newssting
BITING NEWS :
*సౌతాఫ్రికాతో జరిగిన రెండో టీ20లో భారత్‌ 7 వికెట్లతో ఘన విజయం *ప్రారంభమైన తెలంగాణ అసెంబ్లీ సమావేశాలు *సింగరేణి కార్మికులకు బోనస్-ముఖ్యమంత్రి కేసీఆర్‌*నల్లగొండలో భారీవర్షం... ఆరుగంటల్లో 200 మిల్లీలీటర్ల వర్షపాతం *కర్నూలు, కడప జిల్లాల్లో భారీ వర్షాలు *బోటు ప్రమాద బాధితులకు 25 లక్షలు ఇవ్వాలి-మాజీ సీఎం చంద్రబాబు డిమాండ్ * జనగామ జిల్లాలో ఘోర రోడ్డుప్రమాదం.. ముగ్గురు మృతి* ఈనెల 26 నుంచి బ్యాంకులు బంద్*న్యూఢిల్లి : నేడు కేంద్ర మంత్రివర్గ సమావేశం

రాష్ట్రంలో ఒక నీతి ... పరాయి రాష్ట్రానికి ఇంకో సూక్తి

27-02-201927-02-2019 13:07:36 IST
2019-02-27T07:37:36.894Z27-02-2019 2019-02-27T07:37:32.595Z - - 20-09-2019

రాష్ట్రంలో ఒక నీతి ... పరాయి రాష్ట్రానికి ఇంకో సూక్తి
facebooktwitterGooglewhatsappwhatsappGoogle
చంద్రబాబు వ్యూహం సరైనదేనా? ఢిల్లీ స్థాయిలో కాంగ్రెసుతో పొత్తు... రాష్ట్రంలో మాత్రం ఎవరి దుకాణం వారిదే ! రాష్ట్రాన్ని అన్యాయంగా విభజించిన కాంగ్రెస్ అంటూ మొన్నమొన్నటిదాకా తిట్ల దండకాన్ని వినిపించిన బాబు ఇప్పుడు సైలెంట్ అయిపోయారు. తన ఫోకస్ అంతా మోడీ, జగన్, కెసియార్‌ల మీద పెట్టి పనికానిచ్చేస్తున్నారు. పాపం కాంగ్రెస్ మాత్రం సోదిలోలేని వాళ్ళందర్నీ పోగేసి బస్సు యాత్ర అంటూ కొత్త సర్కస్ మొదలుపెట్టింది. వాళ్ళ స్లోగన్ ఒకటే..‘‘మాకు అధికారమిస్తే మేము రాష్ట్రానికి ప్రత్యేక హోదా ఇస్తాం’’ఈ కామెడీ చూడలేక జనం ఛస్తున్నారు.

ఇక్కడ వీళ్ళతో కలిస్తే తనకు..తన పార్టీకీ నూకలు చెల్లిపోతాయన్నది బాబు లెక్క. అందుకే ఆయన ఈ అంటరానితనం సూత్రం పాటిస్తున్నారు. ఢిల్లీకి వెళ్తే మాత్రం డైరెక్టుగా రాహుల్ దర్శనానికి ఫస్ట్ ప్రయారిటీ. పైగా యూపీ దోస్తులైన మాయావతి, అఖిలేష్‌లను కాంగ్రెసుతో దోస్తీ చేయాలంటూ మంతనాలు. తన రాష్ట్రంలో ఒక నీతి.. పరాయి రాష్ట్రానికి ఇంకో  సూక్తి ! 

ఏపీలో ఇప్పటికే టికెట్ల వేడి రాజుకుంది. ఇతర పార్టీలతో పొత్తుల గురించి చంద్రబాబు ఇప్పుడు మాట్లాడడం లేదు. అసలు చంద్రబాబు పొత్తులు లేకుండా ఒంటరిగా ఎన్నికల బరిలో నిలిచిన సందర్భాలు లేవనే చెప్పాలి. ఒక్కో పార్లమెంటు నియోజకవర్గం వారీగా సమీక్ష నిర్వహిస్తూ వాటి పరిధిలోని అసెంబ్లీ అభ్యర్థుల ఖరారుపై పార్టీ అధినేత చంద్రబాబు దృష్టి పెట్టడంతో టికెట్లు ఆశిస్తున్న నేతలు తమ ప్రయత్నాలను ముమ్మరం చేస్తున్నారు.

కాంగ్రెస్‌ పార్టీతో జాతీయస్థాయిలోనే కలసి పనిచేస్తామని, రాష్ట్రంలో ఆ పార్టీతో ఎలాంటి ఎన్నికల అవగాహన ఉండదని ఇప్పటికే ఏపీ ముఖ్యమంత్రి చంద్రబాబు స్పష్టం చేశారు. బీజేపీయేతర పార్టీలన్నిటినీ సంఘటితం చేస్తున్నామని చంద్రబాబు అంటున్నారు. అనేక సర్వేలు వైసీపీకి అనుకూలంగా ఉన్నాయని వార్తలు రావడంపై టీడీపీ నేతలు స్పందిస్తున్నారు. 

జనవరితో పోలిస్తే ఫిబ్రవరిలో నాలుగుశాతం టీడీపీకి ఆదరణ పెరిగిందని, తాము నిర్వహించిన సర్వేల్లో తమకు అనుకూల ఫలితాలు వస్తాయని ఒక టీడీపీ నేత వ్యాఖ్యానించారు. సర్వేలు వేరు, వాస్తవం వేరని గ్రహించాలంటున్నారు. కొన్ని నియోజకవర్గాల్లో వైసీపీ కంటే టీడీపీ ధీటుగా దూసుకెళ్తోందని చంద్రబాబు చెబుతున్నారు. మొత్తం మీద అసెంబ్లీ ఎన్నికల వరకూ టీడీపీ ఒంటరిగా పోటీచేసినా, లోక్ సభ సంగతి ఏంటో అర్థం కావడం లేదంటున్నారు టీడీపీ సీనియర్ నేతలు.

కాంగ్రెస్‌తో జాతీయస్థాయిలో పొత్తు అంటే లోక్ సభకు వర్తిస్తుందా అని వారు ప్రశ్నిస్తున్నారు. మొత్తం మీద చంద్రబాబు వైఖరి టీడీపీ నేతలను అయోమయానికి గురిచేస్తోందన్నది మాత్రం వాస్తవం. 


G. Sathyanarayana Raju


గొట్టుముక్కల సత్యనారాయణరాజుకు జర్నలిజంలో 21 సంవత్సరాలకు పైగా అనుభవం ఉంది. ప్రముఖ దినపత్రికలు, మేగజైన్లు, న్యూస్ ఛానెళ్ళలో వివిధ హోదాల్లో బాధ్యతలు నిర్వర్తించారు. డిజిటల్ మీడియాలో ప్రవేశించి... నాలుగేళ్ళనుంచి వివిధ వెబ్‌సైట్లలో పనిచేశారు. ప్రస్తుతం న్యూస్‌స్టింగ్‌.ఇన్ లో కంటెంట్ హెడ్‌గా పనిచేస్తున్నారు. ఫీచర్ రైటింగ్, ప్రత్యేక కథనాలు, కరెంట్ అఫైర్స్, ఎన్నికల కథనాలు, రాజకీయ కథనాల విశ్లేషణలో మంచి ప్రావీణ్యం ఉంది.
 gsnraju@rightfolio.in
      040 23600300

newsting
Daily Updates
facebooktwitterGooglewhatsappwhatsappGoogle