newssting
BITING NEWS :
*ఉన్నావ్ అత్యాచార బాధితురాలు మృతిపై నిరసనలు.. బాధిరాలి కుటుంబాన్ని పరామర్శించిన ప్రియాంకా గాంధీ *నేడు మండపేటలో పవన్ కల్యాణ్ పర్యటన... రైతుల సమస్యలు తెలుసుకోనున్న పవన్ *పఠాన్ చెరువులో బయటపడ్డ మరో సంగీత ఉదంతం.. అత్తింటి వేధింపులపై మాట్లాడేందుకు వెళ్లిన అత్తామామలపై దాడి చేసిన అనూష భర్త, అతని సోదరుడు*నేడు భారత్-వెస్టిండీస్ మధ్య రెండో టీ-20 మ్యాచ్.. తిరువనంతపురం వేదికగా రాత్రి 7 గంటలకు మ్యాచ్ ప్రారంభం*జీహెచ్ఎంసి టౌన్ ప్లానింగ్ లో భారీగా బదిలీలు... 49మంది సెక్షన్ అధికారులను బదిలీ చేసిన జీహెచ్ఎంసి అధికారులు*కేంద్ర మంత్రి నిర్మలా సీతారామన్ కు తెలంగాణ ముఖ్యమంత్రి కెసిఆర్ లేఖ.తెలంగాణకు పన్నుల వాటా పన్నుల విడుదల చేయాలని వినతి *ఏపీలో పెరిగిన ఆర్టీసీ చార్జీలు.. పల్లె వెలుగు, సిటీ సర్వీసులపై కిలోమీటర్ కు 10 పైసలు పెంపు... మిగిలిన అన్ని సర్వీసులపై కిలోమీటర్ కు 20 పైసలు పెంపు*ఎన్ కౌంటర్ మృత దేహాలను గాంధీ ఆసుపత్రికి తరలించాలని హైకోర్టును ఆశ్రయించిన పాలమూరు ఎస్పీ*అమ్మ రాజ్యంలో కడప బిడ్డలు సినిమా విడుదలకు తొలగిన అడ్డంకి...12న విడుదల *కడపజిల్లాలో దొంగనోట్ల చలామణి ముఠా గుట్టురట్టు

రాజన్న పాలన కాదు రాక్షసపాలన...‘చంద్ర’ నిప్పులు

07-09-201907-09-2019 08:44:04 IST
2019-09-07T03:14:04.256Z07-09-2019 2019-09-07T03:13:46.615Z - - 09-12-2019

రాజన్న పాలన కాదు రాక్షసపాలన...‘చంద్ర’ నిప్పులు
facebooktwitterGooglewhatsappwhatsappGoogle
ఏపీలో ముఖ్యమంత్రి జగన్ వంద రోజుల పాలనపై అధికారపక్షం హర్షం వ్యక్తం చేస్తుంటే.. విపక్షాలు మాత్రం నిప్పులు చెరుగుతున్నాయి. రాష్ట్రంలో దుర్మార్గమైన, రాక్షస పాలన సాగుతోందని టీడీపీ అధినేత చంద్రబాబు విమర్శించారు. తూర్పు గోదావరి జిల్లాలో పర్యటించిన చంద్రబాబు... వైసీపీ ప్రభుత్వంపై తీవ్రస్థాయిలో మండిపడ్డారు.  ఇంత పనికిమాలిన ప్రభుత్వం తన 40 ఏళ్ళ రాజకీయ చరిత్రలో చూడలేదని విమర్శించారు. 

వైసీపీ ప్రభుత్వ 100 రోజుల పాలన అప్రతిష్ఠను మూటకట్టుకుందని చంద్రబాబు అన్నారు. ఇది విధ్వంసకర ప్రభుత్వం అని ధ్వజమెత్తారు. వందరోజుల్లో ఇంత చెడ్డపేరు తెచ్చుకున్న సీఎం చరిత్రలో మరొకరు లేరని విమర్శించారు. నెలలు గడుస్తున్నా తన బాబాయిని ఎవరు హత్య చేశారో తేల్చలేదని అన్నారు. ఆంధ్రుల రాజధాని అమరావతిని చంపాలని చూస్తున్నారని... ఏపీ జీవనాడి పోలవరం ప్రాజెక్టును అటకెక్కించారని ఆరోపించారు. 

వైఎస్, విజయభాస్కర్ రెడ్డి ఫ్యాక్షన్ జిల్లాల నుంచి వచ్చినప్పటికీ... వారు దాన్ని జిల్లాలకే పరిమితం చేశారని చంద్రబాబు వ్యాఖ్యానించారు. సీఎం జగన్ పులివెందుల పంచాయితీ రాష్ట్రమంతా చేయాలని చూస్తున్నారని, దానిని చూస్తూ ఊరుకోబోమన్నారు. 

వైసీపీకి క్యాడర్ లేదని... అందుకే టీడీపీ క్యాడర్‌ను ధ్వంసం చేయాలని చూస్తున్నారని చంద్రబాబు విమర్శించారు. టీడీపీ కార్యకర్తలు ధైర్యంగా ఉండాలన్నారు. ప్రతిపక్షాన్ని నాశనం చేయడం ప్రజాస్వామ్య స్ఫూర్తికి విరుద్ధం అంటున్నారు. 

తన మీద కేసులు పెట్టడం, దాడులు చేయడం, తన ఇంటిని డ్రోన్ కెమేరాలతో  చిత్రీకరించడం, సెక్యూరిటీను తగ్గించి నీచమైన రాజకీయాలు చేస్తున్నారని ధ్వజమెత్తారు. తాము జగన్ పాదయాత్రకు పూర్తిస్థాయిలో సెక్యూరిటీ ఇచ్చామన్న చంద్రబాబు...నా ఇల్లు ముంచే రాజకీయాలు చేసి అప్రతిష్ట పాలయ్యారని మండిపడ్డారు. పోలీసులు తమ విధులు సరిగా నిర్వర్తించడం లేదన్నారు. అన్యాయం జరిగిందని, తమకు. న్యాయం కావాలని అడిగిన వారిపై కేసులు నమోదు చేస్తున్నారని ఆవేదన వ్యక్తం చేశారు.

గుంటూరు జిల్లా సత్తెనపల్లి మండలం గుడిపూడిలో టీడీపీ నాయకుల ఇళ్లు, షాపులపై వైసీపీ శ్రేణులు దాడి చేయడాన్ని తీవ్రంగా ఖండించింది. టీడీపీ నేతల ఇళ్ల వైపు వెళ్తూ... మందు బాటిళ్లను ఆ ఇళ్లపైకి విసిరేశారు. దగ్గర్లోని షాపుల అద్దాల్ని ధ్వంసం చేశారు. ఈ ఘటనలో ఓ మహిళ తలకు పెద్ద గాయాలయ్యాయి.

ఇలాగైతే తాము బతకలేమనీ... తమను చంపేస్తున్నారనీ... బాధితులు లబోదిబో మంటున్నారు. రంగంలోకి దిగిన పోలీసులు... అక్కడ అదనపు సెక్యూరిటీని ఏర్పాటు చేశారు.ఇలాంటి దాడులపై నిన్న మాజీ మంత్రి, టీడీపీ ఎమ్మెల్సీ నారా లోకేష్ స్పందించారు. బాధితుల్ని కలిసిన ఆయన... కొత్త ప్రభుత్వం రాజన్న రాజ్యం తెస్తుందని అనుకుంటే రాక్షస రాజ్యం తెచ్చిందని విమర్శించారు. 


Newssting Desk


 newssting@rightfolio.in
      040 23600300

newsting
Daily Updates
facebooktwitterGooglewhatsappwhatsappGoogle