణం కాదా. కపటత్వం కాదా.. 

అన్నిటికంటే ముఖ్యమైనది గత రెండు తరాల పిల్లలు అటు ఇంగ్లీషు, ఇటు తెలుగు రెండు భాషల్లో నైపుణ్యం లేని అధోగతికి చేరుకోవడానికి కారణమెవ్వరు. అది తెలుగైనా, ఇంగ్లీషైనా బట్టీ కొట్టి నూటికి 90 పైగా మార్కులను తెచ్చుకుంటున్న వారి విద్యా నైపుణ్యం, భాషా నైపుణ్యం దేశీయ మార్కెట్లో అంతర్జాతీయ మార్కెట్లో వెలవెలబోతోంది. అటు మాట్లాడే అంటే కమ్యూనికేషన్ నైపుణ్యమూ లేక ఇక మంచి భాషలో రాసే నైపుణ్యం లేక గత రెండు తరాల పిల్లలు లక్షలాదిమంది ఉద్యోగాలు లేక వీధులపాలవుతున్న దుస్థితికి కారకులెవ్వరు?

ఈ కీలకమైన అంశాన్ని విస్మరించి తెలుగు కావాలి. ఇంగ్లీషు కావాలి అంటూ వాదులాడుకుంటూంటే విద్యా బోధనలో బట్టీ చదువులు తప్పితి మరే మౌలిక మార్పులు రావు. తెలుగులోనే, మాతృభాషలోనే బట్టీల కొట్టే చదవు తప్పనప్పుడు ఇంగ్లీషును మాధ్యమం చేస్తే పిల్లలు ఇంకాస్త బట్టీ కొట్టవలసి రావడం తప్పదు.

ఈ బట్టీ చదువుల ఖర్మ వల్లే మన విద్యార్థులకు ఏ అంతర్జాతీయ అవార్డులూ రావు. రాబోవు కూడా. మాతృభాషకు ద్రోహం అని ఒకరు, పేద పిల్లలకు ఇంగ్లీషు చదువులొద్దా అని మరొకరూ చీలిపోయి ఆధిపత్య రాజకీయాల్లోకి భాషను, బోధనను తీసుకు వెళితే సమస్య అసలు పరిష్కారం కాదు.

 

 

 

 

 

 

ఈఎస్ఐ స్కాం... అచ్చెన్నాయుడి బెయిల్ తిరస్కరణ

ఈఎస్ఐ స్కాం... అచ్చెన్నాయుడి బెయిల్ తిరస్కరణ

   4 hours ago


సీఎం జగన్ పై పవన్ ప్రశంసలు.. ఆ నిర్ణయం అభినందనీయం

సీఎం జగన్ పై పవన్ ప్రశంసలు.. ఆ నిర్ణయం అభినందనీయం

   4 hours ago


వరదలతో అసోం విలవిల.. 34మంది మృతి

వరదలతో అసోం విలవిల.. 34మంది మృతి

   4 hours ago


ప్రగతి భవన్‌ను తాకిన కరోనా సెగ.. ఐదుగురికి పాజిటివ్

ప్రగతి భవన్‌ను తాకిన కరోనా సెగ.. ఐదుగురికి పాజిటివ్

   8 hours ago


ఏపీలో కరోనా నివారణకు అన్ లాక్ 2.0 మార్గదర్శకాలు

ఏపీలో కరోనా నివారణకు అన్ లాక్ 2.0 మార్గదర్శకాలు

   10 hours ago


హైకోర్టుకి ఎంపీ... అనర్హత, సస్పెన్సన్ అడ్డుకోవాలని రఘురామ పిటిషన్

హైకోర్టుకి ఎంపీ... అనర్హత, సస్పెన్సన్ అడ్డుకోవాలని రఘురామ పిటిషన్

   13 hours ago


కేబినెట్ విస్తరణకు జగన్ రెడీ.. బెర్త్‌లు దక్కే అదృష్టవంతులెవరో?

కేబినెట్ విస్తరణకు జగన్ రెడీ.. బెర్త్‌లు దక్కే అదృష్టవంతులెవరో?

   13 hours ago


కలవరం కలిగిస్తున్న కరోనా భూతం .. సగం హైదరాబాద్ ఖాళీ

కలవరం కలిగిస్తున్న కరోనా భూతం .. సగం హైదరాబాద్ ఖాళీ

   14 hours ago


ఆ మూడు విష‌యాల్లో జ‌గ‌న్‌కు ఫుల్ మార్కులు ప‌డ్డ‌ట్లే..!

ఆ మూడు విష‌యాల్లో జ‌గ‌న్‌కు ఫుల్ మార్కులు ప‌డ్డ‌ట్లే..!

   15 hours ago


ప‌ట్టు కోల్పోతున్న చోట మ‌ళ్లీ క‌విత న‌జ‌ర్‌..!

ప‌ట్టు కోల్పోతున్న చోట మ‌ళ్లీ క‌విత న‌జ‌ర్‌..!

   15 hours ago


ఇంకా

NewsSting Team


      040 23600300

newsting
Daily Updates
facebooktwitterGooglewhatsappwhatsappGoogle