newssting
BITING NEWS :
* భారత్-అమెరికా మధ్య కుదిరిన ఐదు ఒప్పందాలు.. ట్రంప్‌తో నాకు ఇది ఐదో సమావేశం, ట్రంప్ సకుటుంబంగా భారత్‌కు రావడం సంతోషంగా ఉంది-ప్రధాని మోడీ*మూడు బిలియన్ డాలర్ల ఒప్పందం జరిగింది, సహజవాయురంగంలో ఒప్పందం చేసుకున్నాం-డొనాల్డ్ ట్రంప్ *ఇండియాతో మాకు ప్రత్యేక అనుబంధం, ఈ టూర్ ఎప్పటికీ మర్చిపోలేను, రెండు దేశాలకు ఇది ఉపయోగకరమైన పర్యటన, ఇస్లాం తీవ్రవాదంపై కూడా చర్చించాం-ట్రంప్ * నిర్భయ దోషుల ఉరి శిక్షలో మరో ట్విస్ట్..! విచారణ 5వ తేదీకి వాయిదా *ఐఆర్ఎస్ అధికారి జాస్తి కృష్ణకిషోర్‌ సస్పెన్షన్ రద్దుచేసిన క్యాట్.. కృష్ణకిషోర్‌ కేంద్ర సర్వీసులకు వెళ్లేందుకు ట్రైబ్యునల్‌ అనుమతి, కృష్ణకిషోర్‌పై కేసులను ప్రభుత్వం చట్టప్రకారం పరిశీలించుకోవచ్చన్న క్యాట్ *ఢిల్లీ సర్వోదయ స్కూల్‌లో అమెరికన్ ఫస్ట్ లేడీ మెలానియా ట్రంప్... హ్యాపిసెన్ క్లాస్‌లను పరిశీలించిన మెలానియా*రాజ్యసభ ఎన్నికల షెడ్యూల్‌ విడుదల.. నోటిఫికేషన్‌ మార్చి 6, నామినేషన్లకు చివరి తేది మార్చి 13, నామినేషన్ల పరిశీలన మార్చి 16, నామినేషన్ల ఉపసంహరణకు చివరి తేది మార్చి 18, మార్చి 26న ఉదయం 9 గంటల నుంచి సాయంత్రం 4 గంటల వరకు పోలింగ్. సాయంత్రం 5 గంటలకు కౌంటింగ్ * సాయంత్రం మోడీ-ట్రంప్ విందుకు హాజరుకానున్న ప్రముఖులు. రాలేనని సందేశం పంపిన మాజీ పీఎం మన్మోహన్ సింగ్

ల‌క్ష్మీనారాయ‌ణ ఫిక్స్ అయ్యారా..?

12-03-201912-03-2019 14:10:51 IST
2019-03-12T08:40:51.002Z12-03-2019 2019-03-12T07:34:14.164Z - - 25-02-2020

ల‌క్ష్మీనారాయ‌ణ ఫిక్స్ అయ్యారా..?
facebooktwitterGooglewhatsappwhatsappGoogle
సీబీఐ మాజీ జేడీ ల‌క్ష్మీనారాయ‌ణ రాజ‌కీయ రంగప్రవేశానికి ముహూర్తం ఫిక్సయ్యింది. అనేక ఊగిస‌లాట‌లు, చ‌ర్చల త‌ర్వాత ఆయ‌న ఏ పార్టీలో చేరాలో నిర్ణయించుకున్నట్లు తెలుస్తోంది. నిన్నామొన్నటి వరకూ బీజేపీలో చేరాలని ఆయన అనుకున్నట్టు తెలిసింది. అయితే ఇప్సుడు ఆయనలో మార్పు వచ్చింది. తెలుగుదేశం పార్టీలో ఆయ‌న చేరిక దాదాపు ఖాయ‌మైంది. రెండు మూడు రోజుల్లో ఆయ‌న తెలుగుదేశం పార్టీ కండువా క‌ప్పుకోనున్నార‌ని స‌మాచారం. మంత్రి గంటా శ్రీనివాస‌రావుతో భేటీ అయిన ఆయ‌న ఈ మేర‌కు నిర్ణయం తీసుకున్నట్లు తెలుస్తోంది.

మ‌హారాష్ట్ర క్యాడ‌ర్‌కు చెందిన ఐపీఎస్ అధికారి ల‌క్ష్మీనారాయ‌ణ స్వస్థలం క‌ర్నూలు జిల్లా. డిప్యుటేష‌న్‌పై సీబీఐ జేడీగా హైద‌రాబాద్‌కు వ‌చ్చిన ఆయ‌న వైసీపీ అధినేత జ‌గ‌న్ అక్రమాస్తుల కేసు ద్వారా ఒక్కసారిగా బాగా ప్రచారంలోకి వ‌చ్చారు. ఈ కేసులో ఆయ‌న త‌ర‌చూ మీడియాలో క‌నిపించ‌డంతో రాష్ట్రవ్యాప్తంగా అంద‌రికీ తెలిసిన వ్యక్తిగా మారిపోయారు. త‌ర్వాత మ‌ళ్లీ మ‌హారాష్ట్రకు బ‌దిలీ అయిన ఆయ‌న కొన్ని రోజులు విధులు నిర్వర్తించి స్వచ్ఛంద ప‌ద‌వీ విర‌మ‌ణ చేశారు.

అప్పటి నుంచి ఆంధ్రప్రదేశ్ లో ప‌ర్యటిస్తూ రైతులు, యువ‌త ఎదుర్కుంటున్న స‌మ‌స్యల‌ను తెలుసుకున్నారు. దీంతో ఆయ‌న రాజ‌కీయాల్లోకి రానున్నార‌నే వార్తలు వ‌చ్చాయి. మొద‌ట ఆయ‌న భార‌తీయ జ‌న‌తా పార్టీలో చేరుతార‌ని ప్రచారం జ‌రిగింది. త‌ర్వాత రాష్ట్రంలో బీజేపీ ప‌రిస్థితి అంత బాగాలేనందున ఆయ‌న జ‌న‌సేన‌లో చేరుతార‌నే వార్తలు వ‌చ్చాయి. కానీ జ‌న‌సేన అంటే ప‌వ‌న్ క‌ళ్యాణ్‌. ప‌వ‌న్ క‌ళ్యాణ్ అంటే జ‌న‌సేన అన్న‌ట్లుగా ప‌రిస్థితి ఉంది. దీంతో ఆ పార్టీలో గుర్తింపు ఉండ‌ద‌ని ఆయ‌న‌కు ప‌లువురు సూచించార‌ట‌.

త‌ర్వాత ఆయ‌న‌కు లోక్‌స‌త్తాలో చేరాల్సిందిగా ఆహ్వానం అందింది. జ‌య‌ప్రకాశ్ నారాయ‌ణ స్థాపించిన ఈ పార్టీ ప్రస్తుతం ఎన్నిక‌ల‌కు దూరంగా ఉండాల‌ని నిర్ణయించుకుంది. ల‌క్ష్మీనారాయ‌ణ వ‌స్తే పూర్తిగా లోక్ స‌త్తా బాధ్యత‌లు ఆయ‌న‌కు అప్పగించాల‌ని జేపీ భావించారు. కానీ, లోక్ స‌త్తా వైపు ల‌క్ష్మీనారాయ‌ణ ఆస‌క్తి చూప‌లేదు. త‌ర్వాత మ‌ళ్లీ బీజేపీలో చేరేందుకు ఆయ‌న మొగ్గు చూపినా త‌ర్వాత వెన‌క్కు త‌గ్గారు.

చివ‌ర‌కు ఎన్నిక‌ల వేళ ఆయ‌న తెలుగుదేశం పార్టీలో చేరేందుకు మొగ్గు చూపారు. రెండుమూడు రోజుల్లో ఆయ‌న చంద్రబాబు స‌మ‌క్షంలో పార్టీలో చేర‌వ‌చ్చు. క‌చ్చితంగా టీడీపీ గెలుస్తుంద‌నుకుంటున్న భీమిలి సీటును ఆయ‌న‌కు ఇచ్చేందుకు టీడీపీ ఆఫ‌ర్ చేసింది. ఇక్కడి నుంచి పోటీ చేయాల‌నుకున్న లోకేష్‌ను విశాఖ‌ప‌ట్నం ఉత్తరం నుంచి పోటీ చేయించ‌నున్నారు.

అయితే, శ్రీకాకుళం జిల్లాలో ఓ గ్రామాన్ని ద‌త్తత తీసుకుని ఆ జిల్లాపై ఎక్కువ దృష్టి పెట్టిన ల‌క్ష్మీనారాయ‌ణ భీమిలి నుంచి పోటీ చేస్తారా లేదా శ్రీకాకుళంలోనే ఏదైనా నియోజ‌క‌వ‌ర్గం నుంచి పోటీ చేస్తారా అనేది ఇంకా స్ప‌ష్ట‌త రాలేదు.

ఇదిలా ఉండ‌గా ల‌క్ష్మీనారాయ‌ణ టీడీపీలో చేరుతుండ‌టంతో వైసీపీ సోష‌ల్ మీడియా వేదిక‌గా త‌మ‌కు అనుకూలంగా ప్రచారం ప్రారంభించింది. జ‌గ‌న్ ఆస్తుల కేసులో ల‌క్ష్మీనారాయ‌ణ క‌క్షపూరితంగా వ్యవ‌హ‌రించార‌ని, ఆయ‌న ముందు నుంచీ టీడీపీకి అనుకూలంగా ఉన్నార‌ని, ఇప్పుడు ఏకంగా టీడీపీలో చేరుతుండ‌ట‌మే ఇందుకు ఉదాహ‌ర‌ణ అని ప్రచారం చేస్తున్నారు. జ‌గ‌న్ ను అక్రమంగా కేసుల్లో ఇరికించార‌ని చెబుతున్నారు. మ‌రి, ఈ ప్రచారాన్ని ల‌క్ష్మీనారాయ‌ణ ఎలా ఎదుర్కొంటారో చూడాలి.


Newssting Desk


 newssting@rightfolio.in
      040 23600300

newsting
Daily Updates
facebooktwitterGooglewhatsappwhatsappGoogle