newssting
BITING NEWS :
*కాశ్మీర్ సమస్యకు త్వరలో పరిష్కారం: రక్షణ మంత్రి రాజ్ నాథ్ సింగ్ * అసోం, బిహార్‌ వరదల్లో 159కి చేరిన మరణాలు*ఢిల్లీ మాజీ సీఎం షీలా దీక్షిత్ ఆకస్మిక మృతికి పలువురి సంతాపం *చంద్రయాన్-2 ప్రయోగానికి కౌంట్ డౌన్ ...22న నింగిలోకి.. చంద్రయాన్‌–2*ఇవాళ సికింద్రాబాద్‌ ఉజ్జయిని మహాకాళి బోనాలు*తెలంగాణ సీఎం కేసీఆర్ కు జేపీ అభినందనలు.. కొత్త పురపాలక చట్టం వికేంద్రీకరణ దిశగా ముందడుగు అంటూ కితాబులు *ఆర్ టీ ఐ సవరణ బిల్లు స.హ చట్టానికి చావు దెబ్బ: మాజీ కమిషనర్ మాడభూషి శ్రీధరాచార్యులు

యాక్టర్ కావాలా... లోకల్ హీరో కావాలా?

08-04-201908-04-2019 08:59:20 IST
2019-04-08T03:29:20.684Z08-04-2019 2019-04-08T03:29:12.626Z - - 22-07-2019

యాక్టర్ కావాలా... లోకల్ హీరో కావాలా?
facebooktwitterGooglewhatsappwhatsappGoogle
గాజువాక రేసు రసవత్తరంగా సాగుతోంది. జగన్ లోకల్ సెంటిమెంట్ రాజేస్తున్నారు. "గాజువాకలో పోటీ ఓ యాక్టర్‌కు ... లోకల్ హీరోకు మధ్య జరుగుతోంది. ఎప్పుడు మీకు అందుబాటులో ఉంటాడు. తొమ్మిదిఏళ్లుగా ప్రతిపక్షంలోనే ఉన్నాం.. ప్రతి ధర్నా చేశాడు.. ప్రతి నిరాహార దీక్ష చేశాడు. ప్రతిసారి మీకు అండగా ఉన్నాడు.

మీ కోసం కేసులు పెట్టించుకున్నాడు. ఈ మనిషిని లోకల్ హీరో అంటాం.. కానీ మరోవైపు యాక్టర్ ఉన్నాడు. ఆ యాక్టర్ గురించి చెప్పాల్సిన పనిలేదు. ఆయన నామినేషన్ సందర్భంగానే తెలుగుదేశం జెండాలు కనిపిస్తాయి. నాలుగేళ్లు టీడీపీతో కాపురం చేసి ఎన్నికలకు ఏడాది ముందు విడాకులు తీసుకున్నట్లుగా బిల్డప్ ఇస్తున్నాడు. జగన్ అనే నేను చంద్రబాబుకు వ్యతిరేకంగా పోరాటాలు చేస్తే.. 22 కేసులు పెట్టారు. కానీ ఇదే యాక్టర్ పవన్ కల్యాణ్ ఏడాది నుంచి బిల్డప్ఇస్తూ ఉంటుంటే.. ఒక్క కేసైనా పెట్టారా?" ఇవీ వైసీపీ అధినేత జగన్ డైలాగ్‌లు. 

పవన్ కల్యాణ్ పోటీ చేస్తున్న గాజువాక నడిబొడ్డులో నిలబడి జగన్ నేరుగా అడిగిన ప్రశ్నలు సోషల్ మీడియాను ఊపేస్తున్నాయి.  ఓ వైపు నేల కనిపించనంత భారీ జనసందోహం, మరోవైపు జగన్ అడిగిన ప్రశ్నలు గాజువాకలో చర్చను రేకెత్తించాయి. ఇప్పటిదాకా భీమవరంలో కాస్త అటు ఇటు అయినా గాజువాకలో మాత్రం గెలుపు పక్కా అనుకున్న పవన్ శిబిరం.. జగన్ సభకు వచ్చిన జనాన్ని చూసి ఢీలా పడిపోయిందట. యూత్ ఓట్లు ఎక్కువగా ఉన్నా.. గతంలో ఇక్కడి నుంచి ప్రజారాజ్యం పార్టీ అభ్యర్థి గెలుపొందినా ఓటర్లు తాజా పరిస్థితుల్ని దృష్టిలో పెట్టుకొనే ఓటు వేస్తారనేది ఇటీవలి కాలంలో ఎన్నికల ప్రక్రియను గమనిస్తే తెలిసే అంశం. 

సొంత ఊరు పాలకొల్లులోనే మెగాస్టార్ చిరంజీవి ఘోరంగా ఓడిపోయారు. అదే పద్ధతిలో పవన్ కల్యాణ్ ముందు జాగ్రత్తగా రెండు స్థానాల నుంచి పోటీ చేశారు. అయితే పవన్ ఫ్యాన్స్ మంచి ఊపుతో ఉన్నందున రెండు చోట్లా గెలుస్తారన్న అభిప్రాయం మొన్నమొన్నటిదాకా ఉండేది. కానీ ఇప్పుడు మొత్తం జగన్ ఫీవర్ కొనసాగుతోంది. సోషల్ మీడియాలో చూసినా జనం నోళ్లలో చూసిన జగన్ జపమే కనిపిస్తున్న ఈ పరిస్థితుల్లో పవన్ ఫ్యాన్స్.. ఫ్యాను గాలిని ఆపి తమ నాయకుడిని గట్టెక్కిస్తారా లేదా అనేది చూడాలి


Newssting Desk


 newssting@rightfolio.in
      040 23600300

newsting
Daily Updates
facebooktwitterGooglewhatsappwhatsappGoogle