newssting
BITING NEWS :
* గ‌త 24 గంట‌ల్లో భార‌త్‌లో 52,050 క‌రోనా పాజిటివ్ కేసులు న‌మోదు.. 803 మంది మృతి.. 18,55,746కి చేరిన క‌రోనా కేసులు, ఇప్ప‌టి వ‌ర‌కు 38938 మంది మృతి*తెలంగాణలో 1286 కరోనా పాజిటివ్ కేసులు నమోదు.. 12 మంది మృతి, ఇప్పటి వరకు 68,946 పాజిటివ్ కేసులు నమోదు.. 563 మంది మృతి *కరోనాతో మాజీ ఎమ్మెల్యే సున్నం రాజయ్య కన్నుమూత *జానపద కళాకారుడు, రచయిత వంగపండు ప్రసాదరావు అనారోగ్యంతో పార్వతీపురంలో మృతి.. గ‌త కొన్ని రోజులుగా అనారోగ్య‌స‌మ‌స్య‌ల‌తో బాధ‌ప‌డుతున్న వంగ‌పండుమరణం పట్ల , ఏపీ సీఎం జగన్, తెలంగాణ సీఎం కేసీఆర్, మాజీ సీఎం చంద్రబాబు సంతాపం *గుంటూరు : కరోన నేపథ్యంలో నేటి నుండి సత్తెనపల్లిలో ఉదయం 6 నుండి మధ్యాహ్నం 2 గంటల వరకు వ్యాపారాలకు అనుమతి*సీఎం జ‌గ‌న్‌కు చంద్ర‌బాబు స‌వాల్‌.. జ‌గ‌న్‌కు 48 గంట‌ల స‌మ‌యం ఇస్తున్నాం... మేం రాజీనామాకు సిద్ధం..? మీరు సిద్ధ‌మా?, రాజీనామాలు చేసే ప్ర‌జ‌ల ముందుకు వెళ్దాం-చ‌ంద్ర‌బాబు*హైద‌రాబాద్‌: డెక్కన్ ఆస్పత్రిలో కోవిడ్ ట్రీట్మెంట్ రద్దు చేస్తూ ప్రభుత్వ నిర్ణయం.. అధిక బిల్లులు వసూలు చేసినందుకు డెక్కన్ ఆస్పత్రి పై చర్యలు

వంశీకి ఆ ఒక్క‌టే అడ్డంకి..!

14-11-201914-11-2019 08:01:56 IST
2019-11-14T02:31:56.793Z14-11-2019 2019-11-14T02:31:48.238Z - - 05-08-2020

వంశీకి ఆ ఒక్క‌టే అడ్డంకి..!
facebooktwitterGooglewhatsappwhatsappGoogle
తెలుగుదేశం పార్టీ గ‌న్న‌వ‌రం ఎమ్మెల్యే వ‌ల్ల‌భ‌నేని వంశీ ఇంకా డైల‌మాలో ఉన్నారు. తెలుగుదేశం పార్టీకి, ఎమ్మెల్యే ప‌ద‌వికి రాజీనామా చేస్తున్న‌ట్లు ప్ర‌క‌టించి 15 రోజులు అవుతున్నా ఆయ‌న ఇంకా రాజీనామాను అధికారికంగా స‌మ‌ర్పించ‌లేదు. వైఎస్సార్ కాంగ్రెస్ పార్టీలో చేరడం ఖ‌రారైనా ఆయ‌న వాయిదా వేసుకున్నారు.

అలాగ‌ని తెలుగుదేశం పార్టీకీ దూరంగానే ఉంటున్నారు. దీంతో అస‌లు ఆయ‌న ఉద్దేశ్యం ఏంట‌నేది వంశీ అనుచ‌రుల‌తో పాటు, గ‌న్న‌వ‌రం నియోజ‌క‌వ‌ర్గ ప్ర‌జ‌ల‌కు కూడా అర్థం కాని ప‌రిస్థితి. అయితే, వంశీ ఇలా డైల‌మాలో ఉండ‌టానికి ఎమ్మెల్యే ప‌ద‌వే కార‌ణం అని తెలుస్తోంది.

దీపావ‌ళి పండుగ నాడు వ‌ల్ల‌భ‌నేని వంశీ తెలుగుదేశం పార్టీకి షాక్ ఇచ్చారు. పార్టీకి, ఎమ్మెల్యే ప‌ద‌వికి రాజీనామా చేస్తున్న‌ట్లు ప్ర‌క‌టించారు. అధికార పార్టీ త‌న అనుచ‌రుల‌ను వేధిస్తోంద‌ని, నియోజ‌క‌వ‌ర్గంలో ప‌నులు కావ‌డం లేద‌ని ఆయ‌న ఆరోప‌ణ‌లు చేశారు.

టీడీపీ కూడా త‌న‌కు అండ‌గా లేద‌ని స్వంత పార్టీపైనే నింద‌లు వేశారు. దీంతో చంద్ర‌బాబు ఆయ‌న‌ను బుజ్జ‌గించేందుకు ప్ర‌య‌త్నించారు.

ఎంపీ కేశినేని నాని, మాజీ ఎంపీ కొన‌క‌ళ్ల నారాయ‌ణ‌ను ధూత‌లుగా పంపించినా వంశీ పార్టీలోనే ఉంటాన‌నే హామీ మాత్రం ఇవ్వ‌లేదు. ఇదే స‌మ‌యంలో ముఖ్య‌మంత్రి జ‌గ‌న్మోహ‌న్ రెడ్డిని కూడా వంశీ క‌ల‌వ‌డం, ఆ త‌ర్వాత వంశీని కృష్ణా జిల్లా మంత్రులు కొడాలి నాని, పేర్ని నాని క‌ల‌వ‌డంతో ఆయ‌న వైసీపీలో చేర‌డం ఖాయ‌మైంద‌ని అంతా అనుకున్నారు.

ఈ నెల 3 లేదా 7న వంశీ వైసీపీలో చేరుతార‌నే ప్ర‌చారం జ‌రిగింది. కానీ, వంశీ వెనుక‌డుగు వేశారు. ఎమ్మెల్యే ప‌ద‌విని వ‌దులుకోవాల్సి వ‌స్తుంద‌నే ఆయ‌న పున‌రాలోచ‌న‌లో ప‌డ్డారు. త‌మ పార్టీలో చేరితే ప‌ద‌వుల‌కు రాజీనామా చేసి రావాల్సిందేన‌ని వైసీపీ స్ప‌ష్టంగా చెబుతోంది.

దీంతో వంశీ ఎమ్మెల్యే ప‌ద‌వికి రాజీనామా చేసి వైసీపీలో చేరాల్సి ఉంటుంది. ఇలా చేరితే వంశీకి మ‌ళ్లీ టిక్కెట్ వ‌స్తుందా అనేది వైసీపీ నుంచి క్లారిటీ లేదు.

వంశీపై పోటీ చేసి స్వ‌ల్ప తేడాతో ఓడిన వైసీపీ గ‌న్న‌వ‌రం ఇంఛార్జి యార్ల‌గ‌డ్డ వెంక‌ట్‌రావుకే మ‌ళ్లీ టిక్కెట్ ఇస్తార‌ని, వంశీని రాజ్య‌స‌భ‌కు పంపిస్తార‌నే ప్ర‌చారం జ‌రుగుతోంది.

గ‌న్న‌వ‌రం ఎమ్మెల్యేగా ఉండేందుకే వంశీ మొగ్గు చూపుతున్నారు. దీంతో ఇప్పుడే నిర్ణ‌యం తీసుకోకుండా సైలెంట్‌గా ఉండ‌టం మేల‌ని వంశీ నిర్ణ‌యించుకున్నారు.

తెలుగుదేశం పార్టీకి చెందిన మ‌రికొంద‌రు ఎమ్మెల్యేలు పార్టీని వీడే యోచ‌న‌లో ఉన్నార‌ని, వారిలో కొంద‌రు బీజేపీలో చేరుతార‌నే ప్ర‌చారం జ‌రుగుతోంది. దీంతో ఇప్పుడు తొంద‌ర‌ప‌డ‌కుండా వేచి చూడాల‌ని వంశీ భావిస్తున్న‌ట్లు తెలుస్తోంది.

అయితే, కొంత ఆల‌స్య‌మైనా ఆయ‌న మాత్రం వైసీపీలో చేర‌డం ప‌క్కా అంటున్నారు. ఈ విష‌యాన్ని వంశీ త‌న అనుచ‌రుల‌కు కూడా స్ప‌ష్టం చేశారు.

 


Newssting Desk


 newssting@rightfolio.in
      040 23600300

newsting
Daily Updates
facebooktwitterGooglewhatsappwhatsappGoogle