newssting
BITING NEWS :
*కాశ్మీర్ సమస్యకు త్వరలో పరిష్కారం: రక్షణ మంత్రి రాజ్ నాథ్ సింగ్ * అసోం, బిహార్‌ వరదల్లో 159కి చేరిన మరణాలు*ఢిల్లీ మాజీ సీఎం షీలా దీక్షిత్ ఆకస్మిక మృతికి పలువురి సంతాపం *చంద్రయాన్-2 ప్రయోగానికి కౌంట్ డౌన్ ...22న నింగిలోకి.. చంద్రయాన్‌–2*ఇవాళ సికింద్రాబాద్‌ ఉజ్జయిని మహాకాళి బోనాలు*తెలంగాణ సీఎం కేసీఆర్ కు జేపీ అభినందనలు.. కొత్త పురపాలక చట్టం వికేంద్రీకరణ దిశగా ముందడుగు అంటూ కితాబులు *ఆర్ టీ ఐ సవరణ బిల్లు స.హ చట్టానికి చావు దెబ్బ: మాజీ కమిషనర్ మాడభూషి శ్రీధరాచార్యులు

రాజకీయమా? ఫక్తు వ్యాపారమా?-1

03-05-201903-05-2019 07:16:12 IST
Updated On 03-05-2019 07:28:01 ISTUpdated On 03-05-20192019-05-03T01:46:12.916Z03-05-2019 2019-05-03T01:45:13.039Z - 2019-05-03T01:58:01.447Z - 03-05-2019

రాజకీయమా? ఫక్తు వ్యాపారమా?-1
facebooktwitterGooglewhatsappwhatsappGoogle
ఏపీలో అసెంబ్లీ ఎన్నికలు దేశవ్యాప్తంగా చర్చనీయాంశంగా మారాయి. ఆంధ్రప్రదేశ్ రాష్ట్రంలో ఇద్దరు కీలక నేతల భవితవ్యం ఈ ఎన్నికల ద్వారా వ్యక్తం కానుంది. ఏపీ సీఎం చంద్రబాబునాయుడు మరోమారు సీఎంగా కొనసాగాలని కోరుకుంటున్నారు. మరో నేత జగన్ ఈసారి ఎలాగైనా సీఎం పీఠంపై కూర్చోవాలని ఉవ్విళ్ళూరుతున్నారు.

అందుకే ఏడాది పాటు కాళ్ళకు బలపం కట్టుకుని పాదయాత్ర చేశారు. జనం కష్టాలు తెలుసుకున్నారు. ఎన్నికల్లో విజయం ఇద్దరు నేతలకు ఇప్పుడు అనివార్యం. చావో రేవో అంటే ఏంటో ఇద్దరు నేతలకు తెలిసొచ్చింది. 

అసెంబ్లీలోని 175 అసెంబ్లీ స్థానాలకు జరిగిన ఈ ఎన్నికల్లో వేల కోట్లు ఖర్చయ్యాయని చెబుతున్నారు. స్వయంగా టీడీపీ ఎంపీ జేసీ దివాకర్ రెడ్డి ఏకంగా పదివేల కోట్ల రూపాయలు ఖర్చయ్యాయని నొక్కి వొక్కాణించారు. భారతదేశంలో ఏ రాష్ట్రంలోనూ ఇలాంటి పరిస్థితి లేదనేది వాస్తవం. ఓట్ల కోసం నోట్లు ఏరులై పారాయి.

మద్యం కేసులకి కేసులు పంపిణీ జరిగిపోయింది. ఈ వేల కోట్లతో పాటు మద్యం కూడా నియోజకవర్గాల్లో భారీగా సరఫరా అయింది. ఏపీ ఎన్నికలను చూసి మిగతా రాష్ట్రాలు నివ్వెరపోయాయి. రాజకీయం అంటే ఇంత కాస్ట్ లీగా ఉంటాయా అని వారంతా నోరెళ్ళబెట్టారు. దక్షిణ భారతదేశంలోనే ఉన్నా కేరళలో కేవలం 10 లక్షల రూపాయలతో ఎంపీగా గెలిచిన వారున్నారు. 

తెలుగు రాష్ట్రాల్లో 2019 ఎన్నికల్లో 10 వేల కోట్లు ఎలా ఖర్చయ్యాయనేది మనం ఆలోచిస్తే అవాక్కవ్వక తప్పదు. 175 నియోజకవర్గాల్లో తెలుగుదేశం, వైసీపీ పార్టీలు అభ్యర్ధులకు పార్టీ ఫండ్ కింద అభ్యర్ధికి ఒక్కొక్కరికి 10 కోట్ల రూపాయలు ఇచ్చిందని వార్తలు వచ్చాయి.

ఈ లెక్కన 1750+1750 కోట్లు లెక్కన మొత్తం 3500 కోట్ల రూపాయలు ఖర్చయిందన్నమాట. దీనికి తోడు కీలక నియోజకవర్గాల్లో 50 కోట్ల రూపాయలకు పైనే ఖర్చయింది. ఈ లెక్కన 50 నుంచి 60 సీట్లను కీలక స్థానాలుగా గుర్తిస్తే 60X50 =300 కోట్లు రెండుపార్టీలు కలిసి 600 కోట్లు ఖర్చుచేశాయని సమాచారం. 

అంటే మొత్తం 3500+600 కోట్లు=4100 కోట్లు. మరికొన్ని నియోజకవర్గాల్లో 75 నుంచి 100 కోట్లు కూడా ఖర్చు చేశారని లెక్కలు చెబుతున్నాయి. ఈ లెక్కన 5000 కోట్లు దాటిపోయింది. ఇక జనసేన మిగతా పార్టీలు కూడా తామేం తక్కువ తినలేదు అన్నట్టుగా ఖర్చు చేశాయి. 140 నియోజకవర్గాల్లో పోటీచేసిన జనసేన 140 కోట్ల వరకూ ఖర్చుచేసిందంటున్నారు.

మిగతా పార్టీలు కూడా 100 కోట్లు పైగానే ఖర్చు చేశాయి. ఇవి కాకుండా మద్యం కోసం వేయికోట్లు వరకూ ఖర్చుచేశాయట. ఇది ఏ జర్నలిస్టులో, మేధావులో చెబుతున్న కాకిలెక్కలు కానేకాదు. రాజకీయ పార్టీల నేతలు  కుండబద్ధలు కొట్టి మరీ చెబుతున్న కోట్ల కథ. (ఇంకా ఉంది)

రాజకీయమా? ఫక్తు వ్యాపారమా?-2  కోసం ఇక్కడ క్లిక్ చేయండి https://www.newssting.in/p/5ccb9ee1c6df354872590a4c


G. Sathyanarayana Raju


గొట్టుముక్కల సత్యనారాయణరాజుకు జర్నలిజంలో 21 సంవత్సరాలకు పైగా అనుభవం ఉంది. ప్రముఖ దినపత్రికలు, మేగజైన్లు, న్యూస్ ఛానెళ్ళలో వివిధ హోదాల్లో బాధ్యతలు నిర్వర్తించారు. డిజిటల్ మీడియాలో ప్రవేశించి... నాలుగేళ్ళనుంచి వివిధ వెబ్‌సైట్లలో పనిచేశారు. ప్రస్తుతం న్యూస్‌స్టింగ్‌.ఇన్ లో కంటెంట్ హెడ్‌గా పనిచేస్తున్నారు. ఫీచర్ రైటింగ్, ప్రత్యేక కథనాలు, కరెంట్ అఫైర్స్, ఎన్నికల కథనాలు, రాజకీయ కథనాల విశ్లేషణలో మంచి ప్రావీణ్యం ఉంది.
 gsnraju@rightfolio.in
      040 23600300

newsting
Daily Updates
facebooktwitterGooglewhatsappwhatsappGoogle