newssting
BITING NEWS :
* అధికారిక లాంఛనాలతో అరుణ్ జైట్లీ అంత్యక్రియలు పూర్తి* తెలుగు తేజం పీవీ సింధు సరికొత్త చరిత్ర*ప్రపంచ బ్యాడ్మింటన్ ఫైనల్‌లో ఒకుహరాతో తలపడి విజయం సాధించిన పీవీ సింధు* పీవీ సింధుకు మోదీ,జగన్‌,కేసీఆర్‌, చంద్రబాబు, పవన్ అభినందనలు*పీవీ సింధు, ప్రణీత్‌కు రివార్డులు* రైలు పట్టాలపై సెల్ఫీకి రూ.2 వేల జరిమానా*అమెరికాలో కాల్పుల కలకలం..బాలిక దుర్మరణం *ఫ్రాన్స్‌లో నేడు జి-7 దేశాల సదస్సు… హాజరైన భారత ప్రధాని మోడీ *ఏపీలో మూడు ప్రత్యేక కార్పొరేషన్లు ఏర్పాటు..మాల, మాదిగ, రెల్లి కులాలకు ప్రత్యేక కార్పొరేషన్లు *ఆంధ్రప్రదేశ్‌ రాజధాని అమరావతి నిర్మాణంపై వ్యాఖ్యలకు కట్టుబడి ఉన్నా: మంత్రి బొత్స

లక్ష్మీస్ ఎన్టీఆర్ ఎఫెక్ట్.. కడప జేసీపై ఈసీ వేటు

14-05-201914-05-2019 08:04:03 IST
Updated On 28-06-2019 12:31:52 ISTUpdated On 28-06-20192019-05-14T02:34:03.292Z14-05-2019 2019-05-14T02:29:55.165Z - 2019-06-28T07:01:52.094Z - 28-06-2019

లక్ష్మీస్ ఎన్టీఆర్ ఎఫెక్ట్.. కడప జేసీపై ఈసీ వేటు
facebooktwitterGooglewhatsappwhatsappGoogle
ఏపీ ఎన్నికల వేళ రాంగోపాల్ వర్మ తన  ‘లక్ష్మీస్‌ ఎన్టీఆర్‌’ మూవీతో రచ్చరేపారు. ఈ సినిమాను తెలంగాణలో విడుదల చేశారు. కానీ ఏపీలో ఈసీ అనుమతి మంజూరు చేయలేదు. ఏపీలో ఎన్నికలు ముగిసినందున వివాదాస్పద చిత్రం లక్ష్మీస్ ఎన్టీఆర్‌ను విడుదల చేసేందుకు చిత్ర నిర్మాత రాకేశ్ రెడ్డి ప్రయత్నం చేశారు. ఈ మేరకు రాం గోపాల్ వర్మ ప్రమోషన్‌కు వెళ్లగా విజయవాడలో పోలీసులు అడ్డుకొన్నారు. దాంతో ఈ సినిమా మరోసారి వివాదంగా మారి వార్తల్లోకెక్కింది. ఈసీ అధికారులు సినిమాను రిలీజ్ చేయవద్దని మరోసారి స్పష్టం చేశారు.

నిషేధం అమలులో ఉన్నా ఏపీలోని  శ్రీకాకుళంలోనూ ఈ మూవీని విడుదల చేశారు. అయితే పోలీసులు అడ్డుకున్నారు. మరోవైపు కడపలో ఈ మూవీ విడుదల చేయడం వివాదాస్పదం అయింది. ఈసీ సీరియస్ కావడంతో వ్యవహారం ముదిరిపాకాన పడింది. 

రామ్‌గోపాల్‌ వర్మ దర్శకత్వంలో తెరకెక్కిన ‘లక్ష్మీస్‌ ఎన్టీఆర్‌’ చిత్రాన్ని కడప జిల్లాలోని కొన్ని థియేటర్లలో ప్రదర్శనను అడ్డుకోవడంలో విఫలమయ్యారంటూ జిల్లా జాయింట్‌ కలెక్టర్‌ (జేసీ)పై ఈసీ చర్యలు తీసుకుంది. ఎన్నికల కోడ్‌ అమల్లో ఉండగా ఆ చిత్రం విడుదలకు అనుమతి ఇవ్వొద్దంటూ గతంలో ఎన్నికల సంఘం ఆదేశాలు జారీచేసింది.  క‌డ‌ప జిల్లాలో రెండు థియేట‌ర్స్ లైసెన్స్ రద్దుకు ఈసీ ఆదేశాలు జారీ చేసింది. వీటిని అధికారులు సీజ్ చేశారు.

అయితే,  కొన్ని థియేటర్లలో చిత్రం ప్రదర్శించడంతో ఈసీ ఆగ్రహం వ్యక్తం చేసింది. ఈ నేపథ్యంలో జేసీ కోటేశ్వరరావును బదిలీ చేస్తూ ఉత్తర్వులు జారీ చేసింది. ఎన్నికలతో సంబంధం లేని విధుల్లో ఆయన్ను నియమించాలని ప్రభుత్వానికి సూచించింది. ఈ నెల 19 వరకు లక్ష్మీస్‌ ఎన్టీఆర్‌ను విడుదల చేయొద్దని మరోసారి ఈసీ స్పష్టం చేసింది.


G. Sathyanarayana Raju


గొట్టుముక్కల సత్యనారాయణరాజుకు జర్నలిజంలో 21 సంవత్సరాలకు పైగా అనుభవం ఉంది. ప్రముఖ దినపత్రికలు, మేగజైన్లు, న్యూస్ ఛానెళ్ళలో వివిధ హోదాల్లో బాధ్యతలు నిర్వర్తించారు. డిజిటల్ మీడియాలో ప్రవేశించి... నాలుగేళ్ళనుంచి వివిధ వెబ్‌సైట్లలో పనిచేశారు. ప్రస్తుతం న్యూస్‌స్టింగ్‌.ఇన్ లో కంటెంట్ హెడ్‌గా పనిచేస్తున్నారు. ఫీచర్ రైటింగ్, ప్రత్యేక కథనాలు, కరెంట్ అఫైర్స్, ఎన్నికల కథనాలు, రాజకీయ కథనాల విశ్లేషణలో మంచి ప్రావీణ్యం ఉంది.
 gsnraju@rightfolio.in
      040 23600300

newsting
Daily Updates
facebooktwitterGooglewhatsappwhatsappGoogle