newssting
BITING NEWS :
* అధికారిక లాంఛనాలతో అరుణ్ జైట్లీ అంత్యక్రియలు పూర్తి* తెలుగు తేజం పీవీ సింధు సరికొత్త చరిత్ర*ప్రపంచ బ్యాడ్మింటన్ ఫైనల్‌లో ఒకుహరాతో తలపడి విజయం సాధించిన పీవీ సింధు* పీవీ సింధుకు మోదీ,జగన్‌,కేసీఆర్‌, చంద్రబాబు, పవన్ అభినందనలు*పీవీ సింధు, ప్రణీత్‌కు రివార్డులు* రైలు పట్టాలపై సెల్ఫీకి రూ.2 వేల జరిమానా*అమెరికాలో కాల్పుల కలకలం..బాలిక దుర్మరణం *ఫ్రాన్స్‌లో నేడు జి-7 దేశాల సదస్సు… హాజరైన భారత ప్రధాని మోడీ *ఏపీలో మూడు ప్రత్యేక కార్పొరేషన్లు ఏర్పాటు..మాల, మాదిగ, రెల్లి కులాలకు ప్రత్యేక కార్పొరేషన్లు *ఆంధ్రప్రదేశ్‌ రాజధాని అమరావతి నిర్మాణంపై వ్యాఖ్యలకు కట్టుబడి ఉన్నా: మంత్రి బొత్స

వంగవీటి వారసుడి వ్యూహాత్మక తప్పిదం

31-05-201931-05-2019 11:38:25 IST
Updated On 25-06-2019 14:23:30 ISTUpdated On 25-06-20192019-05-31T06:08:25.454Z31-05-2019 2019-05-31T06:08:23.038Z - 2019-06-25T08:53:30.043Z - 25-06-2019

వంగవీటి వారసుడి వ్యూహాత్మక తప్పిదం
facebooktwitterGooglewhatsappwhatsappGoogle
స‌రైన స‌మయంలో స‌రైన స్టెప్ తీసుకుంటేనే రాజ‌కీయంగా స‌క్సెస్ కావ‌చ్చు. ట్రెండ్ ను అంచ‌నా వేయ‌కుండా వెళ్లే నేత‌లు ఫెయిల్ అవ్వడానికి ఖాయం అన‌డానికి ప్రత్యక్ష ఉదాహ‌ర‌ణ వంగ‌వీటి రాధా. వంగ‌వీట రంగా వార‌సుడిగా, అశేష అభిమానం ఉన్న నాయకుడిగా ఎంతో మంచి స్థాయిలో ఉండాల్సిన ఆయ‌న త‌న తొంద‌ర‌పాటు నిర్ణ‌యాల వ‌ల్ల రాజ‌కీయంగా ఫెయిల్ అవుతున్నారు.

2014కు ముందు వైఎస్సార్ కాంగ్రెస్ పార్టీలో చేరిన వంగ‌వీటి రాధా ఆ ఎన్నిక‌ల్లో విజ‌య‌వాడ తూర్పు నియోజ‌క‌వ‌ర్గం నుంచి పోటీ చేసి ఓడిపోయారు. త‌ర్వాత చాలా కాలం పాటు ఆయ‌న పార్టీలోనే కొన‌సాగారు. వంగ‌వీటి రంగా వార‌సుడిగా ఆయ‌న‌కు పార్టీలో బాగానే ప్రాధాన్యత ఉండేది. అయితే, ఈసారి విజ‌య‌వాడ సెంట్రల్ నుంచి పోటీ చేయాల‌ని రాధా భావించారు.

అయితే, సెంట్రల్ లో మ‌ల్లాది విష్ణు అయితే బెస్ట్ అని భావించిన జ‌గ‌న్ రాధాను గ‌త ఎన్నిక‌ల్లో పోటీ చేసిన తూర్పు నుంచే పోటీ చేయాల‌ని సూచించారు. గ‌త ఎన్నిక‌ల్లో ఓడిపోయిన సానుభూతి కూడా క‌లిసి వ‌స్తుంద‌ని చెప్పారు. తాను సెంట్ర‌ల్ నుంచే పోటీ చేస్తాన‌ని రాధా ప‌ట్టుబ‌ట్టారు. దీంతో మ‌చిలీప‌ట్నం ఎంపీగా పోటీ చేయాలని పార్టీ సూచించింది. అక్కడ రాధా అయితే గెలుపు అవ‌కాశాలు ఎక్కువ ఉంటాయ‌ని జ‌గ‌న్ భావించారు.

మ‌చిలీప‌ట్నం ఎంపీగా పోటీ చేయ‌డానికి కూడా రాధా ఆస‌క్తి చూప‌క‌పోవ‌డంతో చివ‌ర‌కు గుంటూరు నుంచి బాల‌శౌరిని తీసుకువ‌చ్చి మ‌చిలీప‌ట్నంలో పెట్టారు జ‌గ‌న్‌. దీంతో వంగ‌వీటి రాధా ఎన్నిక‌ల ముందు పార్టీని వీడి టీడీపీలో చేరిపోయారు. త‌న తండ్రి ఏ పార్టీపైనైతే పోరాడారో అదే పార్టీ కుమారుడు చేర‌డాన్ని రంగా అభిమానులు సైతం అంద‌రూ జీర్ణించుకోలేక‌పోయారు. కానీ, రాధాకు వేరే ఆప్షన్ లేక‌పోవ‌డంతో టీడీపీలో చేరాల్సి వ‌చ్చింది. అప్పుడే ఆయ‌న‌కు ఎమ్మెల్సీ ప‌ద‌వి ఇస్తామ‌ని చంద్రబాబు హామీ ఇచ్చినా ఇవ్వలేదు.

ఇక‌, టీడీపీలో చేరిన రాధా వైసీపీని, జ‌గ‌న్ ను శత్రువుగా భావించి ఆ పార్టీ ఓట‌మే ల‌క్ష్యంగా ప్రచారం చేశారు. టీడీపీకి స్టార్ క్యాంపెయిన‌ర్‌గా మారారు. టీడీపీ గెల‌వాల‌ని ఏకంగా యాగం కూడా నిర్వహించారు. అయినా, ఆయ‌న ఊహించింది జ‌ర‌గ‌లేదు. వైసీపీ ఘ‌న విజ‌యాన్ని సాధించింది. దీంతో ఇప్పుడు అంతా వంగ‌వీటి రాధాపై సానుభూతి చూపుతున్నారు. మ‌చిలీప‌ట్నం ఎంపీ స్థానాన్ని వైసీపీ గెలుచుకుంది. వంగ‌వీటి రాధా ఆ పార్టీ నుంచి పోటీ చేసి ఉంటే మ‌రింత మెజారిటీ వ‌చ్చేది. దీంతో ఆయ‌న పార్ల‌మెంటులో అడుగుపెట్టేవారు.

రాధా ఇంత‌కుముందు కూడా ఇలానే తొంద‌ర‌పాటు నిర్ణయం తీసుకున్నారు. 2004లో కాంగ్రెస్ నుంచి గెలిచిన ఆయ‌న 2009కి ముందు వైఎస్సార్ వారించినా విన‌కుండా ప్రజారాజ్యం పార్టీలో చేరారు. ఆ పార్టీ ఓడిపోవ‌డంతో పాటు తాను కూడా స్వయంగా ఓడిపోయారు. ఆ ఎన్నిక‌ల్లో కాంగ్రెస్ గెలిచింది. అప్పుడే ఆయ‌న కాంగ్రెస్‌లో ఉండి ఉన్నా, ఈ ఎన్నిక‌ల్లో వైసీపీలో ఉండి ఉన్నా వంగ‌వీటి రాధా పొలిటిక‌ల్ ఫ్యూచ‌ర్ మ‌రోలా ఉండేది. ఇలా మోస్ట్ అన్ ల‌క్కీ పొలిటీషియ‌న్ గా వంగ‌వీటి రాధా మిగిలిపోయారు.


Newssting Desk


 newssting@rightfolio.in
      040 23600300

newsting
Daily Updates
facebooktwitterGooglewhatsappwhatsappGoogle