newssting
BITING NEWS :
*హైదరాబాద్‌: ఓయూ ప్రొఫెసర్ కాశింను హైకోర్టు చీఫ్ జస్టిస్ నివాసంలో హాజరుపర్చిన గజ్వేల్ పోలీసులు*షిర్డీలో కొనసాగుతోన్న బంద్.. షిర్డీతో పాటు చుట్టుపక్కల గ్రామాల్లోనూ బంద్.. షిర్డీలో తెరుచుకోని షాపులు, బంద్ కొనసాగించాలని షిర్డీ గ్రామ సభ నిర్ణయం*తిరుమల: రేపటి నుంచి శ్రీవారి భక్తులకు ఉచితంగా లడ్డూ... సబ్సిడీపై ఇస్తున్న లడ్డూలను నిలిపివేయనున్న టీటీడీ.. అదనపు లడ్డూ కోసం రూ.50*నేడు షిరిడీ బంద్... బాబా ఆలయం తెరిచి ఉంటుంది, దర్శనాలకు ఎలాంటి ఇబ్బందిలేదు, భక్తులు ప్రయాణాన్ని రద్దు చేసుకోవాల్సిన అవసరం లేదు, భక్తులకు ఇబ్బంది లేకుండా షిరిడీ బంద్-సాయి ట్రస్ట్*హైదరాబాద్‌: జూబ్లీహిల్స్‌లో డ్రంక్ అండ్ డ్రైవ్ తనిఖీలు... 32 కేసులు నమోదు, 16 కార్లు, 16 బైక్‌లు సీజ్... నలుగురు యువతులను అదుపులోకి తీసుకున్న పోలీసులు*విశాఖను ఎగ్జిక్యూటివ్ కేపిటల్‌గా ప్రకటించాలని నేడు మంత్రి అవంతి శ్రీనివాస్ ఆధ్వర్యంలో తగరపు వలసలో భారీ ర్యాలీ*నేడు భారత్-ఆస్ట్రేలియా మధ్య మూడో వన్డే.. బెంగళూరు వేదికగా మధ్యాహ్నం 1.30 గంటలకు మ్యాచ్ ప్రారంభం

రాజధానిలో ధర్నాకు బాబు మద్దతు....జగన్‌కు సిగ్గుందా అని ఎద్దేవా

01-01-202001-01-2020 17:01:51 IST
2020-01-01T11:31:51.945Z01-01-2020 2020-01-01T11:31:48.718Z - - 19-01-2020

రాజధానిలో ధర్నాకు బాబు మద్దతు....జగన్‌కు సిగ్గుందా అని ఎద్దేవా
facebooktwitterGooglewhatsappwhatsappGoogle
2019 నూతన సంవత్సరం వేళ అమరావతి రైతులు ధర్నాలతో 2020వ సంవత్సరానికి స్వాగతం పలికారు.అమరావతి రైతుల ఆందోళనకు మద్దతుగా నూతన సంవత్సర వేడుకలకు దూరంగా ఉన్నారు టీడీపీ అధినేత, విపక్ష నేత చంద్రబాబు నాయుడు. ఆయనే కాదు ఆయన సతీమణి భువనేశ్వరితో కలిసి రాజధాని గ్రామాల్లో విస్తృతంగా పర్యటించారు. ఎర్రబాలెం రైతుల నిరసన దీక్షలో దంపతులిద్దరూ కూర్చుని రైతులకు మద్దతు తెలిపారు. 

ఈసందర్భంగా రైతులతో ముఖాముఖి మాట్లాడారు. విదేశాల నుంచి వచ్చిన స్థానికులతో సంభాషించారు. ఎన్నికల సమయంలో తానిచ్చిన హామీలను పట్టించుకోలేదని, ట్రాన్స్ లో పడి జగన్ కు ఓటేసి ఫలితం అనుభవిస్తున్నారన్నారు. తాను నిర్మించిన ప్రజా వేదికను కూల్చితే మనకెందుకు అనుకున్నారని, అమరావతిలో తన ఇల్లు ముంచే ప్రయత్నం చేస్తే బాబు సొంత గొడవ అనుకున్నారన్నారు. తన దాకా వస్తే గానీ తెలీదు అన్నట్టుగా రాజధాని విషయం వచ్చే సరికి మీకు ఆందోళన మొదలైందన్నారు. మీకోసం ఎంతవరకైనా పోరాటం చేస్తానన్నారు చంద్రబాబు.

దక్షిణాఫ్రికా మోడల్ అంటున్న జగన్ ప్రపంచంలో ఏ దేశానికైనా, రాష్ట్రానికీ మూడు రాజధానులు లేవన్న సంగతి తెలియదా అని చంద్రబాబునాయుడు అన్నారు. ఎగ్జిక్యూటివ్ రాజధాని పేరుతో విశాఖ ప్రజల ఆస్తులు కొట్టేయాలని వైసీపీ నేతలు కాచుకుని కూర్చున్నారని అన్నారు. అమరావతిలో అన్నీ ఉన్నాయి ఇక డబ్బు ఎందుకని ప్రశ్నించారు.

అమరావతిలో పైసా ఖర్చు పెట్టాల్సిన అవసరం లేదన్న ఆయన అమరావతిని మార్చే అధికారం మీకు లేదని ప్రభుత్వాన్ని ఉద్దేశించి వ్యాఖ్యానించారు. దేశంలో ఏ సీఎం అయినా రాజధాని మార్చారా అని ఆయన ప్రశ్నించారు. ఖైదీ నెంబర్ 6093 అంటే ప్రజలందరికీ తెలిసిందన్నారు. తాను వద్దు వద్దంటున్నా అవినీతిలో మునిగిపోయిన వారికి ఓట్లేశారని, ఒక్క అవకాశం అంటే మోసపోయారన్నారు. 

అమరావతిలో ఒక కులం గురించి ఎక్కువగా మాట్లాడుతున్నారని, అక్కడ వెనుకబడిన కులాలు 75శాతం ఉన్నాయన్నారు. కారుణ్య మరణాలు చేసుకునేందుకు అనుమతివ్వాలని రాజధాని ప్రాంత రైతులు అడిగారంటే పరిస్థితి ఎంత దారుణంగా ఉందో అర్థం చేసుకోవాలన్నారు. అసలు ఈ సీఎంకు సిగ్గుందా అని తీవ్రస్థాయిలో ధ్వజమెత్తారు. రైతులు ధైర్యంగా ముందుకెళ్తే జగన్ పులివెందులకు పారిపోవడం ఖాయమన్నారు. అర్ధరాత్రి వచ్చి రైతులను అరెస్ట్ చేయాల్సిన అవసరం ఏమిటని చంద్రబాబు ప్రశ్నించారు. ధైర్యముంటే ఇన్ సైడర్ ట్రేడింగ్ పై దర్యాప్తు చేయాలని సవాల్ విసిరారు. 


G. Sathyanarayana Raju


గొట్టుముక్కల సత్యనారాయణరాజుకు జర్నలిజంలో 21 సంవత్సరాలకు పైగా అనుభవం ఉంది. ప్రముఖ దినపత్రికలు, మేగజైన్లు, న్యూస్ ఛానెళ్ళలో వివిధ హోదాల్లో బాధ్యతలు నిర్వర్తించారు. డిజిటల్ మీడియాలో ప్రవేశించి... నాలుగేళ్ళనుంచి వివిధ వెబ్‌సైట్లలో పనిచేశారు. ప్రస్తుతం న్యూస్‌స్టింగ్‌.ఇన్ లో కంటెంట్ హెడ్‌గా పనిచేస్తున్నారు. ఫీచర్ రైటింగ్, ప్రత్యేక కథనాలు, కరెంట్ అఫైర్స్, ఎన్నికల కథనాలు, రాజకీయ కథనాల విశ్లేషణలో మంచి ప్రావీణ్యం ఉంది.
 gsnraju@rightfolio.in
      040 23600300

newsting
Daily Updates
facebooktwitterGooglewhatsappwhatsappGoogle