newssting
BITING NEWS :
*జపాన్ టీంని ఓడించిన ఇండియన్ ఉమెన్స్ హాకీ టీం *ప్రత్యేక హోదాపై తేల్చేసిన కేంద్రం... దేశంలో ఏ రాష్ట్రానికీ ప్రత్యేక హోదా ప్రకటించే అవకాశం లేదన్న ఆర్థిక మంత్రి నిర్మలా సీతారామన్*బీహార్ లో మెదడువాపు వ్యాధికి బలమయిన 152 మంది చిన్నారులు *ప్రజావేదికను కూల్చేయండి.. సీఎం జగన్ ఆదేశం*కొనసాగుతున్న ఏపీలో కలెక్టర్ల కాన్ఫరెన్స్*అఫ్గాన్‌పై బంగ్లా ఘనవిజయం

వారసులు గట్టెక్కుతారా? నిండా మునుగుతారా? 2

04-05-201904-05-2019 15:02:35 IST
Updated On 04-05-2019 19:15:51 ISTUpdated On 04-05-20192019-05-04T09:32:35.528Z04-05-2019 2019-05-04T09:32:28.258Z - 2019-05-04T13:45:51.675Z - 04-05-2019

  వారసులు గట్టెక్కుతారా? నిండా మునుగుతారా? 2
facebooktwitterGooglewhatsappwhatsappGoogle
(మొదటి భాగం తరువాయి)

ఇటు శ్రీకాళ‌హ‌స్తి సీటు నుంచి టీడీపీ నేత బొజ్జల గోపాల‌కృష్ణారెడ్డి కుమారుడు సుధీర్ రెడ్డి బ‌రిలో దిగారు. ఇక న‌గరి నుంచి వైసీపీ అభ్యర్థిగా రోజాకు పోటీగా  గాలి ముద్దు కృష్ణమనాయుడు కుమారుడు గాలి భాను ప్రకాష్ పోటీ చేశారు. ఇక రైల్వే కోడూరు నుంచి టీడీపీ ఎంపీ శివ‌ప్రసాద్ అల్లుడు న‌ర‌సింహ‌ప్రసాద్ బ‌రిలో ఉన్నారు. ఇక రాప్తాడు నుంచి ప‌రిటాల సునీత కుమారుడు ప‌రిటాల శ్రీరాం వైసీపీ అభ్యర్థి తోపుదుర్తి ప్రకాష్ రెడ్డి నుంచి గ‌ట్టి పోటీ ఎదుర్కొంటున్నార‌ట‌. 

అలాగే తాడిప‌త్రి నుంచి జేసీ ప్రభాక‌ర్ రెడ్డి కుమారుడు అస్మిత్ రెడ్డి, వైసీపీ అభ్యర్థి అనంత వెంక‌ట రామిరెడ్డి నుంచి తీవ్రమైన పోటీ ఎదుర్కొంటున్నార‌ట‌. అలాగే కర్నూలు అసెంబ్లీ సీటు నుంచి టీజీ వెంక‌టేష్ కుమారుడు భ‌ర‌త్ వైసీపీ నుంచి హ‌వా ఉంద‌ని భ‌య‌ప‌డుతున్నార‌ట‌. అయితే ప‌త్తికొండ అసెంబ్లీ సీటు నుంచి పోటీ చేసిన ఉప ముఖ్యమంత్రి కేఈ కృష్ణమూర్తి కుమారుడు శ్యాంబాబు మాత్రం త‌న విజ‌యం మీద ధీమాగా ఉన్నట్లు ప్రచారం జ‌రుగుతోంది. 

ఇదంతా అసెంబ్లీకి పోటీ చేసిన వార‌సుల ప‌రిస్థితి అయితే, కొంత మంది త‌మ వార‌సుల‌ను పార్లమెంటుకి పంప‌డానికి ఈ ఎన్నిక‌ల బ‌రిలో దింపారు. విశాఖ మాజీ ఎంపీ ఎంవీవీఎస్ మూర్తి మ‌న‌వ‌డు, నంద‌మూరి బాల‌కృష్ణ రెండో అల్లుడు శ్రీభ‌ర‌త్ విశాఖ ఎంపీ సీటు నుంచి టీడీపీ అభ్యర్థిగా బ‌రిలో దిగారు. ఇక్కడ ఆయ‌న వైసీపీ, జ‌న‌సేన అభ్యర్థుల నుంచి గ‌ట్టి పోటీ ఎదుర్కొంటున్నార‌ట‌. అలాగే అన‌కాప‌ల్లి ఎంపీ సీటు నుంచి టీడీపీ సీనియ‌ర్ నేత ఆడారి తుల‌సీరావు కుమారుడు ఆడారి ఆనంద్ ప‌రిస్థితి కూడా ఇలాగే ఉంద‌ట‌. 

అటు అమలాపురం ఎంపీ సీటు నుంచి మాజీ లోక్ స‌భ స్పీక‌ర్ జీఎంసీ బాల‌యోగి కుమారుడు హ‌రీష్ మాధుర్ కూడా వైసీపీ అభ్యర్ధి నుంచి పోటీ ఎదుర్కొంటున్నార‌ట‌. ఇక రాజ‌మండ్రి ఎంపీ సీటు నుంచి త‌న కోడ‌లు రూప‌ను బరిలో దింపిన ముర‌ళీమోహ‌న్ కూడా విజ‌యం మీద అనుమానాలు వ్యక్తం చేస్తున్నట్లు తెలుస్తోంది.

అటు అనంత‌పురం ఎంపీ సీటు నుంచి బ‌రిలో దిగిన టీడీపీ నేత జేసీ దివార్ రెడ్డి కుమారుడు ప‌వ‌న్ కుమార్ రెడ్డి, విజ‌యం మీద ధీమాగానే ఉన్నా, జ‌గ‌న్ హ‌వా ఇబ్బంది పెడుతుందేమో అన్న అనుమానం జేసీ వ‌ర్గాన్ని వేధిస్తోంద‌ట‌. మొత్తానికి ఈ ఎన్నిక‌ల్లో త‌మ వార‌సుల‌ను బ‌రిలో దింపిన నేత‌లు, వారి భ‌విత‌వ్యం మీద ఓ వైపు భ‌రోసాగానే ఉన్నా, మ‌రోవైపు అనుమానంగా ఉన్నట్లు తెలుస్తోంది.

వారసులు గట్టెక్కుతారా? నిండా మునుగుతారా? -1 కథనం కోసం ఇక్కడ క్లిక్ చేయండి 

https://www.newssting.in/p/5ccd5a83c6df354872590b03


Newssting Desk


 newssting@rightfolio.in
      040 23600300

newsting
Daily Updates
facebooktwitterGooglewhatsappwhatsappGoogle