newssting
BITING NEWS :
*విషమంగానే మాజీ రాష్ట్రపతి ప్రణబ్ ఆరోగ్యం.. వెంటిలేటర్ పై చికిత్స *వనపర్తి జిల్లా నాగపూర్ లో విషాదం ఒకే కుటుంబంలో నలుగురి ఆత్మహత్య *హైద‌రాబాద్‌: పంచాయతీ,మండల, జిల్లాప్రజా పరిషత్‌లకు 15వ ఆర్థిక సంఘం నిధుల పునరుద్ధరణ.. ఆరేళ్ల క్రితం నిలిపివేసిన ఆర్థికసంఘం.. ఈ ఏడాదికి రూ.1,847 కోట్ల నిధుల మంజూరు*ఢిల్లీ: ప్ర‌శాంత్ భూష‌ణ్ కోర్టు ధిక్క‌ర‌ణ సుమోటో కేసులో సుప్రీంకోర్టు తీర్పు... ప్ర‌శాంత్ భూష‌ణ్‌ను దోషిగా తేల్చిన జ‌స్టిస్ అరుణ్ మిశ్రా నేతృత్వంలోని ధ‌ర్మాస‌నం.. శిక్ష‌పై ఈ నెల 20న వాద‌న‌లు వింటాం-సుప్రీం*హైద‌రాబాద్‌: కోవిడ్ కి ఉచిత చికిత్స చేయాలి.. కరోనాతో ఆదాయ మార్గం పోయింది కాబట్టి పేదలకు ఆరు నెలల పాటు రూ. 7500 చొప్పున‌ ఇవ్వాలి-ప్రొఫెస‌ర్ కోదండరాం*భార‌త్‌లో రికార్డు స్థాయిలో పెరుగుతున్న కరోనా కేసులు, మరణాలు.. గడచిన 24 గంటల్లో 64,553 కరోనా కేసులు నమోదు, 1007 మంది మృతి.. 24,61,191కు చేరుకున్న క‌రోనా పాజిటివ్ కేసులు, ఇప్ప‌టి వ‌ర‌కు 48,040 మంది మృతి*తెలంగాణ‌లో 1921 పాజిటివ్ కేసులు నమోదు, 9 మంది మృతి.. 88396కు చేరిన పాజిటివ్ కేసుల సంఖ్య‌, ఇప్పటి వరకు 674 మంది మృతి

రాజధానుల రగడ.. ఉపరాష్ట్రపతి కీలక వ్యాఖ్యలు

25-12-201925-12-2019 12:28:23 IST
Updated On 26-12-2019 11:45:16 ISTUpdated On 26-12-20192019-12-25T06:58:23.602Z25-12-2019 2019-12-25T06:58:01.297Z - 2019-12-26T06:15:16.139Z - 26-12-2019

రాజధానుల రగడ.. ఉపరాష్ట్రపతి కీలక వ్యాఖ్యలు
facebooktwitterGooglewhatsappwhatsappGoogle
ఏపీలో మూడురాజధానుల అంశం ఇప్పుడు రాజకీయంగా ప్రాధాన్యత సంతరించుకుంది. అటు పాలక పక్షం వైసీపీ జగన్ ఆలోచనలకు అనుగుణంగా అడుగులు వేస్తోంది. ఇటు విపక్షం టీడీపీ,బీజేపీ, జనసేనలు మూడురాజధానుల ఆలోచనను తీవ్రంగా వ్యతిరేకిస్తున్నాయి. అమరావతిలో రైతుల దీక్షలు, నిరసనలు తీవ్రంగా జరుగుతున్నాయి. తాజా రాజకీయ పరిణామాల నేపథ్యంలో ఉప రాష్ట్రపతి వెంకయ్యనాయుడు తన అభిప్రాయం వెలిబుచ్చారు. 

కృష్ణాజిల్లా ఆత్కూరులో స్వర్ణ భారతి ట్రస్ట్ లో మీడియా తో ఉప రాష్ట్రపతి వెంకయ్య నాయుడు ఇష్టాగోష్టిగా మాట్లాడారు. అభివృద్ధి వికేంద్రీకరణను తాను మొదటి నుంచి కట్టుబడి ఉన్నానని, రాష్ట్రం ఏర్పడిన తరువాత కేంద్ర సంస్థ లను అన్ని ప్రాంతాల్లో ఏర్పాటు చేశామన్నారు. కేంద్ర మంత్రిగా పనిచేసినప్పుడు తాను ప్రత్యేకం గా చొరవ  తీసుకుని జిల్లాకో కేంద్ర సంస్థ ఏర్పాటు అయ్యేలా చూశానన్నారు. 

అభివృద్ధి వికేంద్రీకరణ అంటే ఈ విధంగా జరగాలన్నారు. ప్రభుత్వ పాలన ఒక్క చోట నుంచే ఉండాలనేది తన నిశ్చితాభిప్రాయం అని.. రాజకీయాలకు తాను దూరంగా ఉండి ఈ మాటలు అంటున్నానన్నారు. ముఖ్యమంత్రి, పాలనా యంత్రాంగం హైకోర్టు, అసెంబ్లీ అన్నీ ఒక్క చోటనే ఉండడం మంచిదన్నారు. అన్ని ఒక్క చోట ఉంటేనే పాలనలో సౌలభ్యం ఉంటుందని, ప్రజలకు ఇబ్బందుల కలగకుండా ఉంటాయన్నారు వెంకయ్యనాయుడు.

తన 42 ఏళ్ళ అనుభవం తో ఈ మాట చెబుతున్నానని, వివాదాల కోసమో, రాజకీయం కోణం లోనో నా అభిప్రాయం చూడవద్దని వెంకయ్యనాయుడు సూచించారు.కేంద్రం తనను అభిప్రాయం కోరితే ఇదే విషయం చెబుతానన్నారు. ఏపీలో ఇంగ్లీషు మీడియం విద్య గురించి కూడా వెంకయ్యనాయుడు మాట్లాడారు.

మాతృభాషకు ప్రాధాన్యం విషయంలో తన మొదటి నుంచి ఒకటే అభిప్రాయం అనీ ప్రభుత్వ పాఠశాలల్లో తెలుగులో ప్రాథమిక బోధన ఉండాలనేదే తన అభిప్రాయం అన్నారు. ప్రధాని సైతం మాతృ భాషకు ప్రాధాన్యంపై అనేక సార్లు చెప్పారని వెంకయ్యనాయుడు గుర్తుచేశారు. 

 


G. Sathyanarayana Raju


గొట్టుముక్కల సత్యనారాయణరాజుకు జర్నలిజంలో 21 సంవత్సరాలకు పైగా అనుభవం ఉంది. ప్రముఖ దినపత్రికలు, మేగజైన్లు, న్యూస్ ఛానెళ్ళలో వివిధ హోదాల్లో బాధ్యతలు నిర్వర్తించారు. డిజిటల్ మీడియాలో ప్రవేశించి... నాలుగేళ్ళనుంచి వివిధ వెబ్‌సైట్లలో పనిచేశారు. ప్రస్తుతం న్యూస్‌స్టింగ్‌.ఇన్ లో కంటెంట్ హెడ్‌గా పనిచేస్తున్నారు. ఫీచర్ రైటింగ్, ప్రత్యేక కథనాలు, కరెంట్ అఫైర్స్, ఎన్నికల కథనాలు, రాజకీయ కథనాల విశ్లేషణలో మంచి ప్రావీణ్యం ఉంది.
 gsnraju@rightfolio.in
      040 23600300

newsting
Daily Updates
facebooktwitterGooglewhatsappwhatsappGoogle