newssting
BITING NEWS :
*అక్రమ వలసదారులను పంపిస్తాం: హోం మంత్రి అమిత్ షా *నేడు, రేపు తెలంగాణ శాసనసభ.. రేపు మండలి సమావేశాలు *మున్సిపల్‌ చట్టాల బిల్లును ప్రవేశపెట్టనున్న ప్రభుత్వం *22న నింగిలోకి.. చంద్రయాన్‌–2 *కర్నాటకలో ఇవాళ కుమారస్వామి ప్రభుత్వ విశ్వాసపరీక్ష * కుల్ భూషణ్ కి రిలీఫ్.. పాక్ విధించిన మరణశిక్షను రద్దుచేసిన అంతర్జాతీయ న్యాయస్థానం * కర్నాటక అసెంబ్లీకి వెళ్లే ప్రసక్తే లేదు: రెబల్స్‌ *తిరుమలలో ఎల్1, ఎల్ 2, ఎల్ 3 దర్శనాలు రద్దు *ముంబయి పేలుళ్ల సూత్రధారి సయీద్‌ అరెస్టు

రోజా గెలుపు అంత ఈజీ కాదా..?

10-04-201910-04-2019 12:21:48 IST
2019-04-10T06:51:48.423Z10-04-2019 2019-04-10T06:51:45.140Z - - 18-07-2019

రోజా గెలుపు అంత ఈజీ కాదా..?
facebooktwitterGooglewhatsappwhatsappGoogle
వైఎస్సార్ కాంగ్రెస్ పార్టీ తరపున బలంగా గొంతు వినిపించే ఎమ్మెల్యే ఆర్కె రోజా మరోసారి నగరిలో టఫ్‌ఫైట్ ఎదుర్కొంటున్నారు. గత ఎన్నికల్లో సీనియర్ నేత గాలి ముద్ధుకృష్ణమనాయుడుపై 850 ఓట్ల స్వల్ప మెజారిటీతో గెలిచిన రోజా ఈసారి ఆయన కుమారుడు గాలి భానుప్రకాశ్‌ను ఎదుర్కొంటున్నారు. తమిళనాడుకు శివారున ఉండే ఈ నియోజకవర్గంలో తెలుగుదేశం, వైఎస్సార్ కాంగ్రెస్ పార్టీ మధ్య పోరు హోరాహోరీగా ఉంది. పోటీని ప్రతిష్టాత్మకంగా తీసుకుంటున్నాయి పార్టీలు.

తన స్వంత డబ్బులతో చేసిన సేవా కార్యక్రమాలు, పార్టీ బలం, తన వ్యక్తిగత ఇమేజ్‌ను నమ్ముకొని రోజా ఎన్నికల బరిలో దిగుతుండగా తండ్రి ఇమేజ్‌ను, పార్టీ బలాన్ని నమ్ముకొని గాలి భానుప్రకాష్ పోటీలో నిలిచారు. ఇద్దరూ బలమైన వారే కావడంతో నగరి నియోజకవర్గంలో పోరు తీవ్రంగా ఉందనుంది. గత ఎన్నికల్లో గాలి ముద్దుకృష్ణమనాయుడును స్వల్ప తేడాతో ఓడించి రోజా సంచలనం సృష్టించారు.

అయితే, పార్టీ ప్రతిపక్షానికే పరిమితం కావడంతో రోజా నియోజకవర్గ అభివృద్ధి విషయంలో వెనుకబడ్డారు. అయినా, స్వంత డబ్బులతో కొన్ని సేవా కార్యక్రమాలు చేసి మంచి పేరు సంపాదించారు. నాలుగు రూపాయలకే భోజనం పెట్టడంతో పాటు పలు అభివృద్ధి పనులను ఆమె తన స్వంత డబ్బుతో చేశారు. 

రాజ్యసభ సభ్యుల నిధులతోనూ కొన్ని అభివృద్ధి పనులు చేయించారు. కానీ, నియోజకవర్గంలో ఆమె ప్రజలకు ఎక్కువగా అందుబాటులో ఉండరనే పేరుంది. ఇది మైనస్ అయ్యే అవకాశం ఉంది. ఇక, తమిళ ఓటర్లు ఎక్కువగా ఉండటం రోజాకు కలిసిరావచ్చు. తన భర్త సెల్వమణి తమిళుడు కావడం ఆమెకు మేలు చేస్తోంది. పార్టీలో బలమైన నేతగా ఉండటం, రాష్ట్రస్థాయి నాయకురాలిగా మారడం కూడా రోజాకు కలిసిరావచ్చు. నియోజకవర్గ వైసీపీలో ఎటువంటి అసంతృప్తి లేకుండా క్యాడర్ అంతా రోజా గెలుపునకు పనిచేస్తుండటం కూడా కలిసొస్తోంది.

ఇక, తెలుగుదేశం పార్టీ అభ్యర్థి గాలి భానుప్రకాష్ ప్రత్యక్ష ఎన్నికల్లో మొదటిసారి పోటీ చేస్తున్నా రాజకీయాలకు మాత్రం ఆయన కొత్తేమీ కాదు. తన తండ్రి గాలి ముద్దుకృష్ణమనాయుడు ఉన్నప్పుడు కూడా క్యాడర్‌తో భాను సత్సంబంధాలు కలిగి ఉండేవారు.  ఆయనకు స్వంత కుటుంబంతో పాటు పార్టీలోనూ కొంత అసమ్మతి ఉండటం చేటు చేస్తోంది.  నియోజకవర్గంలో తన తండ్రి చేసిన సేవలు, తండ్రి మరణంతో సానుభూతి ఉండటం, పార్టీ ప్రవేశపెట్టిన సంక్షేమ పథకాలు, టీడీపీకి ఉన్న బలం గాలి భానుకు కలిసివచ్చే అవకాశం ఉంది. మొత్తానికి గత ఎన్నికల్లో మూడోసారి పోటీ చేసి స్వల్ప మెజారిటీతో మొదటిసారి విజయం సాధించిన రోజా రెండోసారి కూడా తీవ్ర పోటీ ఎదుర్కొంటున్నారు.


Newssting Desk


 newssting@rightfolio.in
      040 23600300

newsting
Daily Updates
facebooktwitterGooglewhatsappwhatsappGoogle