newssting
BITING NEWS :
*దిశ కేసులో నలుగురు నిందితులను షాద్ నగర్ లో ఎన్ కౌంటర్ చేసిన పోలీసులు*దిశ కేసులో నిందితుల ఎన్‌కౌంటర్‌పై స్పందించిన జాతీయ మానవ హక్కుల కమిషన్ *దిశ ఘటన హెచ్చరిస్తోంది - పవన్ కళ్యాణ్ * నర పీడితులకు సరైన శిక్ష పడింది - మాజీ సీఎం శివరాజ్ సింగ్ చౌహన్ *దేశంలో ఒక భయంకరమైన సంఘటన జరిగింది, మీరు నిందితులను చంపకూడదు- ఎంపీ మేనకాగాంధీ * దిశకు తగిన న్యాయం జరిగింది - అక్కినేని నాగార్జున, జూనియర్ ఎన్టీఆర్, మంచు మనోజ్, నాని, పూరీజగన్నాధ్ * రూ.150కి చేరిన కిలో ఉల్లి ధర.. ఉల్లి కొనలేక ఇబ్బంది పడుతున్న ప్రజలు *దిశ ఘటన తర్వాత దేశం మొత్తం ఆగ్రహంతో ఉంది - కేజ్రీవాల్*కేంద్రీయ సైనిక్ బోర్డుకు కోటి రూపాయలు విరాళంగా ప్రకటించిన జనసేన అధినేత పవన్ కల్యాణ్*రేపిస్టులపై రాష్ట్రపతి కీలక వ్యాఖ్యలు.. రేపిస్టులపై దయ అవసరంలేదు.. నిందితులు క్షమాభిక్ష పిటిషన్ పెట్టుకునే అవకాశమే ఉండకూడదన్న రాష్ట్రపతి *నిందితుల హత్యకేసుపై దిశ తల్లిదండ్రుల స్పందన.. మా బిడ్డకు తగిన న్యాయం జరిగిందని వ్యాఖ్య

రూల్‌ని ప‌క్క‌న పెట్టిన వైసీపీ.. ఇక చేరిక‌లే..

07-10-201907-10-2019 14:07:17 IST
Updated On 07-10-2019 16:06:32 ISTUpdated On 07-10-20192019-10-07T08:37:17.231Z07-10-2019 2019-10-07T08:37:10.645Z - 2019-10-07T10:36:32.572Z - 07-10-2019

రూల్‌ని ప‌క్క‌న పెట్టిన వైసీపీ.. ఇక చేరిక‌లే..
facebooktwitterGooglewhatsappwhatsappGoogle
వైఎస్ఆర్ కాంగ్రెస్‌లో ఎవ‌రైనా చేరాల‌నుకుంటే ప్ర‌స్తుతం వారుంటున్న పార్టీ ప‌ద‌వుల‌కు రాజీనామా చేయాల్సిందేన‌ని ఏపీ సీఎం వైఎస్ జ‌గ‌న్ మోహ‌న్‌రెడ్డి ఇది వ‌ర‌కే స్ప‌ష్టం చేశారు. అయితే, తాజా రాజ‌కీయ ప‌రిస్థితుల నేప‌థ్యంలో వైసీపీ రూటు మార్చిన‌ట్టు తెలుస్తుంది. దీంతో ప్ర‌ధాన ప్ర‌తిప‌క్షంగా ఉన్న‌ టీడీపీలో స‌రికొత్త‌ టెన్ష‌న్ మొద‌లైందంటూ పొలిటిక‌ల్ స‌ర్కిల్స్‌లో చ‌ర్చ జోరుగా సాగుతోంది.

మ‌రోప‌క్క‌, ఇప్ప‌టికే కొంద‌రు టీడీపీ కీల‌క నేత‌లు వైసీపీతో ట‌చ్‌లో ఉన్నార‌న్న స‌మాచారంతో పార్టీ అధినేత చంద్ర‌బాబే స్వ‌యంగా రంగంలోకి దిగార‌ని, ఎవ‌రూ వైసీపీలోకి వ‌ల‌స‌లు వెళ్ల‌కుండా ముందు జాగ్ర‌త్త చ‌ర్య‌లు చేప‌ట్టిన‌ట్టు తెలుస్తుంది.

ఇన్నాళ్లూ బీజేపీ మాత్ర‌మే టీడీపీ నేత‌ల‌ను త‌మ పార్టీలో చేర్చుకుంటూ వ‌చ్చింది. ఇప్పుడు వైసీపీ కూడా టీడీపీ నేత‌ల‌కు గాలం వేస్తుంద‌న్న వార్తలు విన‌వ‌స్తున్నాయి. ఈ నేప‌థ్యంలో కాస్త అటు ఇటుగా ఉన్న టీడీపీ నేత‌ల‌పై జ‌గ‌న్ పార్టీ క‌న్నేసిన‌ట్టు తెలుస్తుంది.

వైసీపీ వైఖ‌రిని గమ‌నించిన కొంద‌రు టీడీపీ ఎమ్మెల్యేలు అవ‌స‌ర‌మైతే రాజీనామా చేసి మ‌ళ్లీ ఎన్నిక‌ల్లో గెలుస్తామ‌ని అధికార పార్టీ నేత‌ల‌తో రాయ‌బారాలు నడిపిన‌ట్టు స‌మాచారం. దీంతో అప్ర‌మ‌త్త‌మైన టీడీపీ అధినేత చంద్ర‌బాబు అనుమానం ఉన్న నేత‌ల‌తో ప్ర‌త్యేకంగా స‌మావేశ‌మ‌వుతున్నార‌ని ఆ పార్టీ వ‌ర్గాలే చెబుతున్నాయి. అంతేగాక పార్టీని వీడ‌కుండా వారికి కౌన్సెలింగ్ ఇవ్వ‌డంతోపాటు రాజ‌కీయ భ‌విష్య‌త్తుపై భ‌రోసా ఇస్తున్నారు చంద్ర‌బాబు.

ఈ ఏడాది జ‌రిగిన సార్వత్రిక ఎన్నిక‌ల్లో వైసీపీ క‌న్నేసిన అన్ని జిల్లాల్లోనూ స్వీప్ చేసింది. కానీ, వైజాగ్ సిటీలో మాత్రం ఆ టార్గెట్ రీచ్ కాలేక‌పోయింది. దీంతో విశాఖ టీడీపీ నేత‌ల‌పై వైసీపీ క‌న్నేసిందన్న వార్త‌లు విన‌వ‌స్తున్నాయి.

ఇందులో భాగంగా మాజీ మంత్రి గంటా శ్రీ‌నివాస‌రావుతో వైసీపీ చ‌ర్చ‌లు జ‌రుపుతున్న‌ట్టు స‌మాచారం. అందుకు గంటా శ్రీ‌నివాస‌రావు కూడా ప్ర‌స్తుత టీడీపీ ఎమ్మెల్యే ప‌ద‌వికి రాజీనామా చేసి మ‌ళ్లీ ఎన్నిక‌ల‌ను ఎదుర్కొనేందుకు సిద్ధ‌మేన‌న్న సంకేతాలు వైసీపీకి పంపుతున్న‌ట్టు స‌మాచారం.

వైసీపీలోకి వ‌ల‌స‌ల్లో భాగంగా విశాఖ జిల్లాకు చెందిన ఆడారి కుటుంబం ఇప్ప‌టికే  చేరిపోయింది. మాజీ మంత్రి అయ్య‌న్న‌పాత్రుడు సోద‌రుడు కూడా త్వ‌ర‌లోనే వైసీపీలో చేర‌నున్న‌ట్టు ప‌లు క‌థనాలు స్ప‌ష్టం చేస్తున్నాయి. ప్ర‌కాశం జిల్లాలో ఎన్నిక‌ల స‌మ‌యంలో టీడీపీలోకి వ‌చ్చిన పరుచూరుకు చెందిన రామ‌నాథం కూడా తిరిగి జ‌గ‌న్ పార్టీకే జై కొట్టారు. తూర్పు గోదావ‌రి నుంచి కాపు సామాజిక‌వ‌ర్గంలో గ‌ట్టిప‌ట్టున్న తోట త్రిమూర్తులు కూడా అధికార‌పార్టీ తీర్థం పుచ్చుకున్నారు.

ఇదిలా ఉండ‌గా, ఇన్నాళ్లూ బీజేపీలోకి వ‌స‌ల వెళుతున్న టీడీపీ నేత‌ల‌ను పెద్ద‌గా ప‌ట్టించుకోని ఆ పార్టీ అధిష్టానం వైసీపీలోకి వెళ్లే నాయ‌కుల‌ను మాత్రం క‌ట్ట‌డిచేసే ప్ర‌య‌త్నాలను ముమ్మ‌రం చేసింది.  ఈ క్ర‌మంలోనే ఒక‌రిద్ద‌రు నాయ‌కులు పార్టీని వీడినంత మాత్రాన న‌ష్ట‌మేమీలేదంటూ టీడీపీ నేత‌లు చెప్పుకొస్తున్నారు.

ఇలా ఒక్కొక్క నేత వైసీపీలో చేరుతుండ‌టంతో వ‌ల‌స‌ల‌ను ఆపేందుకు స్వయంగా చంద్ర‌బాబే రంగంలోకి దిగారు. పార్టీ మారుతార‌న్న అనుమానం ఉన్న నేత‌ల‌ను పిలిపించి కౌన్సిలింగ్ ఇవ్వ‌డంతోపాటు ఎవ‌రూ పార్టీ ఫిరాయించ‌కుండా ముందు జాగ్ర‌త్త చ‌ర్య‌లు చేప‌ట్టారు చంద్ర‌బాబు.


NewsSting Team


      040 23600300

newsting
Daily Updates
facebooktwitterGooglewhatsappwhatsappGoogle