newssting
BITING NEWS :
*విజయవాడలో ప్రజావేదిక కూల్చివేత *అక్రమ నిర్మాణాలపై ఉక్కుపాదం మోపుతాం: సీఎం జగన్ *పార్టీ మారడం ఖాయం.. కోమటిరెడ్డి రాజగోపాల్ రెడ్డి *పార్టీ అంటే కుల సంఘం కాదని, అందరినీ సమన్వయం చేసుకుంటూ ముందుకు వెళ్లాలి: పవన్ కళ్యాణ్ *హోదా బాధ్యత జగన్‌దే: ఎంపీ గల్లా జయదేవ్‌*‘నెహ్రూ-గాంధీ’ కుటుంబంపై ప్రధానమంత్రి నరేంద్రమోదీ తీవ్ర విమర్శలు *ప్రపంచకప్‌ సెమీస్‌లోకి దూసుకెళ్లిన ఆస్ట్రేలియా

రైతు బంధువు ఎస్పీవై రెడ్డి అస్తమయం

01-05-201901-05-2019 10:20:14 IST
2019-05-01T04:50:14.077Z01-05-2019 2019-05-01T04:49:46.007Z - - 26-06-2019

రైతు బంధువు ఎస్పీవై రెడ్డి అస్తమయం
facebooktwitterGooglewhatsappwhatsappGoogle
నంద్యాల ఎంపీ, రైతు బంధువు, సేవాతత్పరుడు ఎస్పీవై రెడ్డి అనారోగ్యంతో కన్నుమూశారు. ఆయన వయసు 69 ఏళ్ళు. గత కొంత కాలంగా గుండె, ఊపిరితిత్తుల వ్యాధితో బాధపడుతున్న ఆయన చికిత్స నిమిత్తం ఏప్రిల్‌ 3న హైదరాబాద్‌ బంజారాహిల్స్‌లోని కేర్‌ ఆస్పత్రిలో చేరారు. ఆస్పత్రిలో చికిత్స పొందుతూ మంగళవారం రాత్రి కన్నుమూశారు.

ఎస్పీవైరెడ్డి మూడు దఫాలుగా లోక్‌సభ సభ్యునిగా విశేష సేవలందించారు. నందిపైపుల అధినేతగా ఆయన ముద్ర వేసుకున్నారు. ఈ దఫా జనసేన తరపున నంద్యాల పార్లమెంటు స్థానానికి పోటీ పడ్డారు. పార్టీ అధ్యక్షుడు పవన్‌కల్యాణ్‌ వెంట కర్నూలు జిల్లా నందికొట్కూరు, నంద్యాలలో ఎన్నికల ప్రచారంలో పాల్గొన్నారు. 

ఎండ దెబ్బకు గురైన ఆయనకు నెల రోజులుగా అక్కడే చికిత్స అందిస్తున్నా ఫలితం లేకపోయింది. ఎంపీ కావడానికి ముందే ఆయన ఎన్నో సేవా కార్యక్రమాలు నిర్వహించారు. రైతు సేవలో ఆయన తరించారు. ఉచితంగా రైతులకు బోర్లు వేయించడం, బావులు తవ్వించడం, పాఠశాలల్లో జరిగే క్రీడలకు అన్నదానం చేయించడం చేశారు.

కర్నూలు జిల్లా కొత్తపల్లి మండలంలోని ప్రతి పొలంలో బోరు బావులు దర్శనమిస్తాయి. వీటిని ఏర్పాటు చేసుకునేందుకు పైపులు, మోటార్లు ఉచితంగా అందించారు. రూపాయికే జొన్నరొట్టె, పప్పు, మజ్జిగ, రూ.3లకు కొబ్బరిబొండం పంపిణీ చేశారు. ఎస్పీవై రెడ్డి ఆకస్మిక మృతికి పలువురు సంతాపం తెలిపారు. 


G. Sathyanarayana Raju


గొట్టుముక్కల సత్యనారాయణరాజుకి జర్నలిజంలో విశేష అనుభవం. 21 సంవత్సరాల క్రితం జర్నలిజంలోకి ప్రవేశించిన సత్యనారాయణరాజు ప్రముఖ దినపత్రికలు, న్యూస్ ఛానెళ్ళలో బాధ్యతలు నిర్వర్తించారు. డిజిటల్ మీడియాలో ప్రవేశించి... మూడేళ్ళనుంచి వివిధ వెబ్‌సైట్లలో పనిచేశారు. ప్రస్తుతం న్యూస్‌స్టింగ్‌.ఇన్ లో సీనియర్ కంటెంట్ రైటర్‌గా పనిచేస్తున్నారు.ఫీచర్ రైటింగ్, ప్రత్యేక కథనాలు, కరెంట్ అఫైర్స్, ఎన్నికల కథనాలు, రాజకీయ కథనాల విశ్లేషణలో మంచి ప్రావీణ్యం.
 gsnraju@rightfolio.in
      040 23600300

newsting
Daily Updates
facebooktwitterGooglewhatsappwhatsappGoogle