newssting
BITING NEWS :
*సౌతాఫ్రికాతో జరిగిన రెండో టీ20లో భారత్‌ 7 వికెట్లతో ఘన విజయం *ప్రారంభమైన తెలంగాణ అసెంబ్లీ సమావేశాలు *సింగరేణి కార్మికులకు బోనస్-ముఖ్యమంత్రి కేసీఆర్‌*నల్లగొండలో భారీవర్షం... ఆరుగంటల్లో 200 మిల్లీలీటర్ల వర్షపాతం *కర్నూలు, కడప జిల్లాల్లో భారీ వర్షాలు *బోటు ప్రమాద బాధితులకు 25 లక్షలు ఇవ్వాలి-మాజీ సీఎం చంద్రబాబు డిమాండ్ * జనగామ జిల్లాలో ఘోర రోడ్డుప్రమాదం.. ముగ్గురు మృతి* ఈనెల 26 నుంచి బ్యాంకులు బంద్*న్యూఢిల్లి : నేడు కేంద్ర మంత్రివర్గ సమావేశం

మోడీ గో బ్యాక్.. స్టీల్ సిటీలో టెన్షన్

01-03-201901-03-2019 12:56:43 IST
Updated On 01-03-2019 13:16:30 ISTUpdated On 01-03-20192019-03-01T07:26:43.998Z01-03-2019 2019-03-01T07:26:41.981Z - 2019-03-01T07:46:30.825Z - 01-03-2019

మోడీ గో బ్యాక్.. స్టీల్ సిటీలో టెన్షన్
facebooktwitterGooglewhatsappwhatsappGoogle
ఇవాళ ప్రధాని మోదీ విశాఖ పర్యటన సందర్భంగా టెన్షన్ వాతావరణం నెలకొంది. ఆయనకు నల్ల ఫ్లెక్సీలతో నిరసనలు తెలపాలని టీడీపీ, కాంగ్రెస్, ఏపీ ప్రత్యేక హోదా సాధనసమితి నిర్ణయించాయి. మోడీకి వ్యతిరేకంగా భారీ ఎత్తున ఫ్లెక్సీలు ఏర్పాటు చేశారు. అయితే ఈ ఫ్లెక్సీలను బీజేపీ కార్యకర్తలు తొలగించడం ఉద్రిక్తతకు దారితీస్తోంది. మోదీ రాష్ట్రానికి ఇచ్చిన హామీలను గుర్తు చేస్తూ.. నల్లరంగులో హోర్డింగ్‌లు ఏర్పాటు చేశారు. మోదీ ప్రయాణించే మార్గాల్లో అనేక హోర్డింగ్‌‌లు వెలిశాయి. శుక్రవారం సాయంత్రం విశాఖలో జరిగే బహిరంగసభలో మోడీ పాల్గొంటున్నారు. 

ఇంతకుముందే గుంటూరు పర్యటన చేసిన ప్రధాని మోదీ.. మళ్లీ ఏపీ పర్యటనకు సిద్ధమయ్యారు. కేరళలోని తిరువనంతపురం నుంచి బయలుదేరి ఇవాళ సాయంత్రం 6:20 గంటలకు విశాఖ ఎయిర్ పోర్టుకు చేరుకోనున్నారు. అక్కడి నుంచి సాయంత్రం 6:45 గంటలకు రైల్వే గ్రౌండ్స్‌కి వెళ్తారు. రాత్రి 7 గంటల నుంచి 7.45 గంటల వరకు బహిరంగ సభలో పాల్గొంటారు. రాత్రి 7.50 గంటలకు సభా ప్రాంగణం నుంచి బయల్దేరి 8.10 గంటలకు ఎయిర్ పోర్టుకు చేరుకొని.. ప్రత్యేక విమానంలో ఢిల్లీ వెళ్ళిపోనున్నారు మోడీ. 

మరోవైపు విశాఖ సభలో నరేంద్ర మోదీ ఏం మాట్లాడబోతున్నారన్నది ఆసక్తిగా మారింది. బుధవారమే విశాఖకు రైల్వే జోన్ ప్రకటించగా.. ఈ అంశం తమకు ప్లస్ అవుతుందని బీజేపీ భావిస్తోంది. రైల్వే జోన్ హామీని నిలబెట్టుకున్నామని చెబుతూనే.. ఏపీకి ఈ నాలుగున్నరేళ్లలో ఎలాంటి సాయం చేశామో చెప్పేందుకు ప్రధాని సిద్ధమవుతున్నారు. అయితే  అలాగే టీడీపీ టార్గెట్‌గా మరోసారి మాటల యుద్ధం ఖాయమనే సంకేతాలు కనిపిస్తున్నాయి. 

ఏపీ ప్రత్యేక హోదా హామీ ఏమైందంటూ టీడీపీ నేతలు ప్రశ్నిస్తున్నారు. తిరుమల సాక్షిగా ఇచ్చిన విభజన హామీలను గుర్తుచేస్తున్నారు. విశాఖ రైల్వేజోన్ కంటితుడుపు చర్యే అంటున్న టీడీపీ రైల్వేజోన్ విషయంలో మేం అడిగిందేంటి? మీరిచ్చిందేంటి? అంటున్నారు. ఆదాయం లేని జోన్‌తో  ఏపీకి ఒరిగేదేంటి అని టీడీపీ ఎద్దేవా చేస్తోంది. మోడీ గో బ్యాక్ .. అంటూ సాగరతీరంలో నినాదాలు హోరెత్తుతున్నాయి. మొత్తం మీద మోడీ ఏపీ పర్యటన మళ్లీ వేడిని రాజేస్తోంది. 


G. Sathyanarayana Raju


గొట్టుముక్కల సత్యనారాయణరాజుకు జర్నలిజంలో 21 సంవత్సరాలకు పైగా అనుభవం ఉంది. ప్రముఖ దినపత్రికలు, మేగజైన్లు, న్యూస్ ఛానెళ్ళలో వివిధ హోదాల్లో బాధ్యతలు నిర్వర్తించారు. డిజిటల్ మీడియాలో ప్రవేశించి... నాలుగేళ్ళనుంచి వివిధ వెబ్‌సైట్లలో పనిచేశారు. ప్రస్తుతం న్యూస్‌స్టింగ్‌.ఇన్ లో కంటెంట్ హెడ్‌గా పనిచేస్తున్నారు. ఫీచర్ రైటింగ్, ప్రత్యేక కథనాలు, కరెంట్ అఫైర్స్, ఎన్నికల కథనాలు, రాజకీయ కథనాల విశ్లేషణలో మంచి ప్రావీణ్యం ఉంది.
 gsnraju@rightfolio.in
      040 23600300

newsting
Daily Updates
facebooktwitterGooglewhatsappwhatsappGoogle