newssting
BITING NEWS :
*శబరిమల వివాదంపై సుప్రీం తీర్పు.శబరిమల వివాదం విస్తృత ధర్మాసనానికి బదిలీ *రాఫెల్‌ డీల్‌ : కేంద్రానికి క్లీన్‌చిట్‌ .. రివ్యూ పిటిషన్లు కొట్టివేత *రాహుల్ గాంధీకి రిలీఫ్.. పరువునష్టం కేసుపై సుప్రీం తీర్పు *వైసీపీలో చేరనున్న తెలుగు యువత రాష్ట్ర అధ్యక్షుడు దేవినేని అవినాష్*ఆర్టీఐ పరిధిలోకి సీజేఐ ఆఫీస్.. సుప్రీం మరో సంచలన తీర్పు*ఏపీ కొత్త సీఎస్‌గా నీలం సహాని...నిన్న రాత్రి ఉత్తర్వులు జారీ చేసిన ఏపీ సర్కార్....ఇవాళ బాధ్యతలు స్వీకరించిన నీలం సహాని *ఇసుక కొరతపై చంద్రబాబు దీక్ష...12 గంటల పాటు దీక్షలో కూర్చున్న బాబు* ప్రకాశం జిల్లాలో సీఎం జగన్ పర్యటన...మనబడి నాడు - నేడు కార్యక్రమానికి శ్రీకారం*విశాఖ: బ్లూ ఫ్రాగ్ మొబైల్ టెక్నాలజీస్ సంస్థలో సీఐడీ సోదాలు.. మన శాండ్ ఆన్‌లైన్ ఇసుక సరఫరా వెబ్‌సైట్ హ్యాక్ చేసినట్టు అనుమానం*ఢిల్లీ: అయోధ్య ట్రస్ట్ ఏర్పాటుకు కేంద్ర ప్రభుత్వం కసరత్తు.. పార్లమెంట్‌లో అయోధ్య ట్రస్ట్ బిల్లు ప్రవేశపెట్టనున్న కేంద్రం*ఆర్టీసీ సమ్మెపై విచారణను ఈనెల 18కి వాయిదా వేసిన హైకోర్ట్*అమరావతి: పెట్టుబడులు వెనక్కి వెళ్లిపోతున్నాయనడం కరెక్ట్ కాదు.. చంద్రబాబు, లోకేష్ తప్పుడు ప్రచారం చేస్తున్నారు: మంత్రి బొత్స

వారిని ప‌వ‌న్ క‌ళ్యాణ్ ఆప‌లేరా..?

05-10-201905-10-2019 07:45:57 IST
Updated On 05-10-2019 15:30:08 ISTUpdated On 05-10-20192019-10-05T02:15:57.146Z05-10-2019 2019-10-05T02:15:54.632Z - 2019-10-05T10:00:08.039Z - 05-10-2019

వారిని ప‌వ‌న్ క‌ళ్యాణ్ ఆప‌లేరా..?
facebooktwitterGooglewhatsappwhatsappGoogle
జ‌న‌సేన పార్టీ అధినేత ప‌వ‌న్ క‌ళ్యాణ్‌కు గ‌త ఎన్నిక‌ల  ఓట‌మి అనేక గుణ‌పాఠాల‌ను నేర్పి ఉంటుంది. ఎన్నిక‌ల ముందు ప‌వ‌న్ క‌ళ్యాణ్ చెంత‌కు చేరిన నేత‌లంతా ఇప్పుడు వ‌రుస‌బెట్టి గుడ్‌బై చెబుతున్నారు.

ఎన్నిక‌ల ముందు ప‌వ‌న్ క‌ళ్యాణ్ ముఖ్య‌మంత్రి అని చెప్పిన వారే ఇప్పుడు క‌నీసం ఆయ‌న‌కు కూడా చెప్ప‌కుండా పార్టీ మారిపోతున్నారు. భార‌తీయ జ‌న‌తా పార్టీ డోర్లు బార్లా తెరిచిపెట్ట‌డంతో కాషాయ కండువా క‌ప్పేందుకు త‌హ‌త‌హ‌లాడుతున్నారు.

2014లో పార్టీని స్థాపించిన ప‌వ‌న్ క‌ళ్యాణ్ సంస్థాగ‌తంగా మాత్రం బ‌లోపేతం చేసుకోలేక‌పోయారు. పూర్తి స్థాయిలో త‌న స‌మ‌యాన్ని రాజ‌కీయాల‌పై పెట్ట‌క‌పోవ‌డం, పార్టీ అభిమానుల నుంచి ప్ర‌జ‌ల్లోకి తీసుకెళ్ల‌లేక‌పోవ‌డ‌మే ఇందుకు కార‌ణం.

అయితే, ఎన్నిక‌ల ముందు మాత్రం జ‌న‌సేన పార్టీకి కొంత హైప్ వ‌చ్చింది. వైసీపీ, టీడీపీలో టిక్కెట్లు ద‌క్క‌ని వారు, ఆ రెండు పార్టీల్లో అవ‌కాశం లేని వారు జ‌న‌సేన వైపు చాలా మంది వ‌చ్చారు.

కొత్త నాయ‌క‌త్వాన్ని త‌యారుచేస్తాన‌ని, యువ నాయ‌క‌త్వాన్నిప్రోత్స‌హిస్తాన‌ని చెప్పిన ప‌వ‌న్ క‌ళ్యాణ్ ఈ విష‌యంలో మాత్రం త‌ను అనుకుంది చేయ‌లేక‌పోయారు. చాలా చోట్ల ఇత‌ర పార్టీల నుంచి వ‌చ్చిన వారిని న‌మ్మి టిక్కెట్లు ఇచ్చారు.

అయితే, ఎన్నిక‌ల్లో జ‌న‌సేన పార్టీతో పాటు ప‌వ‌న్ క‌ళ్యాణ్ కూడా స్వ‌యంగా ఓడిపోవ‌డం, ఓటమి త‌ర్వాత కూడా ప‌వ‌న్ పూర్తి స్థాయి రాజ‌కీయాలు చేయ‌లేక‌పోతుండ‌టంతో ఎన్నిక‌ల ముందు చేరిన నేత‌లంతా ఎవ‌రి దారి వారు వెతుక్కుంటున్నారు.

టీడీపీలో మంత్రిగా ప‌నిచేసి ఎన్నిక‌ల ముందు జ‌న‌సేన‌లో చేరిన రావెల కిషోర్ బాబు పార్టీ ఓడిపోగానే వెళ్లి బీజేపీలో చేరిపోయారు. ఎన్నిక‌ల ముందు ఆయ‌న పార్టీలో కీల‌క నేత‌గా కూడా వ్య‌వ‌హ‌రించారు.

ఇక‌, తాజాగా పార్టీ అన‌కాప‌ల్లి పార్ల‌మెంటు నియోజ‌క‌వ‌ర్గ అభ్య‌ర్థి చింత పార్థ‌సార‌థి కూడా జన‌సేన‌కు గుడ్‌బై చెప్పారు. బీజేపీలో మంత్రిగా ప‌నిచేసి ఎన్నిక‌ల ముందు జ‌న‌సేన‌లో చేరి రాజ‌మండ్రి నుంచి పోటీ చేసిన ఆకుల స‌త్య‌నారాయ‌ణ కూడా జ‌న‌సేన‌ను వీడి వైసీపీలో చేరేందుకు సిద్ధ‌మ‌వుతున్నారు.

వీరితో పాటు ఇటీవ‌లి ఎన్నిక‌ల్లో పోటీ చేసిన ప‌లువురు అభ్య‌ర్థులు పార్టీ మారారు. మ‌రికొంద‌రు స‌మ‌యంలో కోసం వేచి చూస్తున్నారు. ఇంకొంద‌రు పార్టీ కార్య‌క్ర‌మాల‌కు దూరంగా ఉంటున్నారు.

అయితే, ఇలా పార్టీ మారే వారిని ప‌వ‌న్ క‌ళ్యాణ్ క‌నీసం ఆపేందుకు బుజ్జ‌గించిన దాఖ‌లాలు కూడా లేవు. మ‌రి, పార్టీని బ‌లోపేతం చేసుకునేందుకు, నేత‌ల వ‌ల‌స‌ల‌ను నివ‌రించేందుకు ప‌వ‌న్ క‌ళ్యాణ్ ఎటువంటి ఆలోచ‌న‌ల‌తో ఉన్నారో రాజ‌కీయ విశ్లేష‌కుల‌కు కూడా అంతుచిక్క‌డం లేదు.

 


Newssting Desk


 newssting@rightfolio.in
      040 23600300

newsting
Daily Updates
facebooktwitterGooglewhatsappwhatsappGoogle